Sri Bala Kavacham 2 (Rudrayamale) – ஶ்ரீ பா³லா கவசம் – 2 (ருத்³ரயாமளே)

ஸ்தோத்ரநிதி → ஶ்ரீ பா³லா ஸ்தோத்ராணி → ஶ்ரீ பா³லா கவசம் – 2 (ருத்³ரயாமளே)

ஶ்ரீபார்வத்யுவாச ।
தே³வதே³வ மஹாதே³வ ஶங்கர ப்ராணவல்லப⁴ ।
கவசம் ஶ்ரோதுமிச்சா²மி பா³லாயா வத³ மே ப்ரபோ⁴ ॥ 1 ॥

ஶ்ரீமஹேஶ்வர உவாச ।
ஶ்ரீபா³லாகவசம் தே³வி மஹாப்ராணாதி⁴கம் பரம் ।
வக்ஷ்யாமி ஸாவதா⁴நா த்வம் ஶ்ருணுஷ்வாவஹிதா ப்ரியே ॥ 2 ॥

அத² த்⁴யாநம் ।
அருணகிரணஜாலை꞉ ரஞ்ஜிதாஶாவகாஶா
வித்⁴ருதஜபவடீகா புஸ்தகாபீ⁴திஹஸ்தா ।
இதரகரவராட்⁴யா பு²ல்லகஹ்லாரஸம்ஸ்தா²
நிவஸது ஹ்ருதி³ பா³லா நித்யகல்யாணஶீலா ॥

அத² கவசம் ।
வாக்³ப⁴வ꞉ பாது ஶிரஸி காமராஜஸ்ததா² ஹ்ருதி³ ।
ஶக்திபீ³ஜம் ஸதா³ பாது நாபௌ⁴ கு³ஹ்யே ச பாத³யோ꞉ ॥ 1 ॥

ஐம் க்லீம் ஸௌ꞉ வத³நே பாது பா³லா மாம் ஸர்வஸித்³த⁴யே ।
ஹஸகலஹ்ரீம் ஸௌ꞉ பாது ஸ்கந்தே⁴ பை⁴ரவீ கண்ட²தே³ஶத꞉ ॥ 2 ॥

ஸுந்த³ரீ நாபி⁴தே³ஶே(அ)வ்யாச்சர்சே காமகலா ஸதா³ ।
ப்⁴ரூநாஸயோரந்தராளே மஹாத்ரிபுரஸுந்த³ரீ ॥ 3 ॥

லலாடே ஸுப⁴கா³ பாது ப⁴கா³ மாம் கண்ட²தே³ஶத꞉ ।
ப⁴கோ³த³யா து ஹ்ருத³யே உத³ரே ப⁴க³ஸர்பிணீ ॥ 4 ॥

ப⁴க³மாலா நாபி⁴தே³ஶே லிங்கே³ பாது மநோப⁴வா ।
கு³ஹ்யே பாது மஹாவீரா ராஜராஜேஶ்வரீ ஶிவா ॥ 5 ॥

சைதந்யரூபிணீ பாது பாத³யோர்ஜக³த³ம்பி³கா ।
நாராயணீ ஸர்வகா³த்ரே ஸர்வகார்ய ஶுப⁴ங்கரீ ॥ 6 ॥

ப்³ரஹ்மாணீ பாது மாம் பூர்வே த³க்ஷிணே வைஷ்ணவீ ததா² ।
பஶ்சிமே பாது வாராஹீ ஹ்யுத்தரே து மஹேஶ்வரீ ॥ 7 ॥

ஆக்³நேய்யாம் பாது கௌமாரீ மஹாலக்ஷ்மீஶ்ச நிர்ருதௌ ।
வாயவ்யாம் பாது சாமுண்டா³ சேந்த்³ராணீ பாது சைஶகே ॥ 8 ॥

ஜலே பாது மஹாமாயா ப்ருதி²வ்யாம் ஸர்வமங்க³ளா ।
ஆகாஶே பாது வரதா³ ஸர்வதோ பு⁴வநேஶ்வரீ ॥ 9 ॥

இத³ம் து கவசம் நாம தே³வாநாமபி து³ர்லப⁴ம் ।
படே²த்ப்ராத꞉ ஸமுத்தா²ய ஶுசி꞉ ப்ரயதமாநஸ꞉ ॥ 10 ॥

நாமயோ வ்யாத⁴யஸ்தஸ்ய ந ப⁴யம் ச க்வசித்³ப⁴வேத் ।
ந ச மாரீப⁴யம் தஸ்ய பாதகாநாம் ப⁴யம் ததா² ॥ 11 ॥

ந தா³ரித்³ர்யவஶம் க³ச்சே²த்திஷ்டே²ந்ம்ருத்யுவஶே ந ச ।
க³ச்சே²ச்சி²வபுரம் தே³வி ஸத்யம் ஸத்யம் வதா³ம்யஹம் ॥ 12 ॥

யதி³த³ம் கவசம் ஜ்ஞாத்வா ஶ்ரீபா³லாம் யோ ஜபேச்சி²வே ।
ஸ ப்ராப்நோதி ப²லம் ஸர்வம் ஶிவஸாயுஜ்யஸம்ப⁴வம் ॥ 13 ॥

இதி ஶ்ரீருத்³ரயாமளே ஶ்ரீ பா³லா கவசம் ।

---

மேலும் ஶ்ரீ வாராஹீ ஸ்தோத்திரங்கள் பார்க்க.

---