Bilvashtakam – బిల్వాష్టకం

స్తోత్రనిధి → శ్రీ శివ స్తోత్రాలు → బిల్వాష్టకం

(బిల్వాష్టోత్తరశతనామ స్తోత్రం (108 శ్లో.), బిల్వాష్టకం మరొక వరుసక్రమంలో కూడా ఉన్నది చూడండి.)

// శ్లోకాలు – తాత్పర్యం //

త్రిదళం త్రిగుణాకారం త్రినేత్రం చ త్రియాయుధమ్ |
త్రిజన్మపాపసంహారం ఏకబిల్వం శివార్పణమ్ || ౧ ||

త్రిశాఖైర్బిల్వపత్రైశ్చ హ్యచ్ఛిద్రైః కోమలైః శుభైః |
శివపూజాం కరిష్యామి ఏకబిల్వం శివార్పణమ్ || ౨ ||

అఖండబిల్వపత్రేణ పూజితే నందికేశ్వరే |
శుద్ధ్యంతి సర్వపాపేభ్యః ఏకబిల్వం శివార్పణమ్ || ౩ ||

సాలగ్రామశిలామేకాం జాతు విప్రాయ యోఽర్పయేత్ |
సోమయజ్ఞమహాపుణ్యం ఏకబిల్వం శివార్పణమ్ || ౪ ||

దంతికోటిసహస్రాణి వాజపేయశతాని చ |
కోటికన్యామహాదానాం ఏకబిల్వం శివార్పణమ్ || ౫ ||

పార్వత్యాః స్వేదసంజాతం మహాదేవస్య చ ప్రియమ్ |
బిల్వవృక్షం నమస్యామి ఏకబిల్వం శివార్పణమ్ || ౬ ||

దర్శనం బిల్వవృక్షస్య స్పర్శనం పాపనాశనమ్ |
అఘోరపాపసంహారం ఏకబిల్వం శివార్పణమ్ || ౭ ||

మూలతో బ్రహ్మరూపాయ మధ్యతో విష్ణురూపిణే |
అగ్రతః శివరూపాయ ఏకబిల్వం శివార్పణమ్ || ౮ ||

బిల్వాష్టకమిదం పుణ్యం యః పఠేచ్ఛివసన్నిధౌ |
సర్వపాపవినిర్ముక్తః శివలోకమవాప్నుయాత్ || ౯ ||

ఇతి బిల్వాష్టకమ్ ||

---

గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ శివ స్తోత్రనిధి

(నిత్య పారాయణ గ్రంథము)

Click here to buy

---

మరిన్ని శ్రీ శివ స్తోత్రాలు , వివిధ స్తోత్రాలు చూడండి.

---