Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము (శ్లోకాలు మాత్రమే) “శ్రీ లలితా స్తోత్రనిధి” పారాయణ గ్రంథములో కూడా ఉన్నది. Click here to buy.]
అథానందమయీం సాక్షాచ్ఛబ్దబ్రహ్మస్వరూపిణీమ్ |
ఈడే సకలసంపత్త్యై జగత్కారణమంబికామ్ || ౧ ||
ఆద్యామశేషజననీమరవిందయోనే-
-ర్విష్ణోః శివస్య చ వపుః ప్రతిపాదయిత్రీమ్ |
సృష్టిస్థితిక్షయకరీం జగతాం త్రయాణాం
స్తుత్వా గిరం విమలయాప్యహమంబికే త్వామ్ || ౨ ||
పృథ్వ్యా జలేన శిఖినా మరుతాంబరేణ
హోత్రేందునా దినకరేణ చ మూర్తిభాజః |
దేవస్య మన్మథరిపోరపి శక్తిమత్తా-
-హేతుస్త్వమేవ ఖలు పర్వతరాజపుత్రి || ౩ ||
త్రిస్రోతసః సకలదేవసమర్చితాయా
వైశిష్ట్యకారణమవైమి తదేవ మాతః |
త్వత్పాదపంకజపరాగపవిత్రితాసు
శంభోర్జటాసు సతతం పరివర్తనం యత్ || ౪ ||
ఆనందయేత్కుముదినీమధిపః కలానాం
నాన్యామినః కమలినీమథ నేతరాం వా |
ఏకత్ర మోదనవిధౌ పరమే క ఈష్టే
త్వం తు ప్రపంచమభినందయసి స్వదృష్ట్యా || ౫ ||
ఆద్యాప్యశేషజగతాం నవయౌవనాసి
శైలాధిరాజతనయాప్యతికోమలాసి |
త్రయ్యాః ప్రసూరపి తథా న సమీక్షితాసి
ధ్యేయాసి గౌరి మనసో న పథి స్థితాసి || ౬ ||
ఆసాద్య జన్మ మనుజేషు చిరాద్దురాపం
తత్రాపి పాటవమవాప్య నిజేంద్రియాణామ్ |
నాభ్యర్చయంతి జగతాం జనయిత్రి యే త్వాం
నిఃశ్రేణికాగ్రమధిరుహ్య పునః పతంతి || ౭ ||
కర్పూరచూర్ణహిమవారివిలోడితేన
యే చందనేన కుసుమైశ్చ సుజాతగంధైః |
ఆరాధయంతి హి భవాని సముత్సుకాస్త్వాం
తే ఖల్వఖండభువనాధిభువః ప్రథంతే || ౮ ||
ఆవిశ్య మధ్యపదవీం ప్రథమే సరోజే
సుప్తా హి రాజసదృశీ విరచయ్యవిశ్వమ్ |
విద్యుల్లతావలయవిభ్రమముద్వహంతీ
పద్మాని పంచ విదలయ్య సమశ్నువానా || ౯ ||
తన్నిర్గతామృతరసైః పరిషిక్తగాత్ర-
-మార్గేణ తేన విలయం పునరప్యవాప్తా |
యేషాం హృది స్ఫురసి జాతు న తే భవేయు-
-ర్మాతర్మహేశ్వరకుటుంబిని గర్భభాజః || ౧౦ ||
ఆలంబికుండలభరామభిరామవక్త్రా-
-మాపీవరస్తనతటీం తనువృత్తమధ్యామ్ |
చింతాక్షసూత్రకలశాలిఖితాఢ్యహస్తా-
-మావర్తయామి మనసా తవ గౌరి మూర్తిమ్ || ౧౧ ||
ఆస్థాయ యోగమవిజిత్య చ వైరిషట్క-
-మాబద్ధ్యచేంద్రియగణం మనసి ప్రసన్నే |
పాశాంకుశాభయవరాఢ్యకరాం సువక్త్రా-
-మాలోకయంతి భువనేశ్వరి యోగినస్త్వామ్ || ౧౨ ||
ఉత్తప్తహాటకనిభా కరిభిశ్చతుర్భి-
-రావర్తితామృతఘటైరభిషిచ్యమానా |
హస్తద్వయేన నలినే రుచిరే వహంతీ
పద్మాపి సాభయవరా భవసి త్వమేవ || ౧౩ ||
అష్టాభిరుగ్రవివిధాయుధవాహినీభి-
-ర్దోర్వల్లరీభిరధిరుహ్య మృగాధిరాజమ్ |
దూర్వాదలద్యుతిరమార్త్యవిపక్షపక్షాన్
న్యక్కుర్వతీ త్వమసి దేవి భవాని దుర్గా || ౧౪ ||
ఆవిర్నిదాఘజలశీకరశోభివక్త్రాం
గుంజాఫలేన పరికల్పితహారయష్టిమ్ |
పీతాంశుకామసితకాంతిమనంగతంద్రా-
-మాద్యాం పుళిందతరుణీమసకృత్స్మరామి || ౧౫ ||
హంసైర్గతిక్వణితనూపురదూరదృష్టే
మూర్తైరివార్థవచనైరనుగమ్యమానౌ |
పద్మావివోర్ధ్వముఖరూఢసుజాతనాలౌ
శ్రీకంఠపత్ని శిరసా విదధే తవాంఘ్రీ || ౧౬ ||
ద్వాభ్యాం సమీక్షితుమతృప్తిమతేవ దృగ్భ్యా-
-ముత్పాట్య భాలనయనం వృషకేతనేన |
సాంద్రానురాగతరలేన నిరీక్ష్యమాణే
జంఘే శుభే అపి భవాని తవానతోఽస్మి || ౧౭ ||
ఊరూ స్మరామి జితహస్తికరావలేపౌ
స్థౌల్యేన మార్దవతయా పరిభూతరంభౌ |
శ్రేణీభరస్య సహనౌ పరికల్ప్య దత్తౌ
స్తంభావివాంగవయసా తవ మధ్యమేన || ౧౮ ||
శ్రోణ్యౌ స్తనౌ చ యుగపత్ప్రథయిష్యతోచ్చై-
-ర్బాల్యాత్పరేణ వయసా పరిహృష్టసారౌ |
రోమావళీవిలసితేన విభావ్య మూర్తిం
మధ్యం తవ స్ఫురతు మే హృదయస్య మధ్యే || ౧౯ ||
సఖ్యః స్మరస్య హరనేత్రహుతాశశాంత్యై
లావణ్యవారిభరితం నవయౌవనేన |
ఆపాద్య దత్తమివ పల్లవమప్రవిష్టం
నాభిం కదాపి తవ దేవి న విస్మరేయమ్ || ౨౦ ||
ఈశేఽపి గేహపిశునం భసితం దధానే
కాశ్మీరకర్దమమనుస్తనపంకజే తే |
స్నాతోత్థితస్య కరిణః క్షణలక్ష్యఫేనౌ
సిందూరితౌ స్మరయతః సమదస్య కుంభౌ || ౨౧ ||
కంఠాతిరిక్తగలదుజ్జ్వలకాంతిధారా-
-శోభౌ భుజౌ నిజరిపోర్మకరధ్వజేన |
కంఠగ్రహాయ రచితౌ కిల దీర్ఘపాశౌ
మాతర్మమ స్మృతిపథం న విలంఘయేతామ్ || ౨౨ ||
నాత్యాయతం రచితకంబువిలాసచౌర్యం
భూషాభరేణ వివిధేన విరాజమానమ్ |
కంఠం మనోహరగుణం గిరిరాజకన్యే
సంచింత్య తృప్తిముపయామి కదాపి నాహమ్ || ౨౩ ||
అత్యాయతాక్షమభిజాతలలాటపట్టం
మందస్మితేన దరఫుల్లకపోలరేఖమ్ |
బింబాధరం వదనమున్నతదీర్ఘనాసం
యస్తే స్మరత్యసకృదంబ స ఏవ జాతః || ౨౪ ||
ఆవిస్తుషారకరలేఖమనల్పగంధ-
-పుష్పోపరిభ్రమదలివ్రజనిర్విశేషమ్ |
యశ్చేతసా కలయతే తవ కేశపాశం
తస్య స్వయం గలతి దేవి పురాణపాశః || ౨౫ ||
శ్రుతిసుచరితపాకం శ్రీమతా స్తోత్రమేత-
-త్పఠతి య ఇహ మర్త్యో నిత్యమార్ద్రాంతరాత్మా |
స భవతి పదముచ్చైః సంపదాం పాదనమ్ర-
-క్షితిపముకుటలక్ష్మీలక్షణానాం చిరాయ || ౨౬ ||
ఇతి శ్రీరుద్రయామలే తంత్రే శ్రీభువనేశ్వరీ స్తోత్రమ్ ||
గమనిక: పైన ఇవ్వబడిన స్తోత్రము (శ్లోకాలు మాత్రమే), ఈ పుస్తకములో కూడా ఉన్నది.
శ్రీ లలితా స్తోత్రనిధి
(నిత్య పారాయణ గ్రంథము)
మరిన్ని శ్రీ లలితా స్తోత్రాలు చూడండి. మరిన్ని దేవీ స్తోత్రాలు చూడండి. మరిన్ని దశమహావిద్యా స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
