Sri Srinivasa Taravali – శ్రీ శ్రీనివాస తారావళీ (శ్రీదేవశర్మ కృతం)

శ్రీవేంకటేశం లక్ష్మీశమనిష్టఘ్నమభీష్టదం |
చతుర్ముఖాఖ్యతనయం శ్రీనివాసం భజేఽనిశమ్ || ౧ ||

యదపాంగలవేనైవ బ్రహ్మాద్యాః స్వపదం యయుః |
మహారాజాధిరాజం తం శ్రీనివాసం భజేఽనిశమ్ || ౨ ||

అనంతవేదసంవేద్యం నిర్దోషం గుణసాగరమ్ |
అతీంద్రియం నిత్యముక్తం శ్రీనివాసం భజేఽనిశమ్ || ౩ ||

స్మరణాత్సర్వపాపఘ్నం స్తవనాదిష్టవర్షిణమ్ |
దర్శనాత్ ముక్తిదం చేశం శ్రీనివాసం భజేఽనిశమ్ || ౪ ||

అశేషశయనం శేషశయనం శేషశాయినం |
శేషాద్రీశమశేషం చ శ్రీనివాసం భజేఽనిశమ్ || ౫ ||

భక్తానుగ్రాహకం విష్ణుం సుశాంతం గరుడధ్వజం |
ప్రసన్నవక్త్రనయనం శ్రీనివాసం భజేఽనిశమ్ || ౬ ||

భక్తభక్తిసుపాశేన-బద్ధసత్పాదపంకజం |
సనకాదిధ్యానగమ్యం శ్రీనివాసం భజేఽనిశమ్ || ౭ ||

గంగాదితీర్థజనకపాదపద్మం సుతారకమ్ |
శంఖచక్రాఽభయవరం శ్రీనివాసం భజేఽనిశమ్ || ౮ ||

సువర్ణముఖితీరస్థం సువర్ణేడ్యం సువర్ణదం |
సువర్ణాభం సువర్ణాంగం శ్రీనివాసం భజేఽనిశమ్ || ౯ ||

శ్రీవత్సవక్షసం శ్రీశం శ్రీలోలం శ్రీకరగ్రహం |
శ్రీమంతం శ్రీనిధిం శ్రీడ్యం శ్రీనివాసం భజేఽనిశమ్ || ౧౦ ||

వైకుంఠవాసం వైకుంఠత్యాగం వైకుంఠసోదరం |
వైకుంఠదం వికుంఠాజం శ్రీనివాసం భజేఽనిశమ్ || ౧౧ ||

(దశావతారస్తుతిః)

వేదోద్ధారం మత్స్యరూపం స్వచ్ఛాకారం యదృచ్ఛయా |
సత్యవ్రతోద్ధారం సత్యం శ్రీనివాసం భజేఽనిశమ్ || ౧౨ ||

మహాగాధ జలాధారం కచ్ఛపం మందరోద్ధరం |
సుందరాంగం చ గోవిందం శ్రీనివాసం భజేఽనిశమ్ || ౧౩ ||

వరం శ్వేతవరాహాఖ్యం సంహారం ధరణీధరం |
స్వదంష్ట్రాభ్యాం ధరోద్ధారం శ్రీనివాసం భజేఽనిశమ్ || ౧౪ ||

ప్రహ్లాదాహ్లాదకం లక్ష్మీనృసింహం భక్తవత్సలమ్ |
దైత్యమత్తేభదమనం శ్రీనివాసం భజేఽనిశమ్ || ౧౫ ||

[*నమస్తే వాసుదేవాయ నమః సంకర్షణాయ చ |
వామనాయ నమస్తుభ్యం శ్రీనివాస స్వరూపిణే ||*]

వామనం వామనం పూర్ణకామం భానవమాణవం |
మాయినం బలిసంమోహం శ్రీనివాసం భజేఽనిశమ్ || ౧౬ ||

చంద్రాననం కుందదంతం కురాజఘ్నం కుఠారిణం |
సుకుమారం భృగుఋషేః శ్రీనివాసం భజేఽనిశమ్ || ౧౭ ||

శ్రీరామం దశదిగ్వ్యాప్తం దశేంద్రియనియామకం |
దశాస్యఘ్నం దాశరథిం శ్రీనివాసం భజేఽనిశమ్ || ౧౮ ||

గోవర్ధనోద్ధరం బాలం వాసుదేవం యదూత్తమం |
దేవకీతనయం కృష్ణం శ్రీనివాసం భజేఽనిశమ్ || ౧౯ ||

నందనందనమానందం ఇంద్రనీలం నిరంజనం |
శ్రీయశోదాయశోదం చ శ్రీనివాసం భజేఽనిశమ్ || ౨౦ ||

గోబృందావనగం బృందావనగం గోకులాధిపం |
ఉరుగాయం జగన్మోహం శ్రీనివాసం భజేఽనిశమ్ || ౨౧ ||

పారిజాతహరం పాపహరం గోపీమనోహరం |
గోపీవస్త్రహరం గోపం శ్రీనివాసం భజేఽనిశమ్ || ౨౨ ||

కంసాంతకం శంసనీయం సశాంతం సంసృతిచ్ఛిదం |
సంశయచ్ఛేదిసంవేద్యం శ్రీనివాసం భజేఽనిశమ్ || ౨౩ ||

కృష్ణాపతిం కృష్ణగురుం కృష్ణామిత్రమభీష్టదం |
కృష్ణాత్మకం కృష్ణసఖం శ్రీనివాసం భజేఽనిశమ్ || ౨౪ ||

కృష్ణాఽహిమర్దనం గోపైః కృష్ణోపవనలోలుపం |
కృష్ణాతాతం మహోత్కృష్టం శ్రీనివాసం భజేఽనిశమ్ || ౨౫ ||

బుద్ధం సుబోధం దుర్బోధం బోధాత్మానం బుధప్రియం |
విబుధేశం బుధైర్బోధ్యం శ్రీనివాసం భజేఽనిశమ్ || ౨౬ ||

కల్కినం తురగారూఢం కలికల్మషనాశనం |
కళ్యాణదం కలిఘ్నం చ శ్రీనివాసం భజేఽనిశమ్ || ౨౭ ||

శ్రీవేంకటేశం మత్స్వామిన్ జ్ఞానానంద దయానిధే |
భక్తవత్సల భో విశ్వకుటుంబిన్నధునాఽవ మామ్ || ౨౮ ||

అనంత వేదసంవేద్య లక్ష్మీనాథాండకారణ |
జ్ఞానానందైశ్వర్యపూర్ణ నమస్తే కరుణాకర || ౨౯ ||

ఇతి శ్రీ దేవశర్మ కృత శ్రీ శ్రీనివాస తారావళీ |


మరిన్ని శ్రీ వేంకటేశ్వర స్తోత్రాలు  చూడండి.

Facebook Comments

You may also like...

స్పందించండి

మీ ఈమెయిలు చిరునామా ప్రచురించబడదు. తప్పనిసరి ఖాళీలు *‌తో గుర్తించబడ్డాయి

error: Not allowed
%d bloggers like this: