Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]
అస్య శ్రీఅంగారక కవచస్తోత్ర మంత్రస్య విరూపాక్ష ఋషిః, అనుష్టుప్ ఛందః, అంగారకో దేవతా, అం బీజం, గం శక్తిః, రం కీలకం, మమ అంగారకగ్రహ ప్రసాదసిద్ధ్యర్థే జపే వినియోగః ||
కరన్యాసః –
ఆం అంగుష్ఠాభ్యాం నమః |
ఈం తర్జనీభ్యాం నమః |
ఊం మధ్యమాభ్యాం నమః |
ఐం అనామికాభ్యాం నమః |
ఔం కనిష్ఠికాభ్యాం నమః |
అః కరతలకరపృష్ఠాభ్యాం నమః |
అంగన్యాసః –
ఆం హృదయాయ నమః |
ఈం శిరసే స్వాహా |
ఊం శిఖాయై వషట్ |
ఐం కవచాయ హుమ్ |
ఔం నేత్రత్రయాయ వౌషట్ |
అః అస్త్రాయ ఫట్ |
ధ్యానమ్ –
నమామ్యంగారకం దేవం రక్తాంగం వరభూషణం
జానుస్థం వామహస్తాభ్యాం చాపేషువరపాణినమ్ |
చతుర్భుజం మేషవాహం వరదం వసుధాప్రియం
శక్తిశూలగదాఖడ్గం జ్వాలపుంజోర్ధ్వకేశకమ్ ||
మేరుం ప్రదక్షిణం కృత్వా సర్వదేవాత్మసిద్ధిదమ్ |
అథ కవచమ్ –
అంగారకః శిరో రక్షేన్ముఖం వై ధరణీసుతః |
కర్ణౌ రక్తాంబరః పాతు నేత్రే మే రక్తలోచనః || ౧ ||
నాసికాం మే శక్తిధరః కంఠం మే పాతు భౌమకః |
భుజౌ తు రక్తమాలీ చ హస్తౌ శూలధరస్తథా || ౨ ||
చతుర్భుజో మే హృదయం కుక్షిం రోగాపహారకః |
కటిం మే భూమిజః పాతు ఊరూ పాతు గదాధరః || ౩ ||
జానుజంఘే కుజః పాతు పాదౌ భౌమః సదా మమ |
సర్వాణి యాని చాంగాని రక్షేన్మే మేషవాహనః || ౪ ||
య ఇదం కవచం దివ్యం సర్వశత్రువినాశనమ్ |
భూతప్రేతపిశాచానాం నాశనం సర్వసిద్ధిదమ్ || ౫ ||
సర్వరోగహరం చైవ సర్వసంపత్ప్రదం శుభమ్ |
భుక్తిముక్తిప్రదం నౄణాం సర్వసౌభాగ్యవర్ధనమ్ || ౬ ||
ఋణబంధనముక్తిర్వై సత్యమేవ న సంశయః |
స్తోత్రపాఠస్తు కర్తవ్యో దేవస్యాగ్రే సమాహితః || ౭ ||
రక్తగంధాక్షతైః పుష్పైర్ధూపదీపగుడోదనైః |
మంగళం పూజయిత్వా తు మంగళేఽహని సర్వదా || ౮ ||
బ్రాహ్మణాన్భోజయేత్పశ్చాచ్చతురో ద్వాదశాథవా |
అనేన విధినా యస్తు కృత్వా వ్రతమనుత్తమమ్ || ౯ ||
వ్రతం తదేవం కుర్వీత సప్తవారేషు వా యది |
తేషాం శస్త్రాణ్యుత్పలాని వహ్నిః స్యాచ్చంద్రశీతలః || ౧౦ ||
న చైనం వ్యథయంత్యస్మాన్మృగపక్షిగజాదయః |
మహాంధతమసే ప్రాప్రే మార్తాండస్యోదయాదివ |
విలయం యాంతి పాపాని శతజన్మార్జితాని వై || ౧౧ ||
ఇతి శ్రీ అంగారక కవచమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
నవగ్రహ స్తోత్రనిధి
(నిత్య పారాయణ గ్రంథము)
మరిన్ని నవగ్రహ స్తోత్రాలు చూడండి.
పైరసీ ప్రకటన : నాగేంద్రాస్ న్యూ గొల్లపూడి వీరాస్వామి సన్ మరియు శ్రీఆదిపూడి వెంకటశివసాయిరామ్ గారు కలిసి మా రెండు పుస్తకాలను ("శ్రీ వారాహీ స్తోత్రనిధి" మరియు "శ్రీ శ్యామలా స్తోత్రనిధి") ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.