Taittiriya Upanishad Bhriguvalli – తైత్తిరీయోపనిషత్ – ౩. భృగువల్లీ


ఓం స॒హ నా॑వవతు | స॒హ నౌ॑ భునక్తు | స॒హ వీ॒ర్య॑o కరవావహై |
తే॒జ॒స్వినా॒వధీ॑తమస్తు॒ మా వి॑ద్విషా॒వహై” |
ఓం శాన్తి॒: శాన్తి॒: శాన్తి॑: ||

(తై.ఆ.౯.౧.౧)

భృగు॒ర్వై వా॑రు॒ణిః | వరు॑ణ॒o పిత॑ర॒ముప॑ససార |
అధీ॑హి భగవో॒ బ్రహ్మేతి॑ | తస్మా॑ ఏ॒తత్ప్రో॑వాచ |
అన్న॑o ప్రా॒ణం చక్షు॒శ్శ్రోత్ర॒o మనో॒ వాచ॒మితి॑ |
తగ్ం హో॑వాచ | యతో॒ వా ఇ॒మాని॒ భూతా॑ని॒ జాయ॑న్తే |
యేన॒ జాతా॑ని॒ జీవ॑న్తి |
యత్ప్రయ॑న్త్య॒భిసంవి॑శన్తి | తద్విజి॑జ్ఞాసస్వ | తద్బ్రహ్మేతి॑ |
స తపో॑ఽతప్యత | స తప॑స్త॒ప్త్వా || ౧ ||

ఇతి ప్రథమోఽనువాకః ||

అన్న॒o బ్రహ్మేతి॒ వ్య॑జానాత్ |
అ॒న్నాద్ధ్యే॑వ ఖల్వి॒మాని॒ భుతా॑ని॒ జాయ॑న్తే |
అన్నే॑న॒ జాతా॑ని॒ జీవ॑న్తి |
అన్న॒o ప్రయ॑న్త్య॒భిసంవి॑శ॒న్తీతి॑ | తద్వి॒జ్ఞాయ॑ |
పున॑రే॒వ వరు॑ణ॒o పిత॑ర॒ముప॑ససార |
అధీ॑హి భగవో॒ బ్రహ్మేతి॑ | తగ్ం హో॑వాచ |
తప॑సా॒ బ్రహ్మ॒ విజి॑జ్ఞాసస్వ | తపో॒ బ్రహ్మేతి॑ |
స తపో॑ఽతప్యత | స తప॑స్త॒ప్త్వా || ౧ ||

ఇతి ద్వితీయోఽనువాకః ||

ప్రా॒ణో బ్ర॒హ్మేతి॒ వ్య॑జానాత్ |
ప్రా॒ణాద్ధ్యే॑వ ఖల్వి॒మాని॒ భూతా॑ని॒ జాయ॑న్తే |
ప్రా॒ణేన॒ జాతా॑ని॒ జీవ॑న్తి |
ప్రా॒ణం ప్రయ॑న్త్య॒భిసంవి॑శ॒న్తీతి॑ | తద్వి॒జ్ఞాయ॑ |
పున॑రే॒వ వరు॑ణ॒o పిత॑ర॒ముప॑ససార |
అధీ॑హి భగవో॒ బ్రహ్మేతి॑ | తగ్ం హో॑వాచ |
తప॑సా॒ బ్రహ్మ॒ విజి॑జ్ఞాసస్వ | తపో॒ బ్రహ్మేతి॑ |
స తపో॑ఽతప్యత | స తప॑స్త॒ప్త్వా || ౧ ||

ఇతి తృతీయోఽనువాకః ||

మనో॒ బ్రహ్మేతి॒ వ్య॑జానాత్ |
మన॑సో॒ హ్యే॑వ ఖల్వి॒మాని॒ భూతా॑ని॒ జాయ॑న్తే |
మన॑సా॒ జాతా॑ని॒ జీవ॑న్తి |
మన॒: ప్రయ॑న్త్య॒భిసంవి॑శ॒న్తీతి॑ | తద్వి॒జ్ఞాయ॑ |
పున॑రే॒వ వరు॑ణ॒o పిత॑ర॒ముప॑ససార |
అధీ॑హి భగవో॒ బ్రహ్మేతి॑ | తగ్ం హో॑వాచ |
తప॑సా॒ బ్రహ్మ॒ విజి॑జ్ఞాసస్వ | తపో॒ బ్రహ్మేతి॑ |
స తపో॑ఽతప్యత | స తప॑స్త॒ప్త్వా || ౧ ||

ఇతి చతుర్థోఽనువాకః ||

వి॒జ్ఞాన॒o బ్రహ్మేతి॒ వ్య॑జానాత్ |
వి॒జ్ఞానా॒ద్ధ్యే॑వ ఖల్వి॒మాని॒ భూతా॑ని॒ జాయ॑న్తే |
వి॒జ్ఞానే॑న॒ జాతా॑ని॒ జీవ॑న్తి |
వి॒జ్ఞాన॒o ప్రయ॑న్త్య॒భిసంవి॑శ॒న్తీతి॑ | తద్వి॒జ్ఞాయ॑ |
పున॑రే॒వ వరు॑ణ॒o పిత॑ర॒ముప॑ససార |
అధీ॑హి భగవో॒ బ్రహ్మేతి॑ | తగ్ం హో॑వాచ |
తప॑సా॒ బ్రహ్మ॒ విజి॑జ్ఞాసస్వ | తపో॒ బ్రహ్మేతి॑ |
స తపో॑ఽతప్యత | స తప॑స్త॒ప్త్వా || ౧ ||

ఇతి పఞ్చమోఽనువాకః ||

ఆ॒న॒న్దో బ్ర॒హ్మేతి॒ వ్య॑జానాత్ |
ఆ॒నన్దా॒ద్ధ్యే॑వ ఖల్వి॒మాని॒ భూతా॑ని॒ జాయ॑న్తే |
ఆ॒న॒న్దేన॒ జాతా॑ని॒ జీవ॑న్తి |
ఆ॒న॒న్దం ప్రయ॑న్త్య॒భిసంవి॑శ॒న్తీతి॑ |
సైషా భా”ర్గ॒వీ వా॑రు॒ణీ వి॒ద్యా | ప॒ర॒మే వ్యో॑మ॒న్ప్రతి॑ష్ఠితా |
స య ఏ॒వం వేద॒ ప్రతి॑తిష్ఠతి | అన్న॑వానన్నా॒దో భ॑వతి |
మ॒హాన్భ॑వతి ప్ర॒జయా॑ ప॒శుభి॑ర్బ్రహ్మవర్చ॒సేన॑ |
మ॒హాన్కీ॒ర్త్యా || ౧ ||

ఇతి షష్ఠోఽనువాకః ||

అన్న॒o న ని॑న్ద్యాత్ | తద్వ్ర॒తమ్ | ప్రా॒ణో వా అన్నమ్” |
శరీ॑రమన్నా॒దమ్ | ప్రా॒ణే శరీ॑ర॒o ప్రతి॑ష్ఠితమ్ |
శరీ॑రే ప్రా॒ణః ప్రతి॑ష్ఠితః | తదే॒తదన్న॒మన్నే॒ ప్రతి॑ష్ఠితమ్ |
స య ఏ॒తదన్న॒మన్నే॒ ప్రతి॑ష్ఠిత॒o వేద॒ ప్రతి॑తిష్ఠతి |
అన్న॑వానన్నా॒దో భ॑వతి |
మ॒హాన్భ॑వతి ప్ర॒జయా॑ ప॒శుభి॑ర్బ్రహ్మవర్చ॒సేన॑ | మ॒హాన్కీ॒ర్త్యా || ౧ ||

ఇతి సప్తమోఽనువాకః ||

అన్న॒o న పరి॑చక్షీత | తద్వ్ర॒తమ్ | ఆపో॒ వా అన్నమ్” |
జ్యోతి॑రన్నా॒దమ్ | అ॒ప్సు జ్యోతి॒: ప్రతి॑ష్ఠితమ్ |
జ్యోతి॒ష్యాప॒: ప్రతి॑ష్ఠితాః | తదే॒తదన్న॒మన్నే॒ ప్రతి॑ష్ఠితమ్ |
స య ఏ॒తదన్న॒మన్నే॒ ప్రతి॑ష్ఠిత॒o వేద॒ ప్రతి॑తిష్ఠతి |
అన్న॑వానన్నా॒దో భ॑వతి |
మహా॒న్భ॑వతి ప్ర॒జయా॑ ప॒శుభి॑ర్బ్రహ్మవర్చ॒సేన॑ |
మ॒హాన్కీ॒ర్త్యా || ౧ ||

ఇత్యష్టమోఽనువాకః ||

అన్న॑o బ॒హు కు॑ర్వీత | తద్వ్ర॒తమ్ | పృ॒థి॒వీ వా అన్నమ్” |
ఆ॒కా॒శో”ఽన్నా॒దః | పృ॒థి॒వ్యామా॑కా॒శః ప్రతి॑ష్ఠితః |
ఆ॒కా॒శే పృ॑థి॒వీ ప్రతి॑ష్ఠితా |
తదే॒తదన్న॒మన్నే॒ ప్రతి॑ష్ఠితమ్ |
స య ఏ॒తదన్న॒మన్నే॒ ప్రతి॑ష్ఠిత॒o వేద॒ ప్రతి॑తిష్ఠతి |
అన్న॑వానన్నా॒దో భ॑వతి |
మ॒హాన్భ॑వతి ప్ర॒జయా॑ ప॒శుభి॑ర్బ్రహ్మవర్చ॒సేన॑ |
మ॒హాన్కీ॒ర్త్యా || ౧ ||

ఇతి నవమోఽనువాకః ||

న కఞ్చన వసతౌ ప్రత్యా॑చక్షీ॒త | తద్వ్ర॒తమ్ |
తస్మాద్యయా కయా చ విధయా బహ్వ॑న్నం ప్రా॒ప్నుయాత్ |
అరాధ్యస్మా అన్నమి॑త్యాచ॒క్షతే |
ఏతద్వై ముఖతో”ఽన్నగ్ం రా॒ద్ధమ్ |
ముఖతోఽస్మా అ॑న్నగ్ం రా॒ధ్యతే |
ఏతద్వై మధ్యతో”ఽన్నగ్ం రా॒ద్ధమ్ |
మధ్యతోఽస్మా అ॑న్నగ్ం రా॒ధ్యతే |
ఏతద్వా అన్తతో”ఽన్నగ్ం రా॒ద్ధమ్ |
అన్తతోఽస్మా అ॑న్నగ్ం రా॒ధ్యతే || ౧ ||

య ఏ॑వం వే॒ద | క్షేమ ఇ॑తి వా॒చి |
యోగక్షేమ ఇతి ప్రా॑ణాపా॒నయోః |
కర్మే॑తి హ॒స్తయోః | గతిరి॑తి పా॒దయోః | విముక్తిరి॑తి పా॒యౌ |
ఇతి మానుషీ”స్సమా॒జ్ఞాః | అథ దై॒వీః | తృప్తిరి॑తి వృ॒ష్టౌ |
బలమి॑తి వి॒ద్యుతి || ౨ ||

యశ ఇ॑తి ప॒శుషు | జ్యోతిరితి న॑క్షత్రే॒షు |
ప్రజాతిరమృతమానన్ద ఇ॑త్యుప॒స్థే | సర్వమి॑త్యాకా॒శే |
తత్ప్రతిష్ఠేత్యు॑పాసీ॒త | ప్రతిష్ఠా॑వాన్భ॒వతి |
తన్మహ ఇత్యు॑పాసీ॒త | మ॑హాన్భ॒వతి | తన్మన ఇత్యు॑పాసీ॒త |
మాన॑వాన్భ॒వతి || ౩ ||

తన్నమ ఇత్యు॑పాసీ॒త | నమ్యన్తే”ఽస్మై కా॒మాః |
తద్బ్రహ్మేత్యు॑పాసీ॒త | బ్రహ్మ॑వాన్భ॒వతి |
తద్బ్రహ్మణః పరిమర ఇత్యు॑పాసీ॒త |
పర్యేణం మ్రియన్తే ద్విషన్త॑స్సప॒త్నాః |
పరి యే”ఽప్రియా” భ్రాతృ॒వ్యాః |
స యశ్చా॑యం పు॒రుషే | యశ్చాసా॑వాది॒త్యే | స ఏక॑: || ౪ ||

స య॑ ఏవ॒o విత్ | అస్మాల్లో॑కాత్ప్రే॒త్య |
ఏతమన్నమయమాత్మానముప॑సఙ్క్ర॒మ్య |
ఏతం ప్రాణమయమాత్మానముప॑సఙ్క్ర॒మ్య |
ఏతం మనోమయమాత్మానముప॑సఙ్క్ర॒మ్య |
ఏతం విజ్ఞానమయమాత్మానముప॑సఙ్క్ర॒మ్య |
ఏతమానన్దమయమాత్మానముప॑సఙ్క్ర॒మ్య |
ఇమాఁల్లోకన్కామాన్నీ కామరూప్య॑నుస॒ఞ్చరన్ |
ఏతథ్సామ గా॑యన్నా॒స్తే | హా ౩ వు॒ హా ౩ వు॒ హా ౩ వు॑ || ౫ ||

అ॒హమన్నమ॒హమన్నమ॒హమన్నమ్ |
అ॒హమన్నా॒దోఽ॒౩హమన్నా॒దోఽ॒౩అహమన్నా॒దః |
అ॒హగ్గ్ శ్లోక॒కృద॒హగ్గ్ శ్లోక॒కృద॒హగ్గ్ శ్లోక॒కృత్ |
అ॒హమస్మి ప్రథమజా ఋతా౩స్య॒ |
పూర్వం దేవేభ్యో అమృతస్య నా౩భా॒యి॒ |
యో మా దదాతి స ఇదేవ మా౩వా॒: |
అ॒హమన్న॒మన్న॑మ॒దన్త॒మా౩ద్మి॒ |
అహ॒o విశ్వ॒o భువ॑న॒మభ్య॑భ॒వామ్ |
సువ॒ర్న జ్యోతీ”: | య ఏ॒వం వేద॑ | ఇత్యు॑ప॒నిష॑త్ || ౬ ||

ఇతి దశమోఽనువాకః ||

|| ఇతి భృగువల్లీ సమాప్తా ||

ఓం స॒హ నా॑వవతు | స॒హ నౌ॑ భునక్తు | స॒హ వీ॒ర్య॑o కరవావహై |
తే॒జ॒స్వినా॒వధీ॑తమస్తు॒ మా వి॑ద్విషా॒వహై” |
ఓం శాన్తి॒: శాన్తి॒: శాన్తి॑: ||


మరిన్ని వేదసూక్తములు చూడండి.

Report mistakes and corrections in Stotranidhi content.

Facebook Comments
error: Not allowed
%d bloggers like this: