Sri Bala Panchachamara Stava – శ్రీ బాలా పంచచామర స్తవః


గిరీంద్రరాజబాలికాం దినేశతుల్యరూపికామ్ |
ప్రవాలజాప్యమాలికాం భజామి దైత్యమర్దికామ్ || ౧ ||

నిశేశమౌలిధారికాం నృముండపంక్తిశోభికామ్ |
నవీనయౌవనాఖ్యకాం స్మరామి పాపనాశికామ్ || ౨ ||

భవార్ణవాత్తు తారికాం భవేన సార్ధఖేలికామ్ |
కుతర్కకర్మభంజికాం నమామి ప్రౌఢరూపికామ్ || ౩ ||

స్వరూపరూపకాలికాం స్వయం స్వయంభుస్వాత్మికామ్ |
ఖగేశరాజదండికాం అఈకరాం సుబీజకామ్ || ౪ ||

శ్మశానభూమిశాయికాం విశాలభీతివారిణీమ్ |
తుషారతుల్యవాచికాం సనిమ్నతుంగనాభికామ్ || ౫ ||

సుపట్టవస్త్రసాజికాం సుకింకిణీవిరాజితామ్ |
సుబుద్ధిబుద్ధిదాయికాం సురా సదా సుపీయకామ్ || ౬ ||

సక్లీం ససౌః ససర్గకాం సనాతనేశ చాంబికామ్ |
ససృష్టిపాలనాశికాం ప్రణౌమి దీర్ఘకేశకామ్ || ౭ ||

సహస్రమార్గపాలికా పరాపరాత్మభవ్యకామ్ |
సుచారుచారువక్త్రకా శివం దదాతు భద్రికా || ౮ ||

ఇత్యేతత్పరమం గుహ్యం పంచచామరసంజ్ఞకమ్ |
బాలాగ్రే యః పఠతి చ తస్య సిద్ధిర్భవేద్ధ్రువమ్ || ౯ ||

యం యం చింతయతే కామం తం తం ప్రాప్నోతి సాధకః |
సిద్ధిః కరతలే తస్య మృతే మోక్షమవాప్నుయాత్ || ౧౦ ||

ఇతి శ్రీ బాలా పంచచామర స్తవః |


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments
error: Not allowed
%d bloggers like this: