Sri Venkateshwara Mangalashasanam – శ్రీ వేంకటేశ్వర మంగళాశాసనం

స్తోత్రనిధి → శ్రీ వేంకటేశ్వర స్తోత్రాలు → శ్రీ వేంకటేశ్వర మంగళాశాసనం

[గమనిక: ఈ స్తోత్రము “శ్రీ వేంకటేశ్వర స్తోత్రనిధి” పారాయణ గ్రంథములో లో కూడా ఉన్నది. Click here to buy.]

<< శ్రీ వేంకటేశ్వర ప్రపత్తి

శ్రియః కాంతాయ కళ్యాణనిధయే నిధయేఽర్థినామ్ |
శ్రీవేంకటనివాసాయ శ్రీనివాసాయ మంగళమ్ || ౧ ||

లక్ష్మీ సవిభ్రమాలోకసుభ్రూవిభ్రమచక్షుషే |
చక్షుషే సర్వలోకానాం వేంకటేశాయ మంగళమ్ || ౨ ||

శ్రీవేంకటాద్రిశృంగాగ్ర మంగళాభరణాంఘ్రయే |
మంగళానాం నివాసాయ వేంకటేశాయ మంగళమ్ || ౩ ||[శ్రీనివాసాయ]

సర్వావయవసౌందర్యసంపదా సర్వచేతసామ్ |
సదా సమ్మోహనాయాస్తు వేంకటేశాయ మంగళమ్ || ౪ ||

నిత్యాయ నిరవద్యాయ సత్యానందచిదాత్మనే |
సర్వాంతరాత్మనే శ్రీమద్వేంకటేశాయ మంగళమ్ || ౫ ||

స్వతస్సర్వవిదే సర్వశక్తయే సర్వశేషిణే |
సులభాయ సుశీలాయ వేంకటేశాయ మంగళమ్ || ౬ ||

పరస్మై బ్రహ్మణే పూర్ణకామాయ పరమాత్మనే |
ప్రయుంజే పరతత్త్వాయ వేంకటేశాయ మంగళమ్ || ౭ ||

ఆకాలతత్త్వమశ్రాంతమాత్మనామనుపశ్యతామ్ |
అతృప్త్యమృతరూపాయ వేంకటేశాయ మంగళమ్ || ౮ ||

ప్రాయస్స్వచరణౌ పుంసాం శరణ్యత్వేన పాణినా |
కృపయాఽఽదిశతే శ్రీమద్వేంకటేశాయ మంగళమ్ || ౯ ||

దయామృతతరంగిణ్యాస్తరంగైరివ శీతలైః |
అపాంగైః సించతే విశ్వం వేంకటేశాయ మంగళమ్ || ౧౦ ||

స్రగ్భూషాంబరహేతీనాం సుషమావహమూర్తయే |
సర్వార్తిశమనాయాస్తు వేంకటేశాయ మంగళమ్ || ౧౧ ||

శ్రీవైకుంఠవిరక్తాయ స్వామిపుష్కరిణీతటే |
రమయా రమమాణాయ వేంకటేశాయ మంగళమ్ || ౧౨ ||

శ్రీమత్సుందరజామాతృమునిమానసవాసినే |
సర్వలోకనివాసాయ శ్రీనివాసాయ మంగళమ్ || ౧౩ ||

మంగళాశాసనపరైర్మదాచార్యపురోగమైః |
సర్వైశ్చ పూర్వైరాచార్యైః సత్కృతాయాస్తు మంగళమ్ || ౧౪ ||

ఇతి శ్రీ వేంకటేశ మంగళాశాసనమ్ |

---

గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ వేంకటేశ్వర స్తోత్రనిధి

(నిత్య పారాయణ గ్రంథము)

Click here to buy

---

మరిన్ని శ్రీ వేంకటేశ్వర స్తోత్రాలు చూడండి.

Did you see any mistake/variation in the content above? Click here to report mistakes and corrections in Stotranidhi content.