Read in తెలుగు / ಕನ್ನಡ / தமிழ் / देवनागरी / English (IAST)
రంభస్య పుత్రో మహిషాసురః ప్రాక్
తీవ్రైస్తపోభిర్ద్రుహిణాత్ప్రసన్నాత్ |
అవధ్యతాం పుంభిరవాప్య ధృష్టో
న మే మృతిః స్యాదితి చ వ్యచింతీత్ || ౨౩-౧ ||
స చిక్షురాద్యైరసురైః సమేతః
శక్రాదిదేవాన్యుధి పద్మజం చ |
రుద్రం చ విష్ణుం చ విజిత్య నాకే
వసన్ బలాద్యజ్ఞహవిర్జహార || ౨౩-౨ ||
చిరం భృశం దైత్యనిపీడితాస్తే
దేవాః సమం పద్మజశంకరాభ్యామ్ |
హరిం సమేత్యాసురదౌష్ట్యమూచూ-
-స్త్వాం సంస్మరన్ దేవి మురారిరాహ || ౨౩-౩ ||
సురా వయం తేన రణేఽతిఘోరే
పరాజితా దైత్యవరో బలిష్ఠః |
మత్తో భృశం పుంభిరవధ్యభావా-
-న్న నః స్త్రియో యుద్ధవిచక్షణాశ్చ || ౨౩-౪ ||
తేజోభిరేకా భవతీహ నశ్చే-
-త్సైవాసురాన్భీమబలాన్నిహంతా |
యథా భవత్యేతదరం తథైవ
సంప్రార్థయామోఽవతు నో మహేశీ || ౨౩-౫ ||
ఏవం హరౌ వక్తరి పద్మజాతా-
-త్తేజోఽభవద్రాజసరక్తవర్ణమ్ |
శివాదభూత్తామసరౌప్యవర్ణం
నీలప్రభం సాత్త్వికమచ్యుతాచ్చ || ౨౩-౬ ||
తేజాంస్యభూవన్వివిధాని శక్ర-
-ముఖామరేభ్యో మిషతోఽఖిలస్య |
సమ్యోగతస్తాన్యచిరేణ మాతః
స్త్రీరూపమష్టాదశహస్తమాపుః || ౨౩-౭ ||
తత్తు త్వమాసీః శుభదే మహాల-
-క్ష్మ్యాఖ్యా జగన్మోహనమోహనాంగీ |
త్వం హ్యేవ భక్తాభయదానదక్షా
భక్తద్రుహాం భీతికరీ చ దేవి || ౨౩-౮ ||
సద్యస్త్వముచ్చైశ్చకృషేఽట్టహాసం
సురాః ప్రహృష్టా వసుధా చకంపే |
చుక్షోభ సింధుర్గిరయో విచేలు-
-ర్దైత్యశ్చ మత్తో మహిషశ్చుకోప || ౨౩-౯ ||
త్వాం సుందరీం చారముఖాత్స దైత్యో
విజ్ఞాయ కామీ విససర్జ దూతమ్ |
స చేశ్వరీం దైత్యగుణాన్ ప్రవక్తా
త్వాం నేతుకామో విఫలోద్యమోఽభూత్ || ౨౩-౧౦ ||
ప్రలోభనైస్త్వామథ దేవశక్తిం
జ్ఞాత్వాఽపి వాక్యైరనునేతుకామః |
ఏకైకశః ప్రేషయతిస్మ దూతాన్
త్వాం కామినీం కర్తుమిమే న శేకుః || ౨౩-౧౧ ||
అవేహి మాం పుచ్ఛవిషాణహీనం
భారం వహంతం మహిషం ద్విపాదమ్ |
హింసంతి మాం స్వర్థిజనాస్త్వమేవ
రక్షాకరీ మే శుభదే నమస్తే || ౨౩-౧౨ ||
చతుర్వింశ దశకమ్ (౨౪) – మహిషాసురవధమ్-దేవీస్తుతిః >>
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
