Read in తెలుగు / ಕನ್ನಡ / தமிழ் / देवनागरी / English (IAST)
|| పుష్పకానువర్ణనమ్ ||
స తస్య మధ్యే భవనస్య సంస్థితం
మహద్విమానం బహురత్నచిత్రితమ్ | [మణివజ్ర]
ప్రతప్తజాంబూనదజాలకృత్రిమం
దదర్శ వీరః పవనాత్మజః కపిః || ౧ ||
తదప్రమేయాప్రతికారకృత్రిమం
కృతం స్వయం సాధ్వితి విశ్వకర్మణా |
దివం గతం వాయుపథే ప్రతిష్ఠితం
వ్యరాజతాదిత్యపథస్య లక్ష్మవత్ || ౨ ||
న తత్ర కించిన్న కృతం ప్రయత్నతో
న తత్ర కించిన్న మహర్హరత్నవత్ |
న తే విశేషా నియతాః సురేష్వపి
న తత్ర కించిన్న మహావిశేషవత్ || ౩ ||
తపఃసమాధానపరాక్రమార్జితం
మనఃసమాధానవిచారచారిణమ్ |
అనేకసంస్థానవిశేషనిర్మితం
తతస్తతస్తుల్యవిశేషదర్శనమ్ || ౪ ||
మనః సమాధాయ తు శీఘ్రగామినం
దురావరం మారుతతుల్యగామినమ్ |
మహాత్మనాం పుణ్యకృతాం మహర్ధినాం
యశస్వినామగ్ర్యముదామివాలయమ్ || ౫ ||
విశేషమాలంబ్య విశేషసంస్థితం
విచిత్రకూటం బహుకూటమండితమ్ |
మనోభిరామం శరదిందునిర్మలం
విచిత్రకూటం శిఖరం గిరేర్యథా || ౬ ||
వహంతి యం కుండలశోభితాననా
మహాశనా వ్యోమచరా నిశాచరాః |
వివృత్తవిధ్వస్తవిశాలలోచనా
మహాజవా భూతగణాః సహస్రశః || ౭ ||
వసంతపుష్పోత్కరచారుదర్శనం
వసంతమాసాదపి కాంతదర్శనమ్ |
స పుష్పకం తత్ర విమానముత్తమం
దదర్శ తద్వానరవీరసత్తమః || ౮ ||
ఇత్యార్షే శ్రీమద్రామాయణే వాల్మీకీయే ఆదికావ్యే సుందరకాండే అష్టమః సర్గః || ౮ ||
సంపూర్ణ వాల్మీకి సుందరకాండ చూడండి.
Hyd Book Exhibition: స్తోత్రనిధి బుక్ స్టాల్ 37th Hyderabad Book Fair లో ఉంటుంది. 19-Dec-2024 నుండి 29-Dec-2024 వరకు Kaloji Kalakshetram (NTR Stadium), Hyderabad వద్ద నిర్వహించబడుతుంది. దయచేసి గమనించగలరు.
గమనిక: "శ్రీ కృష్ణ స్తోత్రనిధి" విడుదల చేశాము. Click here to buy. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము. మా తదుపరి ప్రచురణ: "శ్రీ ఆంజనేయ స్తోత్రనిధి" .
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
