Yuddha Kanda Sarga 7 – யுத்³த⁴காண்ட³ ஸப்தம꞉ ஸர்க³꞉ (7)


॥ ஸசிவோக்தி꞉ ॥

இத்யுக்தா ராக்ஷஸேந்த்³ரேண ராக்ஷஸாஸ்தே மஹாப³லா꞉ ।
ஊசு꞉ ப்ராஞ்ஜலய꞉ ஸர்வே ராவணம் ராக்ஷஸேஶ்வரம் ॥ 1 ॥

த்³விஷத்பக்ஷமவிஜ்ஞாய நீதிபா³ஹ்யாஸ்த்வபு³த்³த⁴ய꞉ ।
அவிஜ்ஞாயாத்மபக்ஷம் ச ராஜாநம் பீ⁴ஷயந்தி ஹி ॥ 2 ॥

ராஜந் பரிக⁴ஶக்த்ய்ருஷ்டிஶூலபட்டிஶஸங்குலம் ।
ஸுமஹந்நோ ப³லம் கஸ்மாத்³விஷாத³ம் ப⁴ஜதே ப⁴வாந் ॥ 3 ॥

த்வயா போ⁴க³வதீம் க³த்வா நிர்ஜிதா꞉ பந்நகா³ யுதி⁴ ।
கைலாஸஶிக²ராவாஸீ யக்ஷைர்ப³ஹுபி⁴ராவ்ருத꞉ ॥ 4 ॥

ஸுமஹத்கத³நம் க்ருத்வா வஶ்யஸ்தே த⁴நத³꞉ க்ருத꞉ ।
ஸ மஹேஶ்வரஸக்²யேந ஶ்லாக⁴மாநஸ்த்வயா விபோ⁴ ॥ 5 ॥

நிர்ஜித꞉ ஸமரே ரோஷால்லோகபாலோ மஹாப³ல꞉ ।
விநிஹத்ய ச யக்ஷௌகா⁴ந் விக்ஷோப்⁴ய ச விக்³ருஹ்ய ச ॥ 6 ॥

த்வயா கைலாஸஶிக²ராத்³விமாநமித³மாஹ்ருதம் ।
மயேந தா³நவேந்த்³ரேண த்வத்³ப⁴யாத்ஸக்²யமிச்ச²தா ॥ 7 ॥

து³ஹிதா தவ பா⁴ர்யார்தே² த³த்தா ராக்ஷஸபுங்க³வ ।
தா³நவேந்த்³ரோ மது⁴ர்நாம வீர்யோத்ஸிக்தோ து³ராஸத³꞉ ॥ 8 ॥

விக்³ருஹ்ய வஶமாநீத꞉ கும்பீ⁴நஸ்யா꞉ ஸுகா²வஹ꞉ ।
நிர்ஜிதாஸ்தே மஹாபா³ஹோ நாகா³ க³த்வா ரஸாதலம் ॥ 9 ॥

வாஸுகிஸ்தக்ஷக꞉ ஶங்கோ² ஜடீ ச வஶமாஹ்ருதா꞉ ।
அக்ஷயா ப³லவந்தஶ்ச ஶூரா லப்³த⁴வரா꞉ புரா ॥ 10 ॥

த்வயா ஸம்வத்ஸரம் யுத்³த்⁴வா ஸமரே தா³நவா விபோ⁴ ।
ஸ்வப³லம் ஸமுபாஶ்ரித்ய நீதா வஶமரிந்த³ம ॥ 11 ॥

மாயாஶ்சாதி⁴க³தாஸ்தத்ர ப³ஹவோ ராக்ஷஸாதி⁴ப ।
நிர்ஜிதா꞉ ஸமரே ரோஷால்லோகபாலா மஹாப³லா꞉ ॥ 12 ॥

தே³வலோகமிதோ க³த்வா ஶக்ரஶ்சாபி விநிர்ஜித꞉ ।
ஶூராஶ்ச ப³லவந்தஶ்ச வருணஸ்ய ஸுதா ரணே ॥ 13 ॥

நிர்ஜிதாஸ்தே மஹாபா³ஹோ சதுர்வித⁴ப³லாநுகா³꞉ ।
ம்ருத்யுத³ண்ட³மஹாக்³ராஹம் ஶால்மலித்³ருமமண்டி³தம் ॥ 14 ॥

காலபாஶமஹாவீசிம் யமகிங்கரபந்நக³ம் ।
அவகா³ஹ்ய த்வயா ராஜந் யமஸ்ய ப³லஸாக³ரம் ॥ 15 ॥

ஜயஶ்ச விபுல꞉ ப்ராப்தோ ம்ருத்யுஶ்ச ப்ரதிஷேதி⁴த꞉ ।
ஸுயுத்³தே⁴ந ச தே ஸர்வே லோகாஸ்தத்ர விளோலிதா꞉ ॥ 16 ॥ [ஸுதோஷிதா꞉]

க்ஷத்ரியைர்ப³ஹுபி⁴ர்வீரை꞉ ஶக்ரதுல்யபராக்ரமை꞉ ।
ஆஸீத்³வஸுமதீ பூர்ணா மஹத்³பி⁴ரிவ பாத³பை꞉ ॥ 17 ॥

தேஷாம் வீர்யகு³ணோத்ஸாஹைர்ந ஸமோ ராக⁴வோ ரணே ।
ப்ரஸஹ்ய தே த்வயா ராஜந் ஹதா꞉ பரமது³ர்ஜயா꞉ ॥ 18 ॥

திஷ்ட² வா கிம் மஹாராஜ ஶ்ரமேண தவ வாநராந் ।
அயமேகோ மஹாபா³ஹுரிந்த்³ரஜித் க்ஷபயிஷ்யதி ॥ 19 ॥

அநேந ஹி மஹாராஜ மாஹேஶ்வரமநுத்தமம் ।
இஷ்ட்வா யஜ்ஞம் வரோ லப்³தோ⁴ லோகே பரமது³ர்லப⁴꞉ ॥ 20 ॥

ஶக்திதோமரமீநம் ச விநிகீர்ணாந்த்ரஶைவலம் ।
க³ஜகச்ச²பஸம்பா³த⁴மஶ்வமண்டூ³கஸங்குலம் ॥ 21 ॥

ருத்³ராதி³த்யமஹாக்³ராஹம் மருத்³வஸுமஹோரக³ம் ।
ரதா²ஶ்வக³ஜதோயௌக⁴ம் பதா³திபுலிநம் மஹத் ॥ 22 ॥

அநேந ஹி ஸமாஸாத்³ய தே³வாநாம் ப³லஸாக³ரம் ।
க்³ருஹீதோ தை³வதபதிர்லங்காம் சாபி ப்ரவேஶித꞉ ॥ 23 ॥

பீதாமஹநியோகா³ச்ச முக்த꞉ ஶம்ப³ரவ்ருத்ரஹா ।
க³தஸ்த்ரிவிஷ்டபம் ராஜந் ஸர்வதே³வநமஸ்க்ருத꞉ ॥ 24 ॥

தமேவ த்வம் மஹாராஜ விஸ்ருஜேந்த்³ரஜிதம் ஸுதம் ।
யாவத்³வாநரஸேநாம் தாம் ஸராமாம் நயதி க்ஷயம் ॥ 25 ॥

ராஜந்நாபத³யுக்தேயமாக³தா ப்ராக்ருதாஜ்ஜநாத் ।
ஹ்ருதி³ நைவ த்வயா கார்யா த்வம் வதி⁴ஷ்யஸி ராக⁴வம் ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஸப்தம꞉ ஸர்க³꞉ ॥ 7 ॥

யுத்³த⁴காண்ட³ அஷ்டம꞉ ஸர்க³꞉ (8) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed