Read in తెలుగు / ಕನ್ನಡ / தமிழ் / देवनागरी / English (IAST)
śaunaka uvāca |
kailāsaśikharē ramyē nānāpuṣpōpaśōbhitē |
kalpapādapamadhyasthē gandharvagaṇasēvitē || 1 ||
maṇimaṇḍapamadhyasthē nānāratnōpaśōbhitē |
taṁ kadācit sukhāsīnaṁ bhagavantaṁ jagadgurum || 2 ||
kapālakhaṭvāṅgadharaṁ candrārdhakr̥taśēkharam |
triśūlaḍamarudharaṁ mahāvr̥ṣabhavāhanam || 3 ||
jaṭājūṭadharaṁ dēvaṁ vāsukikaṇṭhabhūṣaṇam |
vibhūtibhūṣaṇaṁ dēvaṁ nīlakaṇṭhaṁ trilōcanam || 4 ||
dvīpicarmaparīdhānaṁ śuddhasphaṭikasannibham |
sahasrādityasaṅkāśaṁ girijārdhāṅgabhūṣaṇam || 5 ||
praṇamya śirasā nāthaṁ kāraṇaṁ viśvarūpiṇam |
kr̥tāñjalipuṭō bhūtvā prāha taṁ śikhivāhanaḥ || 6 ||
kārtikēya uvāca |
dēvadēva mahādēva sr̥ṣṭisthityantakāraka |
tvaṁ gatiḥ sarvadēvānāṁ tvaṁ gatiḥ sarvadēhinām || 7 ||
tvaṁ gatiḥ sarvadēvānāṁ sarvēṣāṁ tvaṁ gatirvibhō |
tvamēva jagadādhārastvamēva viśvakāraṇam || 8 ||
tvamēva pūjyaḥ sarvēṣāṁ tvadanyō nāsti mē gatiḥ |
kiṁ guhyaṁ paramaṁ lōkē kimēkaṁ sarvasiddhidam || 9 ||
kimēkaṁ paramaṁ sr̥ṣṭiḥ kiṁ bhaumaiśvaryamōkṣadam |
vinā tīrthēna tapasā vinā vēdairvinā makhaiḥ || 10 ||
vinā jāpyēna dhyānēna kathaṁ siddhimavāpnuyāt |
kasmādutpadyatē sr̥ṣṭiḥ kasmiṁśca vilayō bhavēt || 11 ||
kasmāduttīryatē dēva saṁsārārṇavasaṅkaṭāt |
tadahaṁ śrōtumicchāmi kathayasva mahēśvara || 12 ||
śrīmahādēva uvāca |
sādhu sādhu tvayā pr̥ṣṭō:’smyahaṁ pārvatīnandana |
asti guhyatamaṁ putra kathayiṣyāmyasaṁśayam || 13 ||
sattvaṁ rajastamaścaiva brahmaviṣṇuśivādayaḥ |
yē cānyē bahavō bhūtāḥ sarvē prakr̥tisambhavāḥ || 14 ||
saiva dēvī parāśaktirmahātripurasundarī |
saiva saṁharatē viśvaṁ jagadētaccarācaram || 15 ||
ādhāraṁ sarvabhūtānāṁ saiva rōgārtihāriṇī |
icchāśaktiḥ kriyārūpā brahmaviṣṇuśivātmikā || 16 ||
tridhā śaktisvarūpēṇa sr̥ṣṭisthitivināśinī |
sr̥jati brahmarūpēṇa viṣṇurūpēṇa rakṣati || 17 ||
haratē rudrarūpēṇa jagadētaccarācaram |
yasya yōnau jagatsarvamadyāpi vartatē:’khilam || 18 ||
yasyāṁ pralīyatē cāntē yasyāṁ ca jāyatē punaḥ |
yāṁ samārādhya trailōkyē samprāptaṁ padamuttamam |
tasyāḥ nāmasahasraṁ tē kathayāmi śr̥ṇuṣva tat || 19 ||
asya śrībālāsahasranāmastōtramantrasya, bhagavān dakṣiṇāmurtirvāmadēva r̥ṣiḥ, gāyatrī chandaḥ, prakaṭa gupta guptatara sampradāya kula kaulōttīrṇā nigarbha rahasyātirahasya parāpararahasyā cintya vartinī bālā dēvatā, āṁ bījaṁ, hrīṁ śaktiḥ, klīṁ kīlakaṁ, śrībālāprītyarthē pārāyaṇē viniyōgaḥ |
dhyānam –
ādhārē taruṇārkabimbasadr̥śaṁ hēmaprabhaṁ vāgbhavaṁ
bījaṁ mānmathamindragōpasadr̥śaṁ hr̥tpaṅkajē saṁsthitam |
cakraṁ bhālamayaṁ śaśāṅkaruciraṁ bījaṁ tu tārtīyakaṁ
yē dhyāyanti padatrayaṁ tava śivē tē yānti sūkṣmāṁ gatim ||
stōtraṁ –
kalyāṇī kamalā kālī karālī kāmarūpiṇī |
kāmākṣā kāmadā kāmyā kāmanā kāmacāriṇī || 22 ||
kaumārī karuṇāmūrtiḥ kalikalmaṣanāśinī |
kātyāyanī kalādhārā kaumudī kamalapriyā || 23 ||
kīrtidā buddhidā mēdhā nītijñā nītivatsalā |
māhēśvarī mahāmāyā mahātējā mahēśvarī || 24 ||
kālarātrirmahārātriḥ kālindī kalparūpiṇī |
mahājihvā mahālōlā mahādaṁṣṭrā mahābhujā || 25 ||
mahāmōhāndhakāraghnī mahāmōkṣapradāyinī |
mahādāridryarāśighnī mahāśatruvimardinī || 26 ||
mahāśaktirmahājyōtirmahāsuravimardinī |
mahākāyā mahābījā mahāpātakanāśinī || 27 ||
mahāmakhā mantramayī maṇipuranivāsinī |
mānasī mānadā mānyā manaścakṣuragōcarā || 28 ||
gaṇamātā ca gāyatrī gaṇagandharvasēvitā |
girijā giriśā sādhvī girisūrgirisambhavā || 29 ||
caṇḍēśvarī candrarūpā pracaṇḍā caṇḍamālinī |
carcikā carcitākārā caṇḍikā cārurūpiṇī || 30 ||
yajñēśvarī yajñarūpā japayajñaparāyaṇā |
yajñamātā yajñagōptrī yajñēśī yajñasambhavā || 31 ||
yajñasiddhiḥ kriyāsiddhiryajñāṅgī yajñarakṣakā |
yajñapriyā yajñarūpā yājñī yajñakr̥pālayā || 32 ||
jālandharī jaganmātā jātavēdā jagatpriyā |
jitēndriyā jitakrōdhā jananī janmadāyinī || 33 ||
gaṅgā gōdāvarī gaurī gautamī ca śatahradā |
ghurghurā vēdagarbhā ca rēvikā karasambhavā || 34 ||
sindhurmandākinī kṣiprā yamunā ca sarasvatī |
candrabhāgā vipāśā ca gaṇḍakī vindhyavāsinī || 35 ||
narmadā kanhā kāvērī vētravatyā ca kauśikī |
mahōnatanayā caiva ahalyā campakāvatī || 36 ||
ayōdhyā mathurā māyā kāśī kāñcī avantikā |
dvārāvatī ca tīrthēśī mahākilbiṣanāśinī || 37 ||
padminī padmamadhyasthā padmakiñjalkavāsinī |
padmavaktrā ca padmākṣī padmasthā padmasambhavā || 38 ||
hrīṅkārī kuṇḍalī dhātrī hr̥tpadmasthā sulōcanā |
śrīṅkārī bhūṣaṇā lakṣmīḥ klīṅkārī klēśanāśinī || 39 ||
haripriyā harērmūrtirharinētrakr̥tālayā |
harivaktrōdbhavā śāntā harivakṣaḥsthalasthitā || 40 ||
vaiṣṇavī viṣṇurūpā ca viṣṇumātr̥svarūpiṇī |
viṣṇumāyā viśālākṣī viśālanayanōjjvalā || 41 ||
viśvēśvarī ca viśvātmā viśvēśī viśvarūpiṇī |
śivēśvarī śivādhārā śivanāthā śivapriyā || 42 || [viśvēśvarī]
śivamātā śivākṣī ca śivadā śivarūpiṇī |
bhavēśvarī bhavārādhyā bhavēśī bhavanāyikā || 43 ||
bhavamātā bhavāgamyā bhavakaṇṭakanāśinī |
bhavapriyā bhavānandā bhavānī bhavamōcinī || 44 ||
gītirvarēṇyā sāvitrī brahmāṇī brahmarūpiṇī |
brahmēśī brahmadā brāhmī brahmāṇī brahmavādinī || 45 ||
durgasthā durgarūpā ca durgā durgārtināśinī |
trayīdā brahmadā brāhmī brahmāṇī brahmavādinī || 46 ||
tvaksthā tathā ca tvagrūpā tvaggā tvagārtihāriṇī |
svargamā nirgamā dātrī dāyā dōgdhrī durāpahā || 47 ||
dūraghnī ca durārādhyā dūraduṣkr̥tināśinī |
pañcasthā pañcamī pūrṇā pūrṇāpīṭhanivāsinī || 48 ||
sattvasthā sattvarūpā ca sattvadā sattvasambhavā |
rajaḥsthā ca rajōrūpā rajōguṇasamudbhavā || 49 ||
tāmasī ca tamōrūpā tamasī tamasaḥ priyā |
tamōguṇasamudbhūtā sāttvikī rājasī tamī || 50 ||
kalā kāṣṭhā nimēṣā ca svakr̥tā tadanantarā |
ardhamāsā ca māsā ca saṁvatsarasvarūpiṇī || 51 ||
yugasthā yugarūpā ca kalpasthā kalparūpiṇī |
nānāratnavicitrāṅgī nānābharaṇamaṇḍitā || 52 ||
viśvātmikā viśvamātā viśvapāśā vidhāyinī |
viśvāsakāriṇī viśvā viśvaśaktirvicakṣaṇā || 53 ||
japākusumasaṅkāśā dāḍimīkusumōpamā |
caturaṅgā caturbāhuścaturā cāruhāsinī || 54 ||
sarvēśī sarvadā sarvā sarvajñā sarvadāyinī |
sarvēśvarī sarvavidyā śarvāṇī sarvamaṅgalā || 55 ||
nalinī nandinī nandā ānandānandavardhinī |
vyāpinī sarvabhūtēṣu bhavabhāravināśinī || 56 ||
kulīnā kulamadhyasthā kuladharmōpadēśinī |
sarvaśr̥ṅgāravēṣāḍhyā pāśāṅkuśakarōdyatā || 57 ||
sūryakōṭisahasrābhā candrakōṭinibhānanā |
gaṇēśakōṭilāvaṇyā viṣṇukōṭyarimardinī || 58 ||
dāvāgnikōṭijvalinī rudrakōṭyugrarūpiṇī |
samudrakōṭigambhīrā vāyukōṭimahābalā || 59 ||
ākāśakōṭivistārā yamakōṭibhayaṅkarā |
mērukōṭisamucchrāyā guṇakōṭisamr̥ddhidā || 60 ||
niṣkalaṅkā nirādhārā nirguṇā guṇavarjitā |
aśōkā śōkarahitā tāpatrayavivarjitā || 61 ||
viśiṣṭā viśvajananī viśvamōhavidhāriṇī |
citrā vicitrā citrāśī hētugarbhā kulēśvarī || 62 ||
icchāśāktiḥ jñānaśaktiḥ kriyāśaktiḥ śucismitā |
śrutismr̥timayī satyā śrutirūpā śrutipriyā || 63 ||
śrutiprajñā mahāsatyā pañcatattvōparisthitā |
pārvatī himavatputrī pāśasthā pāśarūpiṇī || 64 ||
jayantī bhadrakālī ca ahalyā kulanāyikā |
bhūtadhātrī ca bhūtēśī bhūtasthā bhūtabhāvinī || 65 ||
mahākuṇḍalinīśaktirmahāvibhavavardhinī |
haṁsākṣī haṁsarūpā ca haṁsasthā haṁsarūpiṇī || 66 ||
sōmasūryāgnimadhyasthā maṇipūrakavāsinī |
ṣaṭpatrāmbhōjamadhyasthā maṇipūranivāsinī || 67 ||
dvādaśārasarōjasthā sūryamaṇḍalavāsinī |
akalaṅkā śaśāṅkābhā ṣōḍaśāranivāsinī || 68 ||
dvipatradalamadhyasthā lalāṭatalavāsinī |
ḍākinī śākinī caiva lākinī kākinī tathā || 69 ||
rākiṇī hākinī caiva ṣaṭcakrakramavāsinī |
sr̥ṣṭisthitivināśā ca sr̥ṣṭisthityantakāriṇī || 70 ||
śrīkaṇṭhā śrīpriyā kaṇṭhanādākhyā bindumālinī |
catuḥṣaṣṭikalādhārā mērudaṇḍasamāśrayā || 71 ||
mahākālī dyutirmēdhā svadhā tuṣṭirmahādyutiḥ |
hiṅgulā maṅgalaśivā suṣumṇāmadhyagāminī || 72 ||
parā ghōrā karālākṣī vijayā jayaśālinī |
hr̥tpadmanilayā dēvī bhīmā bhairavanādinī || 73 ||
ākāśaliṅgasambhūtā bhuvanōdyānavāsinī |
mahāsūkṣmā:’bhayā kālī bhīmarūpā mahābalā || 74 ||
mēnakāgarbhasambhūtā taptakāñcanasannibhā |
antaḥsthā kūṭabījā ca trikūṭācalavāsinī || 75 ||
varṇākṣā varṇarahitā pañcāśadvarṇabhēdinī |
vidyādharī lōkadhātrī apsarā apsaraḥpriyā || 76 ||
dakṣā dākṣāyaṇī dīkṣā dakṣayajñavināśinī |
yaśasvinī yaśaḥpūrṇā yaśōdāgarbhasambhavā || 77 ||
dēvakī dēvamātā ca rādhikā kr̥ṣṇavallabhā |
arundhatī śacīndrāṇī gāndhārī gandhamōdinī || 78 ||
dhyānātītā dhyānagamyā dhyānā dhyānāvadhāriṇī |
lambōdarī ca lambōṣṭhā jāmbavatī jalōdarī || 79 ||
mahōdarī muktakēśī muktikāmārthasiddhidā |
tapasvinī tapōniṣṭhā cāparṇā parṇabhakṣiṇī || 80 ||
bāṇacāpadharā vīrā pāñcālī pañcamapriyā |
guhyā gabhīrā gahanā guhyatattvā nirañjanā || 81 ||
aśarīrā śarīrasthā saṁsārārṇavatāriṇī |
amr̥tā niṣkalā bhadrā sakalā kr̥ṣṇapiṅgalā || 82 ||
cakrēśvarī cakrahastā pāśacakranivāsinī |
padmarāgapratīkāśā nirmalākāśasannibhā || 83 ||
ūrdhvasthā ūrdhvarūpā ca ūrdhvapadmanivāsinī |
kāryakāraṇakartrī ca parvākhyā rūpasaṁsthitā || 84 ||
rasajñā rasamadhyasthā gandhajñā gandharūpiṇī |
parabrahmasvarūpā ca parabrahmanivāsinī || 85 ||
śabdabrahmasvarūpā ca śabdasthā śabdavarjitā |
siddhirvr̥ddhiparā vr̥ddhiḥ satkīrtirdīptisaṁsthitā || 86 ||
svaguhyā śāmbhavīśaktistattvajñā tattvarūpiṇī |
sarasvatī bhūtamātā mahābhūtādhipapriyā || 87 ||
śrutiprajñādimā siddhiḥ dakṣakanyā:’parājitā |
kāmasandīpinī kāmā sadākāmā kutūhalā || 88 ||
bhōgōpacārakuśalā amalā hyamalānanā |
bhaktānukampinī maitrī śaraṇāgatavatsalā || 89 ||
sahasrabhujā cicchaktiḥ sahasrākṣā śatānanā |
siddhalakṣmīrmahālakṣmīrvēdalakṣmīḥ sulakṣaṇā || 90 ||
yajñasārā tapaḥsārā dharmasārā janēśvarī |
viśvōdarī viśvasr̥ṣṭā viśvākhyā viśvatōmukhī || 91 ||
viśvāsyaśravaṇaghrāṇā viśvamālā parātmikā |
taruṇādityasaṅkāśā karaṇānēkasaṅkulā || 92 ||
kṣōbhiṇī mōhinī caiva stambhinī jr̥mbhiṇī tathā |
rathinī dhvajinī sēnā sarvamantramayī trayī || 93 ||
jñānamudrā mahāmudrā japamudrā mahōtsavā |
jaṭājūṭadharā muktā sūkṣmaśāntirvibhīṣaṇā || 94 ||
dvīpicarmaparīdhānā cīravalkaladhāriṇī |
triśūlaḍamarudharā naramālāvibhūṣiṇī || 95 ||
atyugrarūpiṇī cōgrā kalpāntadahanōpamā |
trailōkyasādhinī sādhyā siddhasādhakavatsalā || 96 ||
sarvavidyāmayī sārā asurāmbudhidhāriṇī |
subhagā sumukhī saumyā suśūrā sōmabhūṣaṇā || 97 ||
śuddhasphaṭikasaṅkaśā mahāvr̥ṣabhavāhinī |
mahiṣī mahiṣārūḍhā mahiṣāsuraghātinī || 98 ||
daminī dāminī dāntā dayā dōgdhrī durāpahā |
agnijihvā mahāghōrā:’ghōrā ghōratarānanā || 99 ||
nārāyaṇī nārasiṁhī nr̥siṁhahr̥dayasthitā |
yōgēśvarī yōgarūpā yōgamālā ca yōginī || 100 ||
khēcarī bhūcarī khēlā nirvāṇapadasaṁśrayā |
nāginī nāgakanyā ca suvēgā nāganāyikā || 101 ||
viṣajvālāvatī dīptā kalāśatavibhūṣaṇā |
bhīmavaktrā mahāvaktrā vaktrāṇāṁ kōṭidhāriṇī || 102 ||
mahadātmā ca dharmajñā dharmātisukhadāyinī |
kr̥ṣṇamūrtirmahāmūrtirghōramūrtirvarānanā || 103 ||
sarvēndriyamanōnmattā sarvēndriyamanōmayī |
sarvasaṅgrāmajayadā sarvapraharaṇōdyatā || 104 ||
sarvapīḍōpaśamanī sarvāriṣṭavināśinī |
sarvaiśvaryasamutpattiḥ sarvagrahavināśinī || 105 ||
bhītighnī bhaktigamyā ca bhaktānāmārtināśinī |
mātaṅgī mattamātaṅgī mātaṅgagaṇamaṇḍitā || 106 ||
amr̥tōdadhimadhyasthā kaṭisūtrairalaṅkr̥tā |
amr̥tadvīpamadhyasthā prabalā vatsalōjjvalā || 107 ||
maṇimaṇḍapamadhyasthā ratnasiṁhāsanasthitā |
paramānandamuditā īṣatprahasitānanā || 108 ||
kumudā lalitā lōlā lākṣālōhitalōcanā |
digvāsā dēvadūtī ca dēvadēvādidēvatā || 109 ||
siṁhōparisamārūḍhā himācalanivāsinī |
aṭ-ṭāṭ-ṭahāsinī ghōrā ghōradaityavināśinī || 110 ||
atyugrā raktavasanā nāgakēyūramaṇḍitā |
muktāhārastanōpētā tuṅgapīnapayōdharā || 111 ||
raktōtpaladalākārā madāghūrṇitalōcanā |
gaṇḍamaṇḍitatāṭaṅkā guñjāhāravibhūṣaṇā || 112 ||
saṅgītaraṅgarasanā vīṇāvādyakutūhalā |
samastadēvamūrtiśca hyasurakṣayakāriṇī || 113 ||
khaḍginī śūlahastā ca cakriṇī cākṣamālinī |
pāśinī cakriṇī dāntā vajriṇī vajradaṇḍinī || 114 ||
ānandōdadhimadhyasthā kaṭisūtrairalaṅkr̥tā |
nānābharaṇadīptāṅgī nānāmaṇivibhūṣaṇā || 115 ||
jagadānandasambhūtiścintāmaṇiguṇākarā |
trailōkyanamitā pūjyā cinmayā:’:’nandarūpiṇī || 116 ||
trailōkyanandinī dēvī duḥkhaduḥsvapnanāśinī |
ghōrāgnidāhaśamanī rājadaivādiśālinī || 117 ||
mahāparādharāśighnī mahāvairibhayāpahā |
rāgādidōṣarahitā jarāmaraṇavarjitā || 118 ||
candramaṇḍalamadhyasthā pīyūṣārṇavasambhavā |
sarvadēvaiḥ stutā dēvī sarvasiddhinamaskr̥tā || 119 ||
acintyaśaktirūpā ca maṇimantramahauṣadhī |
svastiḥ svastimatī bālā malayācalasaṁsthitā || 120 ||
dhātrī vidhātrī saṁhārā ratijñā ratidāyinī |
rudrāṇī rudrarūpā ca raudrī raudrārtihāriṇī || 121 ||
sarvajñā cauradharmajñā rasajñā dīnavatsalā |
anāhatā trinayanā nirbharā nirvr̥tiḥ parā || 122 ||
parā ghōrakarālākṣī svamātā priyadāyinī |
mantrātmikā mantragamyā mantramātā samantriṇī || 123 ||
śuddhānandā mahābhadrā nirdvandvā nirguṇātmikā |
dharaṇī dhāriṇī pr̥thvī dharā dhātrī vasundharā || 124 ||
mērumandiramadhyasthā śivā śaṅkaravallabhā |
śrīgatiḥ śrīmatī śrēṣṭhā śrīkarī śrīvibhāvanī || 125 ||
śrīdā śrīmā śrīnivāsā śrīmatī śrīmatāṁ gatiḥ |
umā śāraṅgiṇī kr̥ṣṇā kuṭilā kuṭilālakā || 126 ||
trilōcanā trilōkātmā puṇyadā puṇyakīrtidā |
amr̥tā satyasaṅkalpā satyāśā granthibhēdinī || 127 ||
parēśā paramā vidyā parāvidyā parātparā |
sundarāṅgī suvarṇābhā surāsuranamaskr̥tā || 128 ||
prajā prajāvatī dhanyā dhanadhānyasamr̥ddhidā |
īśānī bhuvanēśānī bhuvanā bhuvanēśvarī || 129 ||
anantā:’nantamahimā jagatsārā jagadbhavā |
acintyaśaktimahimā cintyācintyasvarūpiṇī || 130 ||
jñānagamyā jñānamūrtirjñānadā jñānaśālinī |
amitā ghōrarūpā ca sudhādhārā sudhāvahā || 131 ||
bhāskarī bhāsurī bhātī bhāsvaduttānaśāyinī |
anasūyā kṣamā lajjā durlabhā bhuvanāntikā || 132 ||
viśvavandyā viśvabījā viśvadhīrviśvasaṁsthitā |
śīlasthā śīlarūpā ca śīlā śīlapradāyinī || 133 ||
bōdhinī bōdhakuśalā rōdhinī bādhinī tathā |
vidyōtinī vicitrātmā vidyutpaṭalasannibhā || 134 ||
viśvayōnirmahāyōniḥ karmayōniḥ priyaṁvadā |
rōgiṇī rōgaśamanī mahārōgabhayāpahā || 135 ||
varadā puṣṭidā dēvī mānadā mānavapriyā |
kr̥ṣṇāṅgavāhinī caiva kr̥ṣṇā kr̥ṣṇasahōdarī || 136 ||
śāmbhavī śambhurūpā ca tathaiva śambhusambhavā |
viśvōdarī viśvamātā yōgamudrā ca yōginī || 137 ||
vāgīśvarī yōgamudrā yōginīkōṭisēvitā |
kaulikānandakanyā ca śr̥ṅgārapīṭhavāsinī || 138 ||
kṣēmaṅkarī sarvarūpā divyarūpā digambarā |
dhūmravaktrā dhūmranētrā dhūmrakēśī ca dhūsarā || 139 ||
pinākī rudravētālī mahāvētālarūpiṇī |
tapinī tāpinī dakṣā viṣṇuvidyā tvanāthitā || 140 ||
aṅkurā jaṭharā tīvrā agnijihvā bhayāpahā |
paśughnī paśurūpā ca paśudā paśuvāhinī || 141 ||
pitā mātā ca bhrātā ca paśupāśavināśinī |
candramā candrarēkhā ca candrakāntivibhūṣaṇā || 142 ||
kuṅkumāṅkitasarvāṅgī sudhīrbudbudalōcanā |
śuklāmbaradharā dēvī vīṇāpustakadhāriṇī || 143 ||
śvētavastradharā dēvī śvētapadmāsanasthitā |
raktāmbarā ca raktāṅgī raktapadmavilōcanā || 144 ||
niṣṭhurā krūrahr̥dayā akrūrā mitabhāṣiṇī |
ākāśaliṅgasambhūtā bhuvanōdyānavāsinī || 145 ||
mahāsūkṣmā ca kaṅkālī bhīmarūpā mahābalā |
anaupamyaguṇōpētā sadā madhurabhāṣiṇī || 146 ||
virūpākṣī sahasrākṣī śatākṣī bahulōcanā |
dustarī tāriṇī tārā taruṇī tārarūpiṇī || 147 ||
sudhādhārā ca dharmajñā dharmayōgōpadēśinī |
bhagēśvarī bhagārādhyā bhaginī bhaginīpriyā || 148 ||
bhagaviśvā bhagaklinnā bhagayōnirbhagapradā |
bhagēśvarī bhagarūpā bhagaguhyā bhagāvahā || 149 ||
bhagōdarī bhagānandā bhagāḍhyā bhagamālinī |
sarvasaṅkṣōbhiṇīśaktiḥ sarvavidrāviṇī tathā || 150 ||
mālinī mādhavī mādhvī madarūpā madōtkaṭā |
bhēruṇḍā caṇḍikā jyōtsnā viśvacakṣustapōvahā || 151 ||
suprasannā mahādūtī yamadūtī bhayaṅkarī |
unmādinī mahārūpā divyarūpā surārcitā || 152 ||
caitanyarūpiṇī nityā nityaklinnā madōllasā |
madirānandakaivalyā madirākṣī madālasā || 153 ||
siddhēśvarī siddhavidyā siddhādyā siddhavanditā |
siddhārcitā siddhamātā siddhasarvārthasādhikā || 154 ||
manōnmanī guṇātītā parañjyōtiḥsvarūpiṇī |
parēśī pāragā pārā pārasiddhiḥ parā gatiḥ || 155 ||
vimalā mōhinīrūpā madhupānaparāyaṇā |
vēdavēdāṅgajananī sarvaśāstraviśāradā || 156 ||
sarvavēdamayī vidyā sarvaśāstramayī tathā |
sarvajñānamayī dēvī sarvadharmamayīśvarī || 157 ||
sarvayajñamayī yajvā sarvamantrādhikāriṇī |
trailōkyākarṣiṇī dēvī sarvādyānandarūpiṇī || 158 ||
sarvasampattyadhiṣṭhātrī sarvavidrāviṇī parā |
sarvasaṅkṣōbhiṇī dēvī sarvamaṅgalakāriṇī || 159 ||
trailōkyarañjanī dēvī sarvastambhanakāriṇī |
trailōkyajayinī dēvī sarvōnmādasvarūpiṇī || 160 ||
sarvasammōhinī dēvī sarvavaśyaṅkarī tathā |
sarvārthasādhinī dēvī sarvasampattidāyinī || 161 ||
sarvakāmapradā dēvī sarvamaṅgalakāriṇī |
sarvasiddhipradā dēvī sarvaduḥkhavimōcinī || 162 ||
sarvamr̥tyupraśamanī sarvavighnavināśinī |
sarvāṅgasundarī mātā sarvasaubhāgyadāyinī || 163 ||
sarvadā sarvaśaktiśca sarvaiśvaryaphalapradā |
sarvajñānamayī dēvī sarvavyādhivināśinī || 164 ||
sarvādhārā sarvarūpā sarvapāpaharā tathā |
sarvānandamayī dēvī sarvarakṣāsvarūpiṇī || 165 ||
sarvalakṣmīmayī vidyā sarvēpsitaphalapradā |
sarvaduḥkhapraśamanī paramānandadāyinī || 166 ||
trikōṇanilayā trīṣṭā trimatā tritanusthitā |
traividyā caiva trismārā trailōkyatripurēśvarī || 167 ||
trikōdarasthā trividhā tripurā tripurātmikā |
tridhātrī tridaśā tryakṣā trighnī tripuravāhinī || 168 ||
tripurāśrīḥ svajananī bālātripurasundarī |
śrīmattripurasundaryā mantranāmasahasrakam || 169 ||
guhyādguhyataraṁ putra tava prītyā prakīrtitam |
gōpanīyaṁ prayatnēna paṭhanīyaṁ prayatnataḥ || 170 ||
nātaḥ parataraṁ puṇyaṁ nātaḥ parataraṁ śubham |
nātaḥ parataraṁ stōtraṁ nātaḥ paratarā gatiḥ || 171 ||
stōtraṁ sahasranāmākhyaṁ mama vaktrādviniḥsr̥tam |
yaḥ paṭhētparayā bhaktyā śr̥ṇuyādvā samāhitaḥ || 172 ||
mōkṣārthī labhatē mōkṣaṁ sukhārthī sukhamāpnuyāt |
phalārthī labhatē kāmān dhanārthī labhatē dhanam || 173 ||
vidyārthī labhatē vidyāṁ yaśō:’rthī labhatē yaśaḥ |
kanyārthī labhatē kanyāṁ sutārthī labhatē sutam || 174 ||
gurviṇī labhatē putraṁ kanyā vindati satpatim |
mūrkhō:’pi labhatē śāstraṁ caurō:’pi labhatē gatim || 175 ||
saṅkrāntāvamāvāsyāyāmaṣṭamyāṁ bhaumavāsarē |
paṭhēdvā pāṭhayēdvāpi śr̥ṇuyādvā samāhitaḥ || 176 ||
paurṇamāsyāṁ caturdaśyāṁ navamyāṁ ca viśēṣataḥ |
sa muktaḥ sarvapāpēbhyaḥ kāmēśvarasamō bhavēt || 177 ||
lakṣmīvān sutavāṁścaiva vallabhaḥ sarvayōṣitām |
tasyā vaśyaṁ bhavēddāsyē trailōkyaṁ sacarācaram || 178 ||
rudraṁ dr̥ṣṭvā yathā dēvā viṣṇuṁ dr̥ṣṭvā ca dānavāḥ |
pannagā garuḍaṁ dr̥ṣṭvā siṁhaṁ dr̥ṣṭvā yathā mr̥gāḥ || 179 ||
maṇḍūkā bhōginaṁ dr̥ṣṭvā mārjāraṁ mūṣakō yathā |
kīṭavatprapalāyantē tasya vaktrāvalōkanāt || 180 ||
agnicaurabhayaṁ tasya kadācinnaiva sambhavēt |
pātakā vividhāḥ santi mērumandarasannibhāḥ || 181 ||
bhasmasāttatkṣaṇaṁ kuryāt tr̥ṇaṁ vahniyutaṁ yathā |
ēkadhā paṭhanādēva sarpapāpakṣayō bhavēt || 182 ||
daśadhā paṭhanādēva vāñchāsiddhiḥ prajāyatē |
naśyanti sahasā rōgā daśadhā:’:’vartanēna ca || 183 ||
sahasraṁ vā paṭhēdyastu khēcarō jāyatē naraḥ |
sahasradaśakaṁ yastu paṭhēdbhaktiparāyaṇaḥ || 184 ||
sā tasya jagatāṁ dhātrī pratyakṣā bhavati dhruvam |
lakṣaṁ pūrṇaṁ yadā putra stavarājaṁ paṭhētsudhīḥ || 185 ||
bhavapāśavinirmuktō mama tulyō na saṁśayaḥ |
sarvatīrthēṣu yatpuṇyaṁ sarvayajñēṣu yatphalam || 186 ||
sarvadēvēṣu yatpuṇyaṁ tatphalaṁ parikīrtitam |
tatphalaṁ kōṭiguṇitaṁ sakr̥jjaptvā labhēnnaraḥ || 187 ||
śrutvā mahābalaścāśu putravān sarvasampadaḥ |
dēhāntē paramaṁ sthānaṁ yatsurairapi durlabham || 188 ||
advaitayōgibhirjñēyaṁ mārgagairapi durlabham |
sa yāsyati na sandēhaḥ stavarājaprakīrtanāt || 189 ||
yaḥ sadā paṭhatē bhaktō muktistasya na saṁśayaḥ || 190 ||
iti śrīvāmakēśvaratantrē śrī bālātripurasundarī sahasranāma stōtram |
See more śrī bālā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.