Sri Bala Shanti Stotram – ஶ்ரீ பா³லா ஶாந்தி ஸ்தோத்ரம்

ஶ்ரீபை⁴ரவ உவாச ।
ஜய தே³வி ஜக³த்³தா⁴த்ரி ஜய பாபௌக⁴ஹாரிணி ।
ஜய து³꞉க²ப்ரஶமநி ஶாந்திர்ப⁴வ மமார்சநே ॥ 1 ॥

ஶ்ரீபா³லே பரமேஶாநி ஜய கல்பாந்தகாரிணி ।
ஜய ஸர்வவிபத்திக்⁴நே ஶாந்திர்ப⁴வ மமார்சநே ॥ 2 ॥

ஜய பி³ந்து³நாத³ரூபே ஜய கல்யாணகாரிணி ।
ஜய கோ⁴ரே ச ஶத்ருக்⁴நே ஶாந்திர்ப⁴வ மமார்சநே ॥ 3 ॥

முண்ட³மாலே விஶாலாக்ஷி ஸ்வர்ணவர்ணே சதுர்பு⁴ஜே ।
மஹாபத்³மவநாந்தஸ்தே² ஶாந்திர்ப⁴வ மமார்சநே ॥ 4 ॥

ஜக³த்³யோநி மஹாயோநி நிர்ணயாதீதரூபிணி ।
பராப்ராஸாத³க்³ருஹிணி ஶாந்திர்ப⁴வ மமார்சநே ॥ 5 ॥

இந்து³சூட³யுதே சாக்ஷஹஸ்தே ஶ்ரீபரமேஶ்வரி ।
ருத்³ரஸம்ஸ்தே² மஹாமாயே ஶாந்திர்ப⁴வ மமார்சநே ॥ 6 ॥

ஸூக்ஷ்மே ஸ்தூ²லே விஶ்வரூபே ஜய ஸங்கடதாரிணி ।
யஜ்ஞரூபே ஜாப்யரூபே ஶாந்திர்ப⁴வ மமார்சநே ॥ 7 ॥

தூ³தீப்ரியே த்³ரவ்யப்ரியே ஶிவே பஞ்சாங்குஶப்ரியே ।
ப⁴க்திபா⁴வப்ரியே ப⁴த்³ரே ஶாந்திர்ப⁴வ மமார்சநே ॥ 8 ॥

பா⁴வப்ரியே லாஸப்ரியே காரணாநந்த³விக்³ரஹே ।
ஶ்மஶாநஸ்ய தே³வமூலே ஶாந்திர்ப⁴வ மமார்சநே ॥ 9 ॥

ஜ்ஞாநாஜ்ஞாநாத்மிகே சாத்³யே பீ⁴திநிர்மூலநக்ஷமே ।
வீரவந்த்³யே ஸித்³தி⁴தா³த்ரி ஶாந்திர்ப⁴வ மமார்சநே ॥ 10 ॥

ஸ்மரசந்த³நஸுப்ரீதே ஶோணிதார்ணவஸம்ஸ்தி²தே ।
ஸர்வஸௌக்²யப்ரதே³ ஶுத்³தே⁴ ஶாந்திர்ப⁴வ மமார்சநே ॥ 11 ॥

காபாலிகி கலாதா⁴ரே கோமளாங்கி³ குலேஶ்வரி ।
குலமார்க³ரதே ஸித்³தே⁴ ஶாந்திர்ப⁴வ மமார்சநே ॥ 12 ॥

ஶாந்திஸ்தோத்ரம் ஸுக²கரம் ப³ல்யந்தே பட²தே ஶிவே ।
தே³வ்யா꞉ ஶாந்திர்ப⁴வேத்தஸ்ய ந்யூநாதி⁴க்யாதி³கர்மணி ॥ 13 ॥

மந்த்ரஸித்³தி⁴காமநயா த³ஶாவ்ருத்த்யா படே²த்³யதி³ ।
மந்த்ரஸித்³தி⁴ர்ப⁴வேத்தஸ்ய நாத்ர கார்யா விசாரணா ॥ 14 ॥

சந்த்³ரஸூர்யோபராகே³ ச ய꞉ படே²த் ஸ்தோத்ரமுத்தமம் ।
பா³லா ஸத்³மநி ஸௌக்²யேந ப³ஹுகாலம் வஸேத்தத꞉ ॥ 15 ॥

ஸர்வப⁴த்³ரமவாப்நோதி ஸர்வத்ர விஜயீ ப⁴வேத் ।
தீர்த²கோடிகு³ணம் சைவ தா³நகோடிப²லம் ததா² ।
லப⁴தே நாத்ர ஸந்தே³ஹ꞉ ஸத்யம் ஸத்யம் மயோதி³தம் ॥ 16 ॥

இதி சிந்தாமணிதந்த்ரே ஶ்ரீ பா³லா ஶாந்தி ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.