Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సుబ్రహ్మణ్య స్తోత్రనిధి” పారాయణ గ్రంథములో కూడా ఉన్నది. Click here to buy.]
వామదేవ ఉవాచ |
ఓం నమః ప్రణవార్థాయ ప్రణవార్థవిధాయినే |
ప్రణవాక్షరబీజాయ ప్రణవాయ నమో నమః || ౧ ||
వేదాంతార్థస్వరూపాయ వేదాంతార్థవిధాయినే |
వేదాంతార్థవిదే నిత్యం విదితాయ నమో నమః || ౨ ||
నమో గుహాయ భూతానాం గుహాసు నిహితాయ చ |
గుహ్యాయ గుహ్యరూపాయ గుహ్యాగమవిదే నమః || ౩ ||
అణోరణీయసే తుభ్యం మహతోఽపి మహీయసే |
నమః పరావరజ్ఞాయ పరమాత్మస్వరూపిణే || ౪ ||
స్కందాయ స్కందరూపాయ మిహిరారుణతేజసే |
నమో మందారమాలోద్యన్ముకుటాదిభృతే సదా || ౫ ||
శివశిష్యాయ పుత్రాయ శివస్య శివదాయినే |
శివప్రియాయ శివయోరానందనిధయే నమ || ౬ ||
గాంగేయాయ నమస్తుభ్యం కార్తికేయాయ ధీమతే |
ఉమాపుత్రాయ మహతే శరకాననశాయినే || ౭ ||
షడక్షరశరీరాయ షడ్విధార్థవిధాయినే |
షడధ్వాతీతరూపాయ షణ్ముఖాయ నమో నమః || ౮ ||
ద్వాదశాయతనేత్రాయ ద్వాదశోద్యతబాహవే |
ద్వాదశాయుధధారాయ ద్వాదశాత్మన్నమోఽస్తు తే || ౯ ||
చతుర్భుజాయ శాంతాయ శక్తికుక్కుటధారిణే |
వరదాయ విహస్తాయ నమోఽసురవిదారిణే || ౧౦ ||
గజావల్లీకుచాలిప్తకుంకుమాంకితవక్షసే |
నమో గజాననానందమహిమానందితాత్మనే || ౧౧ ||
బ్రహ్మాదిదేవమునికిన్నరగీయమాన-
-గాథావిశేషశుచిచింతితకీర్తిధామ్నే |
బృందారకామలకిరీటవిభూషణస్ర-
-క్పూజ్యాభిరామపదపంకజ తే నమోఽస్తు || ౧౨ ||
ఇతి స్కందస్తవం దివ్యం వామదేవేన భాషితమ్ |
యః పఠేచ్ఛృణుయాద్వాపి స యాతి పరమాం గతిమ్ || ౧౩ ||
మహాప్రజ్ఞాకరం హ్యేతచ్ఛివభక్తివివర్ధనమ్ |
ఆయురారోగ్యధనకృత్సర్వకామప్రదం సదా || ౧౪ ||
ఇతి శ్రీశివమహాపురాణే కైలాససంహితాయాం ఏకాదశోఽధ్యాయే వామదేవకృత స్కందస్తవమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సుబ్రహ్మణ్య స్తోత్రనిధి
(నిత్య పారాయణ గ్రంథము)
See Details – Click here to buy
మరిన్ని శ్రీ సుబ్రహ్మణ్య స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
