Read in తెలుగు / ಕನ್ನಡ / தமிழ் / देवनागरी / English (IAST)
|| సచివోక్తిః ||
ఇత్యుక్తా రాక్షసేంద్రేణ రాక్షసాస్తే మహాబలాః |
ఊచుః ప్రాంజలయః సర్వే రావణం రాక్షసేశ్వరమ్ || ౧ ||
ద్విషత్పక్షమవిజ్ఞాయ నీతిబాహ్యాస్త్వబుద్ధయః |
అవిజ్ఞాయాత్మపక్షం చ రాజానం భీషయంతి హి || ౨ ||
రాజన్ పరిఘశక్త్యృష్టిశూలపట్టిశసంకులమ్ |
సుమహన్నో బలం కస్మాద్విషాదం భజతే భవాన్ || ౩ ||
త్వయా భోగవతీం గత్వా నిర్జితాః పన్నగా యుధి |
కైలాసశిఖరావాసీ యక్షైర్బహుభిరావృతః || ౪ ||
సుమహత్కదనం కృత్వా వశ్యస్తే ధనదః కృతః |
స మహేశ్వరసఖ్యేన శ్లాఘమానస్త్వయా విభో || ౫ ||
నిర్జితః సమరే రోషాల్లోకపాలో మహాబలః |
వినిహత్య చ యక్షౌఘాన్ విక్షోభ్య చ విగృహ్య చ || ౬ ||
త్వయా కైలాసశిఖరాద్విమానమిదమాహృతమ్ |
మయేన దానవేంద్రేణ త్వద్భయాత్సఖ్యమిచ్ఛతా || ౭ ||
దుహితా తవ భార్యార్థే దత్తా రాక్షసపుంగవ |
దానవేంద్రో మధుర్నామ వీర్యోత్సిక్తో దురాసదః || ౮ ||
విగృహ్య వశమానీతః కుంభీనస్యాః సుఖావహః |
నిర్జితాస్తే మహాబాహో నాగా గత్వా రసాతలమ్ || ౯ ||
వాసుకిస్తక్షకః శంఖో జటీ చ వశమాహృతాః |
అక్షయా బలవంతశ్చ శూరా లబ్ధవరాః పురా || ౧౦ ||
త్వయా సంవత్సరం యుద్ధ్వా సమరే దానవా విభో |
స్వబలం సముపాశ్రిత్య నీతా వశమరిందమ || ౧౧ ||
మాయాశ్చాధిగతాస్తత్ర బహవో రాక్షసాధిప |
నిర్జితాః సమరే రోషాల్లోకపాలా మహాబలాః || ౧౨ ||
దేవలోకమితో గత్వా శక్రశ్చాపి వినిర్జితః |
శూరాశ్చ బలవంతశ్చ వరుణస్య సుతా రణే || ౧౩ ||
నిర్జితాస్తే మహాబాహో చతుర్విధబలానుగాః |
మృత్యుదండమహాగ్రాహం శాల్మలిద్రుమమండితమ్ || ౧౪ ||
కాలపాశమహావీచిం యమకింకరపన్నగమ్ |
అవగాహ్య త్వయా రాజన్ యమస్య బలసాగరమ్ || ౧౫ ||
జయశ్చ విపులః ప్రాప్తో మృత్యుశ్చ ప్రతిషేధితః |
సుయుద్ధేన చ తే సర్వే లోకాస్తత్ర విలోలితాః || ౧౬ || [సుతోషితాః]
క్షత్రియైర్బహుభిర్వీరైః శక్రతుల్యపరాక్రమైః |
ఆసీద్వసుమతీ పూర్ణా మహద్భిరివ పాదపైః || ౧౭ ||
తేషాం వీర్యగుణోత్సాహైర్న సమో రాఘవో రణే |
ప్రసహ్య తే త్వయా రాజన్ హతాః పరమదుర్జయాః || ౧౮ ||
తిష్ఠ వా కిం మహారాజ శ్రమేణ తవ వానరాన్ |
అయమేకో మహాబాహురింద్రజిత్ క్షపయిష్యతి || ౧౯ ||
అనేన హి మహారాజ మాహేశ్వరమనుత్తమమ్ |
ఇష్ట్వా యజ్ఞం వరో లబ్ధో లోకే పరమదుర్లభః || ౨౦ ||
శక్తితోమరమీనం చ వినికీర్ణాంత్రశైవలమ్ |
గజకచ్ఛపసంబాధమశ్వమండూకసంకులమ్ || ౨౧ ||
రుద్రాదిత్యమహాగ్రాహం మరుద్వసుమహోరగమ్ |
రథాశ్వగజతోయౌఘం పదాతిపులినం మహత్ || ౨౨ ||
అనేన హి సమాసాద్య దేవానాం బలసాగరమ్ |
గృహీతో దైవతపతిర్లంకాం చాపి ప్రవేశితః || ౨౩ ||
పీతామహనియోగాచ్చ ముక్తః శంబరవృత్రహా |
గతస్త్రివిష్టపం రాజన్ సర్వదేవనమస్కృతః || ౨౪ ||
తమేవ త్వం మహారాజ విసృజేంద్రజితం సుతమ్ |
యావద్వానరసేనాం తాం సరామాం నయతి క్షయమ్ || ౨౫ ||
రాజన్నాపదయుక్తేయమాగతా ప్రాకృతాజ్జనాత్ |
హృది నైవ త్వయా కార్యా త్వం వధిష్యసి రాఘవమ్ || ౨౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే సప్తమః సర్గః || ౭ ||
సంపూర్ణ శ్రీవాల్మీకి రామాయణ యుద్ధకాండ చూడండి
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
