Sri Bala Mantragarbha Ashtakam – శ్రీ బాలా మంత్రగర్భాష్టకం


ఐం‍కారరూపిణీం సత్యాం ఐం‍కారాక్షరమాలినీమ్ |
ఐం‍బీజరూపిణీం దేవీం బాలాదేవీం నమామ్యహమ్ || ౧ ||

వాగ్భవాం వారుణీపీతాం వాచాసిద్ధిప్రదాం శివామ్ |
బలిప్రియాం వరాలాఢ్యాం వందే బాలాం శుభప్రదామ్ || ౨ ||

లాక్షారసనిభాం త్ర్యక్షాం లలజ్జిహ్వాం భవప్రియామ్ |
లంబకేశీం లోకధాత్రీం బాలాం ద్రవ్యప్రదాం భజే || ౩ ||

యైకారస్థాం యజ్ఞరూపాం యూం రూపాం మంత్రరూపిణీమ్ |
యుధిష్ఠిరాం మహాబాలాం నమామి పరమార్థదామ్ || ౪ ||

నమస్తేఽస్తు మహాబాలాం నమస్తే శంకరప్రియామ్ |
నమస్తేఽస్తు గుణాతీతాం నమస్తేఽస్తు నమో నమః || ౫ ||

మహామనీం మంత్రరూపాం మోక్షదాం ముక్తకేశినీమ్ |
మాంసాంశీ చంద్రమౌలిం చ స్మరామి సతతం శివామ్ || ౬ ||

స్వయంభువాం స్వధర్మస్థాం స్వాత్మబోధప్రకాశికామ్ |
స్వర్ణాభరణదీప్తాంగం బాలాం జ్ఞానప్రదాం భజే || ౭ ||

హా హా హా శబ్దనిరతాం హాస్యాం హాస్యప్రియాం విభుమ్ |
హుంకారాద్దైత్యఖండాఖ్యాం శ్రీబాలాం ప్రణమామ్యహమ్ || ౮ ||

ఇత్యష్టకం మహాపుణ్యం బాలాయాః సిద్ధిదాయకమ్ |
యే పఠంతి సదా భక్త్యా గచ్ఛంతి పరమాం గతిమ్ || ౯ ||

ఇతి కులచూడామణితంత్రే శ్రీబాలామంత్రగర్భాష్టకమ్ |


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments
error: Not allowed
%d bloggers like this: