Read in తెలుగు / ಕನ್ನಡ / தமிழ் / देवनागरी / English (IAST)
śrīpārvatyuvāca |
dēvadēva mahādēva śaṅkara prāṇavallabha |
kavacaṁ śrōtumicchāmi bālāyā vada mē prabhō || 1 ||
śrīmahēśvara uvāca |
śrībālākavacaṁ dēvi mahāprāṇādhikaṁ param |
vakṣyāmi sāvadhānā tvaṁ śr̥ṇuṣvāvahitā priyē || 2 ||
atha dhyānam |
aruṇakiraṇajālaiḥ rañjitāśāvakāśā
vidhr̥tajapavaṭīkā pustakābhītihastā |
itarakaravarāḍhyā phullakahlārasaṁsthā
nivasatu hr̥di bālā nityakalyāṇaśīlā ||
atha kavacam |
vāgbhavaḥ pātu śirasi kāmarājastathā hr̥di |
śaktibījaṁ sadā pātu nābhau guhyē ca pādayōḥ || 1 ||
aiṁ klīṁ sauḥ vadanē pātu bālā māṁ sarvasiddhayē |
hasakalahrīṁ sauḥ pātu skandhē bhairavī kaṇṭhadēśataḥ || 2 ||
sundarī nābhidēśē:’vyāccarcē kāmakalā sadā |
bhrūnāsayōrantarālē mahātripurasundarī || 3 ||
lalāṭē subhagā pātu bhagā māṁ kaṇṭhadēśataḥ |
bhagōdayā tu hr̥dayē udarē bhagasarpiṇī || 4 ||
bhagamālā nābhidēśē liṅgē pātu manōbhavā |
guhyē pātu mahāvīrā rājarājēśvarī śivā || 5 ||
caitanyarūpiṇī pātu pādayōrjagadambikā |
nārāyaṇī sarvagātrē sarvakārya śubhaṅkarī || 6 ||
brahmāṇī pātu māṁ pūrvē dakṣiṇē vaiṣṇavī tathā |
paścimē pātu vārāhī hyuttarē tu mahēśvarī || 7 ||
āgnēyyāṁ pātu kaumārī mahālakṣmīśca nirr̥tau |
vāyavyāṁ pātu cāmuṇḍā cēndrāṇī pātu caiśakē || 8 ||
jalē pātu mahāmāyā pr̥thivyāṁ sarvamaṅgalā |
ākāśē pātu varadā sarvatō bhuvanēśvarī || 9 ||
idaṁ tu kavacaṁ nāma dēvānāmapi durlabham |
paṭhētprātaḥ samutthāya śuciḥ prayatamānasaḥ || 10 ||
nāmayō vyādhayastasya na bhayaṁ ca kvacidbhavēt |
na ca mārībhayaṁ tasya pātakānāṁ bhayaṁ tathā || 11 ||
na dāridryavaśaṁ gacchēttiṣṭhēnmr̥tyuvaśē na ca |
gacchēcchivapuraṁ dēvi satyaṁ satyaṁ vadāmyaham || 12 ||
yadidaṁ kavacaṁ jñātvā śrībālāṁ yō japēcchivē |
sa prāpnōti phalaṁ sarvaṁ śivasāyujyasambhavam || 13 ||
iti śrīrudrayāmalē śrī bālā kavacam |
See more śrī bālā stōtrāṇi for chanting.
Hyd Book Exhibition: స్తోత్రనిధి బుక్ స్టాల్ 37th Hyderabad Book Fair లో ఉంటుంది. 19-Dec-2024 నుండి 29-Dec-2024 వరకు Kaloji Kalakshetram (NTR Stadium), Hyderabad వద్ద నిర్వహించబడుతుంది. దయచేసి గమనించగలరు.
గమనిక: "శ్రీ కృష్ణ స్తోత్రనిధి" విడుదల చేశాము. Click here to buy. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము. మా తదుపరి ప్రచురణ: "శ్రీ ఆంజనేయ స్తోత్రనిధి" .
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
