Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
౧. శ్రీ బాల గణపతిః
కరస్థ కదలీచూతపనసేక్షుకమోదకమ్ |
బాలసూర్యనిభం వందే దేవం బాలగణాధిపమ్ || ౧ ||
౨. శ్రీ తరుణ గణపతిః
పాశాంకుశాపూపకపిత్థజంబూ-
-స్వదంతశాలీక్షుమపి స్వహస్తైః |
ధత్తే సదా యస్తరుణారుణాభః
పాయాత్ స యుష్మాంస్తరుణో గణేశః || ౨ ||
౩. శ్రీ భక్త గణపతిః
నారికేళామ్రకదలీగుడపాయసధారిణమ్ |
శరచ్చంద్రాభవపుషం భజే భక్తగణాధిపమ్ || ౩ ||
౪. శ్రీ వీర గణపతిః
వేతాలశక్తిశరకార్ముకచక్రఖడ్గ-
-ఖట్వాంగముద్గరగదాంకుశనాగపాశాన్ |
శూలం చ కుంతపరశుం ధ్వజముద్వహంతం
వీరం గణేశమరుణం సతతం స్మరామి || ౪ ||
౫. శ్రీ శక్తి గణపతిః
ఆలింగ్య దేవీం హరితాంగయష్టిం
పరస్పరాశ్లిష్టకటిప్రదేశమ్ |
సంధ్యారుణం పాశసృణీ వహంతం
భయాపహం శక్తిగణేశమీడే || ౫ ||
౬. శ్రీ ద్విజ గణపతిః
యం పుస్తకాక్ష గుణదండకమండలు శ్రీ-
-విద్యోతమానకరభూషణమిందువర్ణమ్ |
స్తంబేరమాననచతుష్టయశోభమానం
త్వాం యః స్మరేత్ ద్విజగణాధిపతే స ధన్యః || ౬ ||
౭. శ్రీ సిద్ధ గణపతిః
పక్వచూతఫలపుష్పమంజరీ-
-రిక్షుదండతిలమోదకైః సహ |
ఉద్వహన్ పరశుమస్తు తే నమః
శ్రీసమృద్ధియుత హేమపింగళ || ౭ ||
౮. శ్రీ ఉచ్ఛిష్ట గణపతిః
నీలాబ్జదాడిమీవీణాశాలీగుంజాక్షసూత్రకమ్ |
దధదుచ్ఛిష్టనామాయం గణేశః పాతు మేచకః || ౮ ||
౯. శ్రీ విఘ్న గణపతిః
శంఖేక్షుచాపకుసుమేషుకుఠారపాశ-
-చక్రస్వదంతసృణిమంజరికాశరాద్యైః |
పాణిశ్రితైః పరిసమీహితభూషణశ్రీ-
-విఘ్నేశ్వరో విజయతే తపనీయగౌరః || ౯ ||
౧౦. శ్రీ క్షిప్ర గణపతిః
దంతకల్పలతాపాశరత్నకుంభాంకుశోజ్జ్వలమ్ |
బంధూకకమనీయాభం ధ్యాయేత్ క్షిప్రగణాధిపమ్ || ౧౦ ||
౧౧. శ్రీ హేరంబ గణపతిః
అభయవరదహస్తః పాశదంతాక్షమాలా-
-సృణిపరశు దధానో ముద్గరం మోదకం చ |
ఫలమధిగతసింహః పంచమాతంగవక్త్రో
గణపతిరతిగౌరః పాతు హేరంబనామా || ౧౧ ||
౧౨. శ్రీ లక్ష్మీ గణపతిః
బిభ్రాణః శుకబీజపూరకమిలన్మాణిక్యకుంభాకుశాన్
పాశం కల్పలతాం చ ఖడ్గవిలసజ్జ్యోతిః సుధానిర్ఝరః |
శ్యామేనాత్తసరోరుహేణ సహితం దేవీద్వయం చాంతికే
గౌరాంగో వరదానహస్తసహితో లక్ష్మీగణేశోఽవతాత్ || ౧౨ ||
౧౩. శ్రీ మహా గణపతిః
హస్తీంద్రాననమిందుచూడమరుణచ్ఛాయం త్రినేత్రం రసా-
-దాశ్లిష్టం ప్రియయా సపద్మకరయా స్వాంకస్థయా సంతతమ్ |
బీజాపూరగదేక్షుకార్ముకలసచ్చక్రాబ్జపాశోత్పల-
-వ్రీహ్యగ్రస్వవిషాణరత్నకలశాన్ హస్తైర్వహంతం భజే || ౧౩ ||
౧౪. శ్రీ విజయ గణపతిః
పాశాంకుశస్వదంతామ్రఫలవానాఖువాహనః |
విఘ్నం నిహంతు నః సర్వం రక్తవర్ణో వినాయకః || ౧౪ ||
౧౫. శ్రీ నృత్త గణపతిః
పాశాంకుశాపూపకుఠారదంత-
-చంచత్కరాక్లుప్తవరాంగులీకమ్ |
పీతప్రభం కల్పతరోరధస్థం
భజామి నృత్తోపపదం గణేశమ్ || ౧౫ ||
౧౬. శ్రీ ఊర్ధ్వ గణపతిః
కల్హారశాలికమలేక్షుకచాపబాణ-
-దంతప్రరోహకగదీ కనకోజ్జ్వలాంగః |
ఆలింగనోద్యతకరో హరితాంగయష్ట్యా
దేవ్యా కరోతు శుభమూర్ధ్వగణాధిపో మే || ౧౬ ||
౧౭. శ్రీ ఏకాక్షర గణపతిః
రక్తో రక్తాంగరాగాంకుశకుసుమయుతస్తుందిలశ్చంద్రమౌళిః
నేత్రైర్యుక్తస్త్రిభిర్వామనకరచరణో బీజపూరం దధానః |
హస్తాగ్రాక్లుప్త పాశాంకుశరదవరదో నాగవక్త్రోఽహిభూషో
దేవః పద్మాసనస్థో భవతు సుఖకరో భూతయే విఘ్నరాజః || ౧౭ ||
౧౮. శ్రీ వర గణపతిః
సిందూరాభమిభాననం త్రినయనం హస్తే చ పాశాంకుశౌ
బిభ్రాణం మధుమత్కపాలమనిశం సాధ్విందుమౌళిం భజే |
పుష్ట్యాశ్లిష్టతనుం ధ్వజాగ్రకరయా పద్మోల్లసద్ధస్తయా
తద్యోన్యాహిత పాణిమాత్తవసుమత్పాత్రోల్లసత్పుష్కరమ్ || ౧౮ ||
౧౯. శ్రీ త్ర్యక్షర గణపతిః
గజేంద్రవదనం సాక్షాచ్చలత్కర్ణసుచామరం
హేమవర్ణం చతుర్బాహుం పాశాంకుశధరం వరమ్ |
స్వదంతం దక్షిణే హస్తే సవ్యే త్వామ్రపలం తథా
పుష్కరైర్మోదకం చైవ ధారయంతమనుస్మరేత్ || ౧౯ ||
౨౦. శ్రీ క్షిప్రప్రసాద గణపతిః
ధృతపాశాంకుశకల్పలతా స్వరదశ్చ బీజపూరయుతః
శశిశకలకలితమౌళిస్త్రిలోచనోఽరుణశ్చ గజవదనః |
భాసురభూషణదీప్తో బృహదుదరః పద్మవిష్టరోల్లసితః
విఘ్నపయోధరపవనః కరధృతకమలః సదాస్తు మే భూత్యై || ౨౦ ||
౨౧. శ్రీ హరిద్రా గణపతిః
హరిద్రాభం చతుర్బాహుం కరీంద్రవదనం ప్రభుమ్ |
పాశాంకుశధరం దేవం మోదకం దంతమేవ చ |
భక్తాభయప్రదాతారం వందే విఘ్నవినాశనమ్ || ౨౧ ||
౨౨. శ్రీ ఏకదంత గణపతిః
లంబోదరం శ్యామతనుం గణేశం
కుఠారమక్షస్రజమూర్ధ్వగాత్రమ్ |
సలడ్డుకం దంతమధః కరాభ్యాం
వామేతరాభ్యాం చ దధానమీడే || ౨౨ ||
౨౩. శ్రీ సృష్టి గణపతిః
పాశాంకుశస్వదంతామ్రఫలవానాఖువాహనః |
విఘ్నం నిహంతు నః శోణః సృష్టిదక్షో వినాయకః || ౨౩ ||
౨౪. శ్రీ ఉద్దండ గణపతిః
కల్హారాంబుజబీజపూరకగదాదంతేక్షుచాపం సుమం
బిభ్రాణో మణికుంభశాలికలశౌ పాశం సృణిం చాబ్జకమ్ |
గౌరాంగ్యా రుచిరారవిందకరయా దేవ్యా సమాలింగతః
శోణాంగః శుభమాతనోతు భజతాముద్దండవిఘ్నేశ్వరః || ౨౪ ||
౨౫. శ్రీ ఋణమోచక గణపతిః
పాశాంకుశౌ దంతజంబు దధానః స్ఫాటికప్రభః |
రక్తాంశుకో గణపతిర్ముదే స్యాదృణమోచకః || ౨౫ ||
౨౬. శ్రీ ఢుంఢి గణపతిః
అక్షమాలాం కుఠారం చ రత్నపాత్రం స్వదంతకమ్ |
ధత్తే కరైర్విఘ్నరాజో ఢుంఢినామా ముదేఽస్తు నః || ౨౬ ||
౨౭. శ్రీ ద్విముఖ గణపతిః
స్వదంతపాశాంకుశరత్నపాత్రం
కరైర్దధానో హరినీలగాత్రః |
రక్తాంశుకో రత్నకిరీటమాలీ
భూత్యై సదా మే ద్విముఖో గణేశః || ౨౭ ||
౨౮. శ్రీ త్రిముఖ గణపతిః
శ్రీమత్తీక్ష్ణశిఖాంకుశాక్షవరదాన్ దక్షే దధానః కరైః
పాశం చామృతపూర్ణకుంభమభయం వామే దధానో ముదా |
పీఠే స్వర్ణమయారవిందవిలసత్సత్కర్ణికాభాసురే
స్వాసీనస్త్రిముఖః పలాశరుచిరో నాగాననః పాతు నః || ౨౮ ||
౨౯. శ్రీ సింహ గణపతిః
వీణాం కల్పలతామరిం చ వరదం దక్షే విదత్తే కరై-
-ర్వామే తామరసం చ రత్నకలశం సన్మంజరీం చాభయమ్ |
శుండాదండలసన్మృగేంద్రవదనః శంఖేందుగౌరః శుభో
దీవ్యద్రత్ననిభాంశుకో గణపతిః పాయాదపాయత్ స నః || ౨౯ ||
౩౦. శ్రీ యోగ గణపతిః
యోగారూఢో యోగపట్టాభిరామో
బాలార్కాభశ్చేంద్రనీలాంశుకాఢ్యః |
పాశేక్ష్వక్షాన్ యోగదండం దధానో
పాయాన్నిత్యం యోగవిఘ్నేశ్వరో నః || ౩౦ ||
౩౧. శ్రీ దుర్గా గణపతిః
తప్తకాంచనసంకాశశ్చాష్టహస్తో మహత్తనుః
దీప్తాంకుశం శరం చాక్షం దంతు దక్షే వహన్ కరైః |
వామే పాశం కార్ముకం చ లతాం జంబు దధత్కరైః
రక్తాంశుకః సదా భూయాద్దుర్గాగణపతిర్ముదే || ౩౧ ||
౩౨. శ్రీ సంకష్టహర గణపతిః
బాలార్కారుణకాంతిర్వామే బాలాం వహన్నంకే
లసదిందీవరహస్తాం గౌరాంగీం రత్నశోభాఢ్యామ్ |
దక్షేఽంకుశవరదానం వామే పాశం చ పాయసం పాత్రం
నీలాంశుకలసమానః పీఠే పద్మారుణే తిష్ఠన్ || ౩౨ ||
సంకటహరణః పాయాత్ సంకటపూగాద్గజాననో నిత్యమ్ |
——
శ్రీ వల్లభ గణపతి –
బీజాపూర గదేక్షుకార్ముకభుజాచక్రాబ్జ పాశోత్పల
వ్రీహ్యగ్రస్వవిషాణ రత్నకలశ ప్రోద్యత్కరాంభోరుహః |
ధ్యేయో వల్లభయా చ పద్మకరయాశ్లిష్టో జ్వలద్భూషయా
విశ్వోత్పత్తివినాశసంస్థితికరో విఘ్నో విశిష్టార్థదః ||
శ్రీ సిద్ధిదేవీ –
పీతవర్ణాం ద్వినేత్రాం తామేకవక్త్రాంబుజద్వయాం
నవరత్నకిరీటాం చ పీతాంబరసుధారిణీమ్ |
వామహస్తే మహాపద్మం దక్షే లంబకరాన్వితాం
జాజీచంపకమాలాం చ త్రిభంగీం లలితాంగికామ్ ||
గణేశదక్షిణే భాగే గురుః సిద్ధిం తు భావయేత్ ||
శ్రీ బుద్ధిదేవీ –
ద్విహస్తాం చ ద్వినేత్రాం తామేకవక్త్రాం త్రిభంగికాం
ముక్తామణికిరీటాం చ దక్షే హస్తే మహోత్పలమ్ |
వామే ప్రలంబహస్తాం చ దివ్యాంబరసుధారిణీం
శ్యామవర్ణనిభాం భాస్వత్సర్వాభరణభూషితామ్ ||
పారిజాతోత్పలామాల్యాం గణేశో వామపార్శ్వకే
ధ్యాత్వా బుద్ధిం సురూపాం సమర్చయేద్దేశికోత్తమః ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
