Read in తెలుగు / ಕನ್ನಡ / தமிழ் / देवनागरी / English (IAST)
దేవి త్వయా బాష్కళదుర్ముఖాది-
-దైత్యేషు వీరేషు రణే హతేషు |
సద్వాక్యతస్త్వామనునేతుకామో
మోఘప్రయత్నో మహిషశ్చుకోప || ౨౪-౧ ||
త్వాం కామరూపః ఖురపుచ్ఛశృంగై-
-ర్నానాస్త్రశస్త్రైశ్చ భృశం ప్రహర్తా |
గర్జన్వినిందన్ప్రహసన్ధరిత్రీం
ప్రకంపయంశ్చాసురరాడ్యుయోధ || ౨౪-౨ ||
జపారుణాక్షీ మధుపానతుష్టా
త్వం చారిణాఽరేర్మహిషస్య కంఠమ్ |
ఛిత్వా శిరో భూమితలే నిపాత్య
రణాంగణస్థా విబుధైః స్తుతాఽభూః || ౨౪-౩ ||
మాతస్త్వయా నో విపదో నిరస్తా
అశక్యమన్యైరిదమద్భుతాంగి |
బ్రహ్మాండసర్గస్థితినాశకర్త్రీం
కస్త్వాం జయేత్ కేన కథం కుతో వా || ౨౪-౪ ||
విద్యాస్వరూపాఽసి మహేశి యస్మిన్
స వై పరేషాం సుఖదః కవిశ్చ |
త్వం వర్తసే యత్ర సదాఽప్యవిద్యా-
-స్వరూపిణీ స త్వధమః పశుః స్యాత్ || ౨౪-౫ ||
కృపాకటాక్షాస్తవ దేవి యస్మిన్
పతంతి తస్యాత్మజవిత్తదారాః |
యచ్ఛంతి సౌఖ్యం న పతంతి యస్మిన్
త ఏవ దుఃఖం దదతేఽస్య నూనమ్ || ౨౪-౬ ||
పశ్యామ నిత్యం తవ రూపమేత-
-త్కథాశ్చ నామాని చ కీర్తయామ |
నమామ మూర్ధ్నా పదపంకజే తే
స్మరామ కారుణ్యమహాప్రవాహమ్ || ౨౪-౭ ||
త్వమేవ మాతాఽసి దివౌకసాం నో
నాన్యా ద్వితీయా హితదానదక్షా |
అన్యే సుతా వా తవ సంతి నో వా
న రక్షితా నస్త్వదృతే మహేశి || ౨౪-౮ ||
క్వ త్వం వయం క్వేతి విచింత్య సర్వం
క్షమస్వ నో దేవ్యపరాధజాలమ్ |
యదా యదా నో విపదో భవంతి
తదా తదా పాలయ పాలయాస్మాన్ || ౨౪-౯ ||
ఇతి స్తువత్సు త్రిదశేషు సద్యః
కృపాశ్రునేత్రైవ తిరోదధాథ |
తతో జగద్దేవి విభూతిపూర్ణం
బభూవ ధర్మిష్ఠసమస్తజీవమ్ || ౨౪-౧౦ ||
త్వాం సంస్మరేయం న చ వా స్మరేయం
విపత్సు మా విస్మర మాం విమూఢమ్ |
రుదన్ బిడాలార్భకవన్న కించి-
-చ్ఛక్నోమి కర్తుం శుభదే నమస్తే || ౨౪-౧౧ ||
చతుర్వింశ దశకమ్ (౨౪) – మహిషాసురవధమ్-దేవీస్తుతిః >>
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
