Sri Bala Mantragarbha Ashtakam – śrī bālā mantragarbhāṣṭakam

aiṁ-kārarūpiṇīṁ satyāṁ aiṁ-kārākṣaramālinīm |
aiṁ-bījarūpiṇīṁ dēvīṁ bālādēvīṁ namāmyaham || 1 ||

vāgbhavāṁ vāruṇīpītāṁ vācāsiddhipradāṁ śivām |
balipriyāṁ varālāḍhyāṁ vandē bālāṁ śubhapradām || 2 ||

lākṣārasanibhāṁ tryakṣāṁ lalajjihvāṁ bhavapriyām |
lambakēśīṁ lōkadhātrīṁ bālāṁ dravyapradāṁ bhajē || 3 ||

yaikārasthāṁ yajñarūpāṁ yūṁ rūpāṁ mantrarūpiṇīm |
yudhiṣṭhirāṁ mahābālāṁ namāmi paramārthadām || 4 ||

namastē:’stu mahābālāṁ namastē śaṅkarapriyām |
namastē:’stu guṇātītāṁ namastē:’stu namō namaḥ || 5 ||

mahāmanīṁ mantrarūpāṁ mōkṣadāṁ muktakēśinīm |
māṁsāṁśī candramauliṁ ca smarāmi satataṁ śivām || 6 ||

svayambhuvāṁ svadharmasthāṁ svātmabōdhaprakāśikām |
svarṇābharaṇadīptāṅgaṁ bālāṁ jñānapradāṁ bhajē || 7 ||

hā hā hā śabdaniratāṁ hāsyāṁ hāsyapriyāṁ vibhum |
huṅkārāddaityakhaṇḍākhyāṁ śrībālāṁ praṇamāmyaham || 8 ||

ityaṣṭakaṁ mahāpuṇyaṁ bālāyāḥ siddhidāyakam |
yē paṭhanti sadā bhaktyā gacchanti paramāṁ gatim || 9 ||

iti kulacūḍāmaṇitantrē śrībālāmantragarbhāṣṭakam |

Did you see any mistake/variation in the content above? Click here to report mistakes and corrections in Stotranidhi content.