Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ బాలా స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీభైరవ ఉవాచ |
జయ దేవి జగద్ధాత్రి జయ పాపౌఘహారిణి |
జయ దుఃఖప్రశమని శాంతిర్భవ మమార్చనే || ౧ ||
శ్రీబాలే పరమేశాని జయ కల్పాంతకారిణి |
జయ సర్వవిపత్తిఘ్నే శాంతిర్భవ మమార్చనే || ౨ ||
జయ బిందునాదరూపే జయ కళ్యాణకారిణి |
జయ ఘోరే చ శత్రుఘ్నే శాంతిర్భవ మమార్చనే || ౩ ||
ముండమాలే విశాలాక్షి స్వర్ణవర్ణే చతుర్భుజే |
మహాపద్మవనాంతస్థే శాంతిర్భవ మమార్చనే || ౪ ||
జగద్యోని మహాయోని నిర్ణయాతీతరూపిణి |
పరాప్రాసాదగృహిణి శాంతిర్భవ మమార్చనే || ౫ ||
ఇందుచూడయుతే చాక్షహస్తే శ్రీపరమేశ్వరి |
రుద్రసంస్థే మహామాయే శాంతిర్భవ మమార్చనే || ౬ ||
సూక్ష్మే స్థూలే విశ్వరూపే జయ సంకటతారిణి |
యజ్ఞరూపే జాప్యరూపే శాంతిర్భవ మమార్చనే || ౭ ||
దూతీప్రియే ద్రవ్యప్రియే శివే పంచాంకుశప్రియే |
భక్తిభావప్రియే భద్రే శాంతిర్భవ మమార్చనే || ౮ ||
భావప్రియే లాసప్రియే కారణానందవిగ్రహే |
శ్మశానస్య దేవమూలే శాంతిర్భవ మమార్చనే || ౯ ||
జ్ఞానాజ్ఞానాత్మికే చాద్యే భీతినిర్మూలనక్షమే |
వీరవంద్యే సిద్ధిదాత్రి శాంతిర్భవ మమార్చనే || ౧౦ ||
స్మరచందనసుప్రీతే శోణితార్ణవసంస్థితే |
సర్వసౌఖ్యప్రదే శుద్ధే శాంతిర్భవ మమార్చనే || ౧౧ ||
కాపాలికి కళాధారే కోమలాంగి కులేశ్వరి |
కులమార్గరతే సిద్ధే శాంతిర్భవ మమార్చనే || ౧౨ ||
శాంతిస్తోత్రం సుఖకరం బల్యంతే పఠతే శివే |
దేవ్యాః శాంతిర్భవేత్తస్య న్యూనాధిక్యాదికర్మణి || ౧౩ ||
మంత్రసిద్ధికామనయా దశావృత్త్యా పఠేద్యది |
మంత్రసిద్ధిర్భవేత్తస్య నాత్ర కార్యా విచారణా || ౧౪ ||
చంద్రసూర్యోపరాగే చ యః పఠేత్ స్తోత్రముత్తమమ్ |
బాలా సద్మని సౌఖ్యేన బహుకాలం వసేత్తతః || ౧౫ ||
సర్వభద్రమవాప్నోతి సర్వత్ర విజయీ భవేత్ |
తీర్థకోటిగుణం చైవ దానకోటిఫలం తథా |
లభతే నాత్ర సందేహః సత్యం సత్యం మయోదితమ్ || ౧౬ ||
ఇతి చింతామణితంత్రే శ్రీ బాలా శాంతి స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ బాలా స్తోత్రనిధి
(నిత్య పారాయణ గ్రంథము)
See Details – Click here to buy
మరిన్ని శ్రీ బాలా స్తోత్రాలు చూడండి. మరిన్ని దేవీ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
