Sri Budha Kavacham – ஶ்ரீ புத கவசம்


அஸ்ய ஶ்ரீபு³த⁴ கவசஸ்தோத்ரஸ்ய காத்யாயந ருஷி꞉, அநுஷ்டுப் ச²ந்த³꞉, பு³தோ⁴ தே³வதா, யம் பீ³ஜம், க்லீம் ஶக்தி꞉, ஊம் கீலகம், பு³த⁴க்³ரஹ ப்ரஸாத³ஸித்³த்⁴யர்தே² ஜபே விநியோக³꞉ ॥

கரந்யாஸ꞉ –
பா³ம் அங்கு³ஷ்டா²ப்⁴யாம் நம꞉ ।
பீ³ம் தர்ஜநீப்⁴யாம் நம꞉ ।
பூ³ம் மத்⁴யமாப்⁴யாம் நம꞉ ।
பை³ம் அநாமிகாப்⁴யாம் நம꞉ ।
பௌ³ம் கநிஷ்டி²காப்⁴யாம் நம꞉ ।
ப³꞉ கரதலகரப்ருஷ்டா²ப்⁴யாம் நம꞉ ।

அங்க³ந்யாஸ꞉ –
பா³ம் ஹ்ருத³யாய நம꞉ ।
பீ³ம் ஶிரஸே ஸ்வாஹா ।
பூ³ம் ஶிகா²யை வஷட் ।
பை³ம் கவசாய ஹும் ।
பௌ³ம் நேத்ரத்ரயாய வௌஷட் ।
ப³꞉ அஸ்த்ராய ப²ட் ।

த்⁴யாநம் –
பு³த⁴꞉ புஸ்தகஹஸ்தஶ்ச குங்குமஸ்ய ஸமத்³யுதி꞉ ।
பு³த⁴ம் ஜ்ஞாநமயம் ஸர்வம் குங்குமாப⁴ம் சதுர்பு⁴ஜம் ॥ 1 ॥

க²ட்³க³ஶூலக³தா³பாணிம் வரதா³ங்கிதமுத்³ரிதம் ।
பீதாம்ப³ரத⁴ரம் தே³வம் பீதமால்யாநுலேபநம் ॥ 2 ॥

வஜ்ராத்³யாப⁴ரணம் சைவ கிரீட மகுடோஜ்ஜ்வலம் ।
ஶ்வேதாஶ்வரத²மாரூட⁴ம் மேரும் சைவ ப்ரத³க்ஷிணம் ॥ 3 ॥

அத² கவசம் –
பு³த⁴꞉ பாது ஶிரோதே³ஶம் ஸௌம்ய꞉ பாது ச பா²லகம் ।
நேத்ரே ஜ்ஞாநமய꞉ பாது ஶ்ருதீ பாது விதூ⁴த்³ப⁴வ꞉ ॥ 1 ॥

க்⁴ராணம் க³ந்த⁴த⁴ர꞉ பாது பு⁴ஜௌ புஸ்தகபூ⁴ஷித꞉ ।
மத்⁴யம் பாது ஸுராராத்⁴ய꞉ பாது நாபி⁴ம் க²கே³ஶ்வர꞉ ॥ 2 ॥

கடிம் காலாத்மஜ꞉ பாது ஊரூ பாது ஸுரேஶ்வர꞉ ।
ஜாநுநீ ரோஹிணீஸூநு꞉ பாது ஜங்கே⁴ ப²லப்ரத³꞉ ॥ 3 ॥

பாதௌ³ பா³ணாஸந꞉ பாது பாது ஸௌம்யோ(அ)கி²லம் வபு꞉ ।
ஏஷோ(அ)பி கவச꞉ புண்ய꞉ ஸர்வோபத்³ரவஶாந்தித³꞉ ॥ 4 ॥

ஸர்வரோக³ப்ரஶமந꞉ ஸர்வது³꞉க²நிவாரக꞉ ।
ஆயுராரோக்³யஶுப⁴த³꞉ புத்ரபௌத்ரப்ரவர்த⁴ந꞉ ॥ 5 ॥

ய꞉ படே²த்கவசம் தி³வ்யம் ஶ்ருணுயாத்³வா ஸமாஹித꞉ ।
ஸர்வாந்காமாநவாப்நோதி தீ³ர்க⁴மாயுஶ்ச விந்த³தி꞉ ॥ 6 ॥

இதி ஶ்ரீப்³ரஹ்மவைவர்தபுராணே ஶ்ரீ பு³த⁴ கவசம் ।


மேலும் நவக்ரஹ ஸ்தோத்திரங்கள் பார்க்க.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed