Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]
అగస్తిరువాచ |
యా సీతాఽవనిసంభవాఽథ మిథిలాపాలేన సంవర్ధితా
పద్మాక్షావనిభుక్సుతాఽనలగతా యా మాతులుంగోద్భవా |
యా రత్నే లయమాగతా జలనిధౌ యా వేదపారం గతా
లంకాం సా మృగలోచనా శశిముఖీ మాం పాతు రామప్రియా || ౧ ||
అస్య శ్రీసీతాకవచమంత్రస్య అగస్తిరృషిః శ్రీసీతా దేవతా అనుష్టుప్ ఛందః రమేతి బీజం జనకజేతి శక్తిః అవనిజేతి కీలకం పద్మాక్షసుతేత్యస్త్రం మాతులుంగీతి కవచం మూలకాసురఘాతినీతి మంత్రః శ్రీసీతారామచంద్రప్రీత్యర్థం సకలకామనా సిద్ధ్యర్థం చ జపే వినియోగః |
అథ కరన్యాసః |
ఓం హ్రాం సీతాయై అంగుష్ఠాభ్యాం నమః |
ఓం హ్రీం రమాయై తర్జనీభ్యాం నమః |
ఓం హ్రూం జనకజాయై మధ్యమాభ్యాం నమః |
ఓం హ్రైం అవనిజాయై అనామికాభ్యాం నమః |
ఓం హ్రౌం పద్మాక్షసుతాయై కనిష్ఠికాభ్యాం నమః |
ఓం హ్రః మాతులుంగ్యై కరతలకరపృష్ఠాభ్యాం నమః |
అథ అంగన్యాసః |
ఓం హ్రాం సీతాయై హృదయాయ నమః |
ఓం హ్రీం రమాయై శిరసే స్వాహా |
ఓం హ్రూం జనకజాయై శిఖాయై వషట్ |
ఓం హ్రైం అవనిజాయై కవచాయ హుమ్ |
ఓం హ్రౌం పద్మాక్షసుతాయై నేత్రత్రయాయ వౌషట్ |
ఓం హ్రః మాతులుంగ్యై అస్త్రాయ ఫట్ |
భూర్భువస్సువరోమితి దిగ్బంధః |
అథ ధ్యానమ్ |
సీతాం కమలపత్రాక్షీం విద్యుత్పుంజసమప్రభామ్ |
ద్విభుజాం సుకుమారాంగీం పీతకౌశేయవాసినీమ్ || ౧ ||
సింహాసనే రామచంద్రవామభాగస్థితాం వరామ్ |
నానాలంకారసంయుక్తాం కుండలద్వయధారిణీమ్ || ౨ ||
చూడాకంకణకేయూరరశనానూపురాన్వితామ్ |
సీమంతే రవిచంద్రాభ్యాం నిటిలే తిలకేన చ || ౩ ||
నూపురాభరణేనాపి ఘ్రాణేఽతిశోభితాం శుభామ్ |
హరిద్రాం కజ్జలం దివ్యం కుంకుమం కుసుమాని చ || ౪ ||
బిభ్రతీం సురభిద్రవ్యం సుగంధస్నేహముత్తమమ్ |
స్మితాననాం గౌరవర్ణాం మందారకుసుమం కరే || ౫ ||
బిభ్రతీమపరే హస్తే మాతులుంగమనుత్తమమ్ |
రమ్యహాసాం చ బింబోష్ఠీం చంద్రవాహనలోచనామ్ || ౬ ||
కలానాథసమానాస్యాం కలకంఠమనోరమామ్ |
మాతులుంగోద్భవాం దేవీం పద్మాక్షదుహితాం శుభామ్ || ౭ ||
మైథిలీం రామదయితాం దాసీభిః పరివీజితామ్ |
ఏవం ధ్యాత్వా జనకజాం హేమకుంభపయోధరామ్ || ౮ ||
అథ కవచమ్ |
శ్రీసీతా పూర్వతః పాతు దక్షిణేఽవతు జానకీ |
ప్రతీచ్యాం పాతు వైదేహీ పాతూదీచ్యాం చ మైథిలీ || ౯ ||
అధః పాతు మాతులుంగీ ఊర్ధ్వం పద్మాక్షజాఽవతు |
మధ్యేఽవనిసుతా పాతు సర్వతః పాతు మాం రమా || ౧౦ ||
స్మితాననా శిరః పాతు పాతు భాలం నృపాత్మజా |
పద్మాఽవతు భ్రువోర్మధ్యే మృగాక్షీ నయనేఽవతు || ౧౧ ||
కపోలే కర్ణమూలే చ పాతు శ్రీరామవల్లభా |
నాసాగ్రం సాత్త్వికీ పాతు పాతు వక్త్రం తు రాజసీ || ౧౨ ||
తామసీ పాతు మద్వాణీం పాతు జిహ్వాం పతివ్రతా |
దంతాన్ పాతు మహామాయా చిబుకం కనకప్రభా || ౧౩ ||
పాతు కంఠం సౌమ్యరూపా స్కంధౌ పాతు సురార్చితా |
భుజౌ పాతు వరారోహా కరౌ కంకణమండితా || ౧౪ ||
నఖాన్ రక్తనఖా పాతు కుక్షౌ పాతు లఘూదరా |
వక్షః పాతు రామపత్నీ పార్శ్వే రావణమోహినీ || ౧౫ ||
పృష్ఠదేశే వహ్నిగుప్తాఽవతు మాం సర్వదైవ హి |
దివ్యప్రదా పాతు నాభిం కటిం రాక్షసమోహినీ || ౧౬ ||
గుహ్యం పాతు రత్నగుప్తా లింగం పాతు హరిప్రియా |
ఊరూ రక్షతు రంభోరూర్జానునీ ప్రియభాషిణీ || ౧౭ ||
జంఘే పాతు సదా సుభ్రూర్గుల్ఫౌ చామరవీజితా |
పాదౌ లవసుతా పాతు పాత్వంగాని కుశాంబికా || ౧౮ ||
పాదాంగుళీః సదా పాతు మమ నూపురనిఃస్వనా |
రోమాణ్యవతు మే నిత్యం పీతకౌశేయవాసినీ || ౧౯ ||
రాత్రౌ పాతు కాలరూపా దినే దానైకతత్పరా |
సర్వకాలేషు మాం పాతు మూలకాసురఘాతినీ || ౨౦ ||
ఏవం సుతీక్ష్ణ సీతాయాః కవచం తే మయేరితమ్ |
ఇదం ప్రాతః సముత్థాయ స్నాత్వా నిత్యం పఠేత్పునః || ౨౧ ||
జానకీం పూజయిత్వా స సర్వాన్కామానవాప్నుయాత్ |
ధనార్థీ ప్రాప్నుయాద్ద్రవ్యం పుత్రార్థీ పుత్రమాప్నుయాత్ || ౨౨ ||
స్త్రీకామార్థీ శుభాం నారీం సుఖార్థీ సౌఖ్యమాప్నుయాత్ |
అష్టవారం జపనీయం సీతాయాః కవచం సదా || ౨౩ ||
అష్టభూసురసీతాయై నరైః ప్రీత్యార్పయేత్సదా |
ఫలపుష్పాదికాదీని యాని తాని పృథక్ పృథక్ || ౨౪ ||
సీతాయాః కవచం చేదం పుణ్యం పాతకనాశనమ్ |
యే పఠంతి నరా భక్త్యా తే ధన్యా మానవా భువి || ౨౫ ||
పఠంతి రామకవచం సీతాయాః కవచం వినా |
తథా వినా లక్ష్మణస్య కవచేన వృథా స్మృతమ్ || ౨౬ ||
[*అధికశ్లోకాః –
తస్మాత్ సదా నరైర్జాప్యం కవచానాం చతుష్టయమ్ |
ఆదౌ తు వాయుపుత్రస్య లక్ష్మణస్య తతః పరమ్ ||
తతః పఠేచ్చ సీతాయాః శ్రీరామస్య తతః పరమ్ |
ఏవం సదా జపనీయం కవచానాం చతుష్టయమ్ ||
*]
ఇతి శ్రీమదానందరామాయణే మనోహరకాండే సుతీక్ష్ణాగస్త్యసంవాదే శ్రీసీతాయాః కవచమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ రామ స్తోత్రనిధి
(నిత్య పారాయణ గ్రంథము)
మరిన్ని దేవీ స్తోత్రాలు చూడండి. మరిన్ని శ్రీ రామ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
