Read in తెలుగు / ಕನ್ನಡ / தமிழ் / देवनागरी / English (IAST)
karpūrābhēndugaurāṁ śaśiśakaladharāṁ raktapadmāsanasthāṁ
vidyāpātrākṣamudrādhr̥takarakamalāṁ tvāṁ smaran san trilakṣam |
japtvā candrārdhabhūṣaṁ suruciramadharaṁ bījamādyaṁ tavēdaṁ
hutvā paścātpalāśaiḥ sa bhavati kavirāḍdēvi bālē mahēśi || 1 ||
hastābjaiḥ pātrapāśāṅkuśakusumadhanurbījapūrān dadhānāṁ
raktāṁ tvāṁ saṁsmaran san prajapati manujō yastrilakṣaṁ bhavāni |
vāmākṣī candrasaṁsthaṁ kṣitisahitavidhiṁ kāmabījaṁ tavēdaṁ
candrairhutvā daśāṁśaṁ sa nayati sakalān vaśyatāṁ sarvadaiva || 2 ||
vidyākṣajñānamudrā:’mr̥takalaśadharāṁ tvāṁ manōjñāṁ kiśōrīṁ
smērāṁ dhyāyaṁstrinētrāṁ śaśadharadhavalāṁ yō japēdvai trilakṣam |
jīvaṁ saṅkarṣaṇāḍhyaṁ tava suranamitē sargayuktaṁ subījaṁ
hutvā:’ntē mālatībhirbhavati sa lalitē śrīyutō bhōgavāṁśca || 3 ||
dhyāyaṁstvāṁ pustakākṣābhayavaradakarāṁ lōhitābhāṁ kumārīṁ
kaścidyaḥ sādhakēndrō japati kulavidhau pratyahaṁ ṣaṭsahasram |
mātarvāṅmāraśaktiprayutamanumimaṁ tryakṣaraṁ traipuraṁ tē
bhuktvā bhōgānanēkān janani sa labhatē:’vaśyamēvāṣṭasiddhīḥ || 4 ||
āraktāṁ kāntadōrbhyāṁ maṇicaṣakamathō ratnapadmaṁ dadhānāṁ
vāṅmāyāśrīyutānyaṁ manumayi lalitē tattvalakṣaṁ japēdyaḥ |
dhyāyan rūpaṁ tvadīyaṁ tadanu ca havanaṁ pāyasānnaiḥ prakuryā-
-dyōgīśastattvavēttā paraśivamahilē bhūtalē jāyatē saḥ || 5 ||
vāṇī cēṭī ramā vāgbhavamatha madanaḥ śaktibījaṁ ca ṣaḍbhiḥ
ētaiścandrārdhacūḍē bhavati tava mahāmantrarājaḥ ṣaḍarṇaḥ |
japtvainaṁ sādhakō yaḥ smaraharadayitē bhaktitastvāmupāstē
vidyaiśvaryāṇi bhuktvā tadanu sa labhatē divyasāyujyamuktim || 6 ||
mahābinduḥ śuddhō janani navayōnyantaragatō
bhavēdētadbāhyē vasuchadanapadmaṁ suruciram |
tatō vēdadvāraṁ bhavati tava yantraṁ girisutē
tadasmin tvāṁ dhyāyētkaharihararudrēśvarapadām || 7 ||
navīnādityābhāṁ trinayanayutāṁ smēravadanāṁ
mahākṣasragvidyā:’bhayavarakarāṁ raktavasanām |
kiśōrīṁ tvāṁ dhyāyannijahr̥dayapadmē paraśivē
japēnmōkṣāptyarthaṁ tadanu juhuyāt kiṁśukasumaiḥ || 8 ||
hr̥dambhōjē dhyāyan kanakasadr̥śāmindumukuṭāṁ
trinētrāṁ smērāsyāṁ kamalamadhuluṅgāṅkitakarām |
japēddiglakṣaṁ yastava manumayō dēvi juhuyāt
supakvairmālūrairatuladhanavān sa prabhavati || 9 ||
smarēddhastairvēdābhayavarasudhākumbhadhariṇīṁ
sravantīṁ pīyūṣaṁ dhavalavasanāminduśakalām |
suvidyāptyai mantraṁ tava haranutē lakṣanavakaṁ
japēttvāṁ karpūrairagaru sahitairēva juhuyāt || 10 ||
sahasrārē dhyāyan śaśadharanibhāṁ śubhravasanāṁ
akārādikṣāntāvayavayutarūpāṁ śaśidharām |
japēdbhaktyā mantraṁ tava rasasahasraṁ pratidinaṁ
tathārōgyāptyarthaṁ bhagavati guḍūcyaiḥ prajuhuyāt || 11 ||
kulajñaḥ kaścidyō yajati kulapuṣpaiḥ kulavidhau
kulāgārē dhyāyan kulajanani tē manmathakalām |
ṣaḍarṇaṁ pūrvōktaṁ japati kulamantraṁ tava śivē
sa jīvanmuktaḥ syādakulakulapaṅkēruhagatē || 12 ||
śivē madyairmāṁsēścaṇakavaṭakairmīnasahitaiḥ
prakurvaṁścakrārcāṁ sukulabhagaliṅgāmr̥tarasaiḥ |
baliṁ śaṅkāmōhādikapaśugaṇānyō vidadhati
trikālajñō jñānī sa bhavati mahābhairavasamaḥ || 13 ||
manōvācāgamyāmakulakulagamyāṁ paraśivāṁ
stavīmi tvāṁ mātaḥ kathamahamahō dēvi jaḍadhīḥ |
tathāpi tvadbhaktirmukharayati māṁ tadviracitaṁ
stavaṁ kṣantavyaṁ mē tripuralalitē dōṣamadhunā || 14 ||
anuṣṭhānadhyānārcāmanu samuddhāraṇayutaṁ
śivē tē karpūrastavamiti paṭhēdarcanaparaḥ |
sa yōgī bhōgī syāt sa hi nikhilaśāstrēṣu nipuṇaḥ
yamō:’nyō vairīṇāṁ vilasati sadā kalpataruvat || 15 ||
bālāṁ bāladivākaradyutinibhāṁ padmāsanē saṁsthitāṁ
pañcaprētamayāmbujāsanagatāṁ vāgvādinīrūpiṇīm |
candrārkānalabhūṣitatrinayanāṁ candrāvataṁsānvitāṁ
vidyākṣābhayadhāriṇīṁ varakarāṁ vandē parāmambikām || 16 ||
iti śrīparātantrē śrī bālā karpūra stōtram |
See more śrī bālā stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
