Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ దత్తాత్రేయ స్తోత్రనిధి” పారాయణ గ్రంథములో కూడా ఉన్నది. Click here to buy.]
దత్తాత్రేయం పరమసుఖమయం వేదగేయం హ్యమేయం
యోగిధ్యేయం హృతనిజభయం స్వీకృతానేకకాయమ్ |
దుష్టాఽగమ్యం వితతవిజయం దేవదైత్యర్షివంద్యం
వందే నిత్యం విహితవినయం చావ్యయం భావగమ్యమ్ || ౧ ||
దత్తాత్రేయ నమోఽస్తు తే భగవతే పాపక్షయం కుర్వతే
దారిద్ర్యం హరతే భయం శమయతే కారుణ్యమాతన్వతే |
భక్తానుద్ధరతే శివం చ దదతే సత్కీర్తిమాతన్వతే
భూతాన్ ద్రావయతే వరం ప్రదదతే శ్రేయః పతే సద్గతే || ౨ ||
ఏకం సౌభాగ్యజనకం తారకం లోకనాయకమ్ |
విశోకం త్రాతభజకం నమస్యే కామపూరకమ్ || ౩ ||
నిత్యం స్మరామి తే పాదే హతఖేదే సుఖప్రదే |
ప్రదేహి మే శుద్ధభావం భావం యో వారయేద్ద్రుతమ్ || ౪ ||
సమస్తసంపత్ప్రదమార్తబంధుం
సమస్తకల్యాణదమస్తబంధుమ్ |
కారుణ్యసింధుం ప్రణమామి దత్తం
యః శోధయత్యాశు మలీనచిత్తమ్ || ౫ ||
సమస్తభూతాంతరబాహ్యవర్తీ
యశ్చాత్రిపుత్రో యతిచక్రవర్తీ |
సుకీర్తిసంవ్యాప్తదిగంతరాలః
స పాతు మాం నిర్జితభక్తకాలః || ౬ ||
వ్యాధ్యాధిదారిద్ర్యభయార్తిహర్తా
స్వగుప్తయేఽనేకశరీరధర్తా |
స్వదాసభర్తా బహుధా విహర్తా
కర్తాప్యకర్తా స్వవశోఽరిహర్తా || ౭ ||
స చానసూయాతనయోఽభవద్యో
విష్ణుః స్వయం భావికరక్షణాయ |
గుణా యదీయా మ హి బుద్ధిమద్భి-
-ర్గణ్యంత ఆకల్పమపీహ ధాత్రా || ౮ ||
న యత్కటాక్షామృతవృష్టితోఽత్ర
తిష్ఠంతి తాపాః సకలాః పరత్ర |
యః సద్గతిం సంప్రదదాతి భూమా
స మేఽంతరే తిష్ఠతు దివ్యధామా || ౯ ||
స త్వం ప్రసీదాత్రిసుతార్తిహారిన్
దిగంబర స్వీయమనోవిహారిన్ |
దుష్టా లిపిర్యా లిఖితాత్ర ధాత్రా
కార్యా త్వయా సాఽతిశుభా విధాత్రా || ౧౦ ||
సర్వమంగలసంయుక్త సర్వైశ్వర్యసమన్విత |
ప్రసన్నే త్వయి సర్వేశే కిం కేషాం దుర్లభం కుహ || ౧౧ ||
హార్దాంధతిమిరం హంతుం శుద్ధజ్ఞానప్రకాశక |
త్వదంఘ్రినఖమాణిక్యద్యుతిరేవాలమీశ నః || ౧౨ ||
స్వకృపార్ద్రకటాక్షేణ వీక్షసే చేత్సకృద్ధి మామ్ |
భవిష్యామి కృతార్థోఽత్ర పాత్రం చాపి స్థితేస్తవ || ౧౩ ||
క్వ చ మందో వరాకోఽహం క్వ భవాన్భగవాన్ప్రభుః |
అథాపి భవదావేశ భాగ్యవానస్మి తే దృశా || ౧౪ ||
విహితాని మయా నానా పాతకాని చ యద్యపి |
అథాపి తే ప్రసాదేన పవిత్రోఽహం న సంశయః || ౧౫ ||
స్వలీలయా త్వం హి జనాన్పునాసి
తన్మే స్వలీలాశ్రవణం ప్రయచ్ఛ |
తస్యాః శ్రుతేః సాంద్రవిలోచనోఽహం
పునామి చాత్మానమతీవ దేవ || ౧౬ ||
పురతస్తే స్ఫుటం వచ్మి దోషరాశిరహం కిల |
దోషా మమామితాః పాంసువృష్టిబిందుసమా విభోః || ౧౭ ||
పాపీయసామహం ముఖ్యస్త్వం తు కారుణికాగ్రణీః |
దయనీయో న హి క్వాపి మదన్య ఇతి భాతి మే || ౧౮ ||
ఈదృశం మాం విలోక్యాపి కృపాలో తే మనో యది |
న ద్రవేత్తర్హి కిం వాచ్యమదృష్టం మే తవాగ్రతః || ౧౯ ||
త్వమేవ సృష్టవాన్ సర్వాన్ దత్తాత్రేయ దయానిధే |
వయం దీనతరాః పుత్రాస్తవాకల్పాః స్వరక్షణే || ౨౦ ||
జయతు జయతు దత్తో దేవసంఘాభిపూజ్యో
జయతు జయతు భద్రో భద్రదో భావుకేజ్యః |
జయతు జయతు నిత్యో నిర్మలజ్ఞానవేద్యో
జయతు జయతు సత్యః సత్యసంధోఽనవద్యః || ౨౧ ||
యద్యహం తవ పుత్రః స్యాం పితా మాతా త్వమేవ మే |
దయాస్తన్యామృతేనాశు మాతస్త్వమభిషించ మామ్ || ౨౨ ||
ఈశాభిన్ననిమిత్తోపాదానత్వాత్స్రష్టురస్య తే |
జగద్యోనే సుతో నాహం దత్త మాం పరిపాహ్యతః || ౨౩ ||
తవ వత్సస్య మే వాక్యం సూక్తం వాఽసూక్తమప్యహో |
క్షంతవ్యం మేఽపరాధశ్చ త్వత్తోఽన్యా న గతిర్హి మే || ౨౪ ||
అనన్యగతికస్యాస్య బాలస్య మమ తే పితః |
న సర్వథోచితోపేక్షా దోషాణాం గణనాపి చ || ౨౫ ||
అజ్ఞానిత్వాదకల్పత్వాద్దోషా మమ పదే పదే |
భవంతి కిం కరోమీశ కరుణావరుణాలయ || ౨౬ ||
అథాపి మేఽపరాధైశ్చేదాయాస్యంతర్విషాదతామ్ |
పదాహతార్భకేణాపి మాతా రుష్యతి కిం భువి || ౨౭ ||
రంకమంకగతం దీనం తాడయంతం పదేన చ |
మాతా త్యజతి కిం బాలం ప్రత్యుతాశ్వాసయత్యహో || ౨౮ ||
తాదృశం మామకల్పం చేన్నాశ్వాసయసి భో ప్రభో |
అహహా బత దీనస్య త్వాం వినా మమ కా గతిః || ౨౯ ||
శిశుర్నాయం శఠః స్వార్థీత్యపి నాయాతు తేఽంతరమ్ |
లోకే హి క్షుధితా బాలాః స్మరంతి నిజమాతరమ్ || ౩౦ ||
జీవనం భిన్నయోః పిత్రోర్లోక ఏకతరాచ్ఛిశోః |
త్వం తూభయం దత్త మమ మాఽస్తు నిర్దయతా మయి || ౩౧ ||
స్తవనేన న శక్తోఽస్మి త్వాం ప్రసాదయితుం ప్రభో |
బ్రహ్మాద్యాశ్చకితాస్తత్ర మందోఽహం శక్నుయాం కథమ్ || ౩౨ ||
దత్త త్వద్బాలవాక్యాని సూక్తాసూక్తాని యాని చ |
తాని స్వీకురు సర్వజ్ఞ దయాలో భక్తభావన || ౩౩ ||
యే త్వాం శరణమాపన్నాః కృతార్థా అభవన్హి తే |
ఏతద్విచార్య మనసా దత్త త్వాం శరణం గతః || ౩౪ ||
త్వన్నిష్ఠాస్త్వత్పరా భక్తాస్తవ తే సుఖభాగినః |
ఇతి శాస్త్రానురోధేన దత్త త్వాం శరణం గతః || ౩౫ ||
స్వభక్తాననుగృహ్ణాతి భగవాన్ భక్తవత్సలః |
ఇతి సంచిత్య సంచిత్య కథంచిద్ధారయామ్యసూన్ || ౩౬ ||
త్వద్భక్తస్త్వదధీనోఽహమస్మి తుభ్యం సమర్పితమ్ |
తనుం మనో ధనం చాపి కృపాం కురు మమోపరి || ౩౭ ||
త్వయి భక్తిం నైవ జానే న జానేఽర్చనపద్ధతిమ్ |
కృతం న దానధర్మాది ప్రసాదం కురు కేవలమ్ || ౩౮ ||
బ్రహ్మచర్యాది నాచీర్ణం నాధీతా విధితః శ్రుతిః |
గార్హస్థ్యం విధినా దత్త న కృతం తత్ప్రసీద మే || ౩౯ ||
న సాధుసంగమో మేఽస్తి న కృతం వృద్ధసేవనమ్ |
న శాస్త్రశాసనం దత్త కేవలం త్వం దయాం కురు || ౪౦ ||
జ్ఞాతేఽపి ధర్మే న హి మే ప్రవృత్తిః
జ్ఞాతేఽప్యధర్మే న తతో నివృత్తిః |
శ్రీదత్తనాథేన హృది స్థితేన
త్వయా నియుక్తోఽస్మి తథా కరోమి || ౪౧ ||
కృతిః సేవా గతిర్యాత్రా స్మృతిశ్చింతా స్తుతిర్వచః |
భవంతు దత్త మే నిత్యం త్వదీయా ఏవ సర్వథా || ౪౨ ||
ప్రతిజ్ఞా తే న భక్తా మే నశ్యంతీతి సునిశ్చితమ్ |
శ్రీదత్త చిత్త ఆనీయ జీవనం ధారయామ్యహమ్ || ౪౩ ||
దత్తోఽహం తే మయేతీశ ఆత్మదానేన యోఽభవత్ |
అనసూయాత్రిపుత్రః స శ్రీదత్తః శరణం మమ || ౪౪ ||
కార్తవీర్యార్జునాయాదాద్యోగర్ధిముభయీం ప్రభుః |
అవ్యాహతగతిం చాసౌ శ్రీదత్తః శరణం మమ || ౪౫ ||
ఆన్వీక్షికీమలర్కాయ వికల్పత్యాగపూర్వకమ్ |
యో దదాచార్యవర్యః స శ్రీదత్తః శరణం మమ || ౪౬ ||
చతుర్వింశతిగుర్వాప్తం హేయోపాదేయలక్షణమ్ |
జ్ఞానం యో యదవేఽదాత్స శ్రీదత్తః శరణం మమ || ౪౭ ||
మదాలసాగర్భరత్నాలర్కాయ ప్రాహిణోచ్చ యః |
యోగపూర్వాత్మవిజ్ఞానం శ్రీదత్తః శరణం మమ || ౪౮ ||
ఆయురాజాయ సత్పుత్రం సేవాధర్మపరాయ యః |
ప్రదదౌ సద్గతిం చైష శ్రీదత్తః శరణం మమ || ౪౯ ||
లోకోపకృతయే విష్ణుదత్తవిప్రాయ యోఽర్పయత్ |
విద్యాస్తచ్ఛ్రాద్ధభుగ్యః స శ్రీదత్తః శరణం మమ || ౫౦ ||
భర్త్రా సహానుగమనవిధిం యః ప్రాహ సర్వవిత్ |
రామమాత్రే రేణుకాయై శ్రీదత్తః శరణం మమ || ౫౧ ||
సమూలమాహ్నికం కర్మ సోమకీర్తినృపాయ యః |
మోక్షోపయోగి సకలం శ్రీదత్తః శరణం మమ || ౫౨ ||
నామధారక భక్తాయ నిర్విణ్ణాయ వ్యదర్శయత్ |
తుష్టః స్తుత్యా స్వరూపం స శ్రీదత్తః శరణం మమ || ౫౩ ||
యః కలిబ్రహ్మసంవాదమిషేణాహ యుగస్థితీః |
గురుసేవాం చ సిద్ధాఽఽస్యాచ్ఛ్రీదత్తః శరణం మమ || ౫౪ ||
దూర్వాసఃశాపమాశ్రుత్య యోఽంబరీషార్థమవ్యయః |
నానావతారధారీ స శ్రీదత్తః శరణం మమ || ౫౫ ||
అనసూయాసతీదుగ్ధాస్వాదాయేవ త్రిరూపతః |
అవాతరదజో యోఽపి శ్రీదత్తః శరణం మమ || ౫౬ ||
పీఠాపురే యః సుమతిబ్రాహ్మణీభక్తితోఽభవత్ |
శ్రీపాదస్తత్సుతస్త్రాతా శ్రీదత్తః శరణం మమ || ౫౭ ||
ప్రకాశయామాస సిద్ధముఖాత్ స్థాపనమాదితః |
మహాబలేశ్వరస్యైష శ్రీదత్తః శరణం మమ || ౫౮ ||
చండాల్యపి యతో ముక్తా గోకర్ణే తత్ర యోఽవసత్ |
లింగతీర్థమయే త్ర్యబ్దం శ్రీదత్తః శరణం మమ || ౫౯ ||
కృష్ణాద్వీపే కురుపురే కుపుత్రం జననీయుతమ్ |
యో హి మృత్యోరపాచ్ఛ్రీపాచ్ఛ్రీదత్తః శరణం మమ || ౬౦ ||
రజకాయాపి దాస్యన్యో రాజ్యం కురుపురే ప్రభుః |
తిరోఽభూదజ్ఞదృష్ట్యా స శ్రీదత్తః శరణం మమ || ౬౧ ||
విశ్వాసఘాతినశ్చోరాన్ స్వభక్తఘ్నాన్నిహత్య యః |
జీవయామాస భక్తం స శ్రీదత్తః శరణం మమ || ౬౨ ||
కరంజనగరేఽంబాయాః ప్రదోషవ్రతసిద్ధయే |
యోఽభూత్సుతో నృహర్యాఖ్యః శ్రీదత్తః శరణం మమ || ౬౩ ||
మూకో భూత్వా వ్రతాత్ పశ్చాద్వదన్వేదాన్ స్వమాతరమ్ |
ప్రవ్రజన్ బోధయామాస శ్రీదత్తః శరణం మమ || ౬౪ ||
కాశీవాసీ స సంన్యాసీ నిరాశీష్ట్వప్రదో వృషమ్ |
వైదికం విశదీకుర్వన్ శ్రీదత్తః శరణం మమ || ౬౫ ||
భూమిం ప్రదక్షిణీకృత్య సశిష్యో వీక్ష్య మాతరమ్ |
జహార ద్విజశూలార్తిం శ్రీదత్తః శరణం మమ || ౬౬ ||
శిష్యత్వేనోరరీకృత్య సాయందేవం రరక్ష యః |
భీతం చ క్రూరయవనాచ్ఛ్రీదత్తః శరణం మమ || ౬౭ ||
ప్రేరయత్తీర్థయాత్రాయై తీర్థరూపోఽపి యః స్వకాన్ |
సమ్యగ్ధర్మముపాదిశ్య శ్రీదత్తః శరణం మమ || ౬౮ ||
సశిష్యః పర్యలీక్షేత్రే వైద్యనాథసమీపతః |
స్థిత్వోద్దధార మూఢం యః శ్రీదత్తః శరణం మమ || ౬౯ ||
విద్వత్సుతమవిద్యం య ఆగతం లోకనిందితమ్ |
ఛిన్నజిహ్వం బుధం చక్రే శ్రీదత్తః శరణం మమ || ౭౦ ||
నృసింహవాటికస్థో యః ప్రదదౌ శాకభుఙ్నిధిమ్ |
దరిద్రబ్రాహ్మణాయాసౌ శ్రీదత్తః శరణం మమ || ౭౧ ||
భక్తాయ త్రిస్థలీయాత్రాం దర్శయామాస యః క్షణాత్ |
చకార వరదం క్షేత్రం శ్రీదత్తః శరణం మమ || ౭౨ ||
ప్రేతార్తిం వారయిత్వా యో బ్రాహ్మణ్యై భక్తిభావితః |
దదౌ పుత్రౌ స గతిదః శ్రీదత్తః శరణం మమ || ౭౩ ||
తత్త్వం యో మృతపుత్రాయై బోధయిత్వాప్యజీవయత్ |
మృతం కల్పద్రుమస్థః స శ్రీదత్తః శరణం మమ || ౭౪ ||
దోహయామాస భిక్షార్థం యో వంధ్యాం మహిషీం ప్రభుః |
దారిద్ర్యదావదావః స శ్రీదత్తః శరణం మమ || ౭౫ ||
రాజప్రార్థిత ఏత్యాస్థాన్మఠే యో గాణగాపురే |
బ్రహ్మరక్షః సముద్ధర్తా శ్రీదత్తః శరణం మమ || ౭౬ ||
విశ్వరూపం నిందకాయ శిబికాస్థః స్వలంకృతః |
గర్వహాదర్శయద్యః స శ్రీదత్తః శరణం మమ || ౭౭ ||
త్రివిక్రమేణ చానీతౌ గర్వితౌ బ్రాహ్మణద్విషౌ |
బోధయామాస తౌ యః స శ్రీదత్తః శరణం మమ || ౭౮ ||
ఉక్త్వా చతుర్వేదశాఖాతదంగాదికమీశ్వరః |
విప్రగర్వహరో యః స శ్రీదత్తః శరణం మమ || ౭౯ ||
సప్తజన్మవిదం సప్తరేఖోల్లంఘనతో దదౌ |
యో హీనాయ శ్రుతిస్ఫూర్తిః శ్రీదత్తః శరణం మమ || ౮౦ ||
త్రివిక్రమాయాహ కర్మగతిం దత్తవిదా పునః |
వియుక్తం పతితం చక్రే శ్రీదత్తః శరణం మమ || ౮౧ ||
రక్షసే వామదేవేన భస్మమాహాత్మ్యముద్గతిమ్ |
ఉక్తాం త్రివిక్రమాయాహ శ్రీదత్తః శరణం మమ || ౮౨ ||
గోపీనాథసుతో రుగ్ణో మృతస్తత్ స్త్రీ శుశోచ తామ్ |
బోధయామాస యో యోగీ శ్రీదత్తః శరణం మమ || ౮౩ ||
గుర్వగస్త్యర్షిసంవాదరూపం స్త్రీధర్మమాహ యః |
రూపాంతరేణ స ప్రాజ్ఞః శ్రీదత్తః శరణం మమ || ౮౪ ||
విధవాధర్మమాదిశ్యానుగమం చాక్షభస్మదః |
అజీవయన్మృతం విప్రం శ్రీదత్తః శరణం మమ || ౮౫ ||
వేశ్యాసత్యై తు రుద్రాక్షమాహాత్మ్యయుతమీట్ కృతమ్ |
ప్రసాదం ప్రాహ యః సత్యై శ్రీదత్తః శరణం మమ || ౮౬ ||
శతరుద్రీయమాహాత్మ్యం మృతరాట్ సుతజీవనమ్ |
సత్యై శశంస స గురుః శ్రీదత్తః శరణం మమ || ౮౭ ||
కచాఖ్యానం స్త్రియో మంత్రానర్హతార్థసుభాగ్యదమ్ |
సోమవ్రతం చ యః ప్రాహ శ్రీదత్తః శరణం మమ || ౮౮ ||
బ్రాహ్మణ్యా దుఃస్వభావం యో నివార్యాహ్నికముత్తమమ్ |
శశంస బ్రాహ్మణాయాసౌ శ్రీదత్తః శరణం మమ || ౮౯ ||
గార్హస్థధర్మం విప్రాయ ప్రత్యవాయజిహాసయా |
క్రమముక్త్యై య ఊచే స శ్రీదత్తః శరణం మమ || ౯౦ ||
త్రిపుంపర్యాప్తపాకేన భోజయామాస యో నృణామ్ |
సిద్ధశ్చతుఃసహస్రాణి శ్రీదత్తః శరణం మమ || ౯౧ ||
అశ్వత్థసేవామాదిశ్య పుత్రౌ యోదాత్ఫలప్రదః |
చిత్రకృద్వృద్ధవంధ్యాయై శ్రీదత్తః శరణం మమ || ౯౨ ||
కారయిత్వా శుష్కకాష్ఠసేవాం తద్వృక్షతాం నయన్ |
విప్రకుష్ఠం జహారాసౌ శ్రీదత్తః శరణం మమ || ౯౩ ||
భజంతం కష్టతోఽప్యాహ సాయందేవం పరీక్ష్య యః |
గురుసేవావిధానం స శ్రీదత్తః శరణం మమ || ౯౪ ||
శివతోషకరీం కాశీయాత్రాం భక్తాయ యోఽవదత్ |
సవిధిం విహితాం త్వష్ట్రా శ్రీదత్తః శరణం మమ || ౯౫ ||
కౌండిణ్యధర్మవిహితమనంతవ్రతమాహ యః |
కారయామాస తద్యోఽపి శ్రీదత్తః శరణం మమ || ౯౬ ||
శ్రీశైలం తంతుకాయాసౌ యోగగత్యా వ్యదర్శయత్ |
శివరాత్రివ్రతాహే స శ్రీదత్తః శరణం మమ || ౯౭ ||
జ్ఞాపయిత్వాప్యమర్త్యత్వం స్వస్య దృష్ట్యా చకార యః |
వికుష్ఠం నందిశర్మాణం శ్రీదత్తః శరణం మమ || ౯౮ ||
నరకేసరిణే స్వప్నే స్వం కల్లేశ్వరలింగగమ్ |
దర్శయిత్వానుజగ్రాహ శ్రీదత్తః శరణం మమ || ౯౯ ||
అష్టమూర్తిధరోఽప్యష్టగ్రామగో భక్తవత్సలః |
దీపావల్యుత్సవేఽభూత్ స శ్రీదత్తః శరణం మమ || ౧౦౦ ||
అపక్వం ఛేదయిత్వాపి క్షేత్రే శతగుణం తతః |
ధాన్యం శూద్రాయ యోఽదాత్ స శ్రీదత్తః శరణం మమ || ౧౦౧ ||
గాణగాపురకే క్షేత్రే యోఽష్టతీర్థాన్యదర్శయత్ |
భక్తేభ్యో భీమరథ్యాం స శ్రీదత్తః శరణం మమ || ౧౦౨ ||
పూర్వదత్తవరాయాదాద్రాజ్యం స్ఫోటకరుగ్ఘరః |
మ్లేచ్ఛాయ దృష్టిం చేష్టం స శ్రీదత్తః శరణం మమ || ౧౦౩ ||
శ్రీశైలయాత్రామిషేణ వరదః పుష్పపీఠగః |
కలౌ తిరోఽభవద్యః స శ్రీదత్తః శరణం మమ || ౧౦౪ ||
నిద్రా మాతృపురేఽస్య సహ్యశిఖరే పీఠం మిమంక్షాపురే
కాశ్యాఖ్యే కరహాటకేఽర్ఘ్యమవరే భిక్షాస్య కోలాపురే |
పాంచాలే భుజిరస్య విఠ్ఠలపురే పత్రం విచిత్రం పురే
గాంధర్వే యుజిరాచమః కురుపురే దూరే స్మృతో నాంతరే || ౧౦౫ ||
అమలకమలవక్త్రః పద్మపత్రాభనేత్రః
పరవిరతికలత్రః సర్వథా యః స్వతంత్రః |
స చ పరమపవిత్రః సత్కమండల్వమత్రః
పరమరుచిరగాత్రో యోఽనసూయాత్రిపుత్రః || ౧౦౬ ||
నమస్తే సమస్తేష్టదాత్రే విధాత్రే
నమస్తే సమస్తేడితాఘౌఘహర్త్రే |
నమస్తే సమస్తేంగితజ్ఞాయ భర్త్రే
నమస్తే సమస్తేష్టకర్త్రేఽకహర్త్రే || ౧౦౭ ||
నమో నమస్తేఽస్తు పురాంతకాయ
నమో నమస్తేఽస్త్వసురాంతకాయ |
నమో నమస్తేఽస్తు ఖలాంతకాయ
దత్తాయ భక్తార్తివినాశకాయ || ౧౦౮ ||
శ్రీదత్తదేవేశ్వర మే ప్రసీద
శ్రీదత్తసర్వేశ్వర మే ప్రసీద |
ప్రసీద యోగేశ్వర దేహి యోగం
త్వదీయభక్తేః కురు మా వియోగమ్ || ౧౦౯ ||
శ్రీదత్తో జయతీహ దత్తమనిశం ధ్యాయామి దత్తేన మే
హృచ్ఛుద్ధిర్విహితా తతోఽస్తు సతతం దత్తాయ తుభ్యం నమః |
దత్తాన్నాస్తి పరాయణం శ్రుతిమతం దత్తస్య దాసోఽస్మ్యహం
శ్రీదత్తే పరభక్తిరస్తు మమ భో దత్త ప్రసీదేశ్వర || ౧౧౦ ||
ఇతి శ్రీపరమహంసపరివ్రాజకాచార్య శ్రీవాసుదేవానందసరస్వతీ విరచితం శ్రీ దత్త భావసుధారస స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ దత్తాత్రేయ స్తోత్రనిధి
(నిత్య పారాయణ గ్రంథము)
మరిన్ని శ్రీ దత్తాత్రేయ స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
