Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ లలితా స్తోత్రనిధి” పారాయణ గ్రంథములో కూడా ఉన్నది. Click here to buy.]
కల్పానోకహపుష్పజాలవిలసన్నీలాలకాం మాతృకాం
కాంతాం కంజదళేక్షణాం కలిమలప్రధ్వంసినీం కాళికామ్ |
కాంచీనూపురహారదామసుభగాం కాంచీపురీనాయికాం
కామాక్షీం కరికుంభసన్నిభకుచాం వందే మహేశప్రియామ్ || ౧ ||
కాశాభాం శుకభాసురాం ప్రవిలసత్కోశాతకీ సన్నిభాం
చంద్రార్కానలలోచనాం సురుచిరాలంకారభూషోజ్జ్వలామ్ |
బ్రహ్మశ్రీపతివాసవాదిమునిభిః సంసేవితాంఘ్రిద్వయాం
కామాక్షీం గజరాజమందగమనాం వందే మహేశప్రియామ్ || ౨ ||
ఐం క్లీం సౌరితి యాం వదంతి మునయస్తత్త్వార్థరూపాం పరాం
వాచామాదిమకారణం హృది సదా ధ్యాయంతి యాం యోగినః |
బాలాం ఫాలవిలోచనాం నవజపావర్ణాం సుషుమ్నాశ్రితాం
కామాక్షీం కలితావతంససుభగాం వందే మహేశప్రియామ్ || ౩ ||
యత్పాదాంబుజరేణులేశమనిశం లబ్ధ్వా విధత్తే విధి-
-ర్విశ్వం తత్పరిపాతి విష్ణురఖిలం యస్యాః ప్రసాదాచ్చిరమ్ |
రుద్రః సంహరతి క్షణాత్తదఖిలం యన్మాయయా మోహితః
కామాక్షీమతిచిత్రచారుచరితాం వందే మహేశప్రియామ్ || ౪ ||
సూక్ష్మాత్సూక్ష్మతరాం సులక్షితతనుం క్షాంతాక్షరైర్లక్షితాం
వీక్షాశిక్షితరాక్షసాం త్రిభువనక్షేమంకరీమక్షయామ్ |
సాక్షాల్లక్షణలక్షితాక్షరమయీం దాక్షాయణీం సాక్షిణీం
కామాక్షీం శుభలక్షణైః సులలితాం వందే మహేశప్రియామ్ || ౫ ||
ఓంకారాంగణదీపికాముపనిషత్ప్రాసాదపారావతీం
ఆమ్నాయాంబుధిచంద్రికామఘతమఃప్రధ్వంసహంసప్రభామ్ |
కాంచీపట్టణపంజరాంతరశుకీం కారుణ్యకల్లోలినీం
కామాక్షీం శివకామరాజమహిషీం వందే మహేశప్రియామ్ || ౬ ||
హ్రీంకారాత్మకవర్ణమాత్రపఠనాదైంద్రీం శ్రియం తన్వతీం
చిన్మాత్రాం భువనేశ్వరీమనుదినం భిక్షాప్రదానక్షమామ్ |
విశ్వాఘౌఘనివారిణీం విమలినీం విశ్వంభరాం మాతృకాం
కామాక్షీం పరిపూర్ణచంద్రవదనాం వందే మహేశప్రియామ్ || ౭ ||
వాగ్దేవీతి చ యాం వదంతి మునయః క్షీరాబ్ధికన్యేతి చ
క్షోణీభృత్తనయేతి చ శ్రుతిగిరో యాం ఆమనంతి స్ఫుటమ్ |
ఏకానేకఫలప్రదాం బహువిధాఽఽకారాస్తనూస్తన్వతీం
కామాక్షీం సకలార్తిభంజనపరాం వందే మహేశప్రియామ్ || ౮ ||
మాయామాదిమకారణం త్రిజగతామారాధితాంఘ్రిద్వయాం
ఆనందామృతవారిరాశినిలయాం విద్యాం విపశ్చిద్ధియామ్ |
మాయామానుషరూపిణీం మణిలసన్మధ్యాం మహామాతృకాం
కామాక్షీం కరిరాజమందగమనాం వందే మహేశప్రియామ్ || ౯ ||
కాంతా కామదుఘా కరీంద్రగమనా కామారివామాంకగా
కల్యాణీ కలితావతారసుభగా కస్తూరికాచర్చితా
కంపాతీరరసాలమూలనిలయా కారుణ్యకల్లోలినీ
కల్యాణాని కరోతు మే భగవతీ కాంచీపురీదేవతా || ౧౦ ||
ఇతి శ్రీ కామాక్షీ స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ లలితా స్తోత్రనిధి
(నిత్య పారాయణ గ్రంథము)
మరిన్ని శ్రీ లలితా స్తోత్రాలు చూడండి. మరిన్ని దేవీ స్తోత్రాలు చూడండి.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
Artham chebithe chala baguntundi……
Artham theliyaka sthuthinchadam eanth varaku sababo naku theliyadu.
If you read correctly it’s enough, even if you can’t goddess will understand and bless you.