Read in తెలుగు / ಕನ್ನಡ / தமிழ் / देवनागरी / English (IAST)
|| నాగబద్ధరామలక్ష్మణప్రదర్శనమ్ ||
ప్రతిప్రవిష్టే లంకాం తు కృతార్థే రావణాత్మజే |
రాఘవం పరివార్యార్తా రరక్షుర్వానరర్షభాః || ౧ ||
హనుమానంగదో నీలః సుషేణః కుముదో నలః |
గజో గవాక్షో గవయః శరభో గంధమాదనః || ౨ ||
జాంబవానృషభః స్కంధో రంభః శతవలిః పృథుః |
వ్యూఢానీకాశ్చ యత్తాశ్చ ద్రుమానాదాయ సర్వతః || ౩ ||
వీక్షమాణా దిశః సర్వాస్తిర్యగూర్ధ్వం చ వానరాః |
తృణేష్వపి చ చేష్టత్సు రాక్షసా ఇతి మేనిరే || ౪ ||
రావణశ్చాపి సంహృష్టో విసృజ్యేంద్రజితం సుతమ్ |
ఆజుహావ తతః సీతారక్షిణీ రాక్షసీస్తదా || ౫ ||
రాక్షస్యస్త్రిజటా చైవ శాసనాత్సముపస్థితాః |
తా ఉవాచ తతో హృష్టో రాక్షసీ రాక్షసాధిపః || ౬ ||
హతావింద్రజితాఽఽఖ్యాత వైదేహ్యా రామలక్ష్మణౌ |
పుష్పకం చ సమారోప్య దర్శయధ్వం హతౌ రణే || ౭ ||
యదాశ్రయాదవష్టబ్ధా నేయం మాముపతిష్ఠతి |
సోఽస్యా భర్తా సహ భ్రాత్రా నిరస్తో రణమూర్ధని || ౮ ||
నిర్విశంకా నిరుద్విగ్నా నిరపేక్షా చ మైథిలీ |
మాముపస్థాస్యతే సీతా సర్వాభరణభూషితా || ౯ ||
అద్య కాలవశం ప్రాప్తం రణే రామం సలక్ష్మణమ్ |
అవేక్ష్య వినివృత్తాశా నాన్యాం గతిమపశ్యతీ || ౧౦ ||
నిరపేక్షా విశాలాక్షీ మాముపస్థాస్యతే స్వయమ్ |
తస్య తద్వచనం శ్రుత్వా రావణస్య దురాత్మనః || ౧౧ ||
రాక్షస్యస్తాస్తథేత్యుక్త్వా జగ్ముర్వై యత్ర పుష్పకమ్ |
తతః పుష్పకమాదాయ రాక్షస్యో రావణాజ్ఞయా || ౧౨ ||
అశోకవనికాస్థాం తాం మైథిలీం సముపానయన్ |
తామాదాయ తు రాక్షస్యో భర్తృశోకపరాజితామ్ || ౧౩ ||
సీతామారోపయామాసుర్విమానం పుష్పకం తదా |
తతః పుష్పకమారోప్య సీతాం త్రిజటయా సహ || ౧౪ ||
జగ్ముర్దర్శయితుం తస్యై రాక్షస్యో రామలక్ష్మణౌ |
రావణోకారయల్లంకాం పతాకాధ్వజమాలినీమ్ || ౧౫ ||
ప్రాఘోషయత హృష్టశ్చ లంకాయాం రాక్షసేశ్వరః |
రాఘవో లక్ష్మణశ్చైవ హతావింద్రజితా రణే || ౧౬ ||
విమానేనాపి సీతా తు గత్వా త్రిజటయా సహ |
దదర్శ వానరాణాం తు సర్వం సైన్యం నిపాతితమ్ || ౧౭ ||
ప్రహృష్టమనసశ్చాపి దదర్శ పిశితాశనాన్ |
వానరాంశ్చాపి దుఃఖార్తాన్రామలక్ష్మణపార్శ్వతః || ౧౮ ||
తతః సీతా దదర్శోభౌ శయానౌ శరతల్పయోః |
లక్ష్మణం చాపి రామం చ విసంజ్ఞౌ శరపీడితౌ || ౧౯ ||
విధ్వస్తకవచౌ వీరౌ విప్రవిద్ధశరాసనౌ |
సాయకైశ్ఛిన్నసర్వాంగౌ శరస్తంబమయౌ క్షితౌ || ౨౦ ||
తౌ దృష్ట్వా భ్రాతరౌ తత్ర వీరౌ సా పురుషర్షభౌ |
శయానౌ పుండరీకాక్షౌ కుమారావివ పావకీ || ౨౧ ||
శరతల్పగతౌ వీరౌ తథా భూతౌ నరర్షభౌ |
దుఃఖార్తా సుభృశం సీతా సుచిరం విలలాప హ || ౨౨ ||
భర్తారమనవద్యాంగీ లక్ష్మణం చాసితేక్షణా |
ప్రేక్ష్య పాంసుషు వేష్టంతౌ రురోద జనకాత్మజా || ౨౩ ||
సా బాష్పశోకాభిహతా సమీక్ష్య
తౌ భ్రాతరౌ దేవసమప్రభావౌ |
వితర్కయంతీ నిధనం తయోః సా
దుఃఖాన్వితా వాక్యమిదం జగాద || ౨౪ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే సప్తచత్వారింశః సర్గః || ౪౭ ||
యుద్ధకాండ అష్టచత్వారింశః సర్గః (౪౮) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
