Read in తెలుగు / ಕನ್ನಡ / தமிழ் / देवनागरी / English (IAST)
vāmadēva uvāca |
ōṁ namaḥ praṇavārthāya praṇavārthavidhāyinē |
praṇavākṣarabījāya praṇavāya namō namaḥ || 1 ||
vēdāntārthasvarūpāya vēdāntārthavidhāyinē |
vēdāntārthavidē nityaṁ viditāya namō namaḥ || 2 ||
namō guhāya bhūtānāṁ guhāsu nihitāya ca |
guhyāya guhyarūpāya guhyāgamavidē namaḥ || 3 ||
aṇōraṇīyasē tubhyaṁ mahatō:’pi mahīyasē |
namaḥ parāvarajñāya paramātmasvarūpiṇē || 4 ||
skandāya skandarūpāya mihirāruṇatējasē |
namō mandāramālōdyanmukuṭādibhr̥tē sadā || 5 ||
śivaśiṣyāya putrāya śivasya śivadāyinē |
śivapriyāya śivayōrānandanidhayē nama || 6 ||
gāṅgēyāya namastubhyaṁ kārtikēyāya dhīmatē |
umāputrāya mahatē śarakānanaśāyinē || 7 ||
ṣaḍakṣaraśarīrāya ṣaḍvidhārthavidhāyinē |
ṣaḍadhvātītarūpāya ṣaṇmukhāya namō namaḥ || 8 ||
dvādaśāyatanētrāya dvādaśōdyatabāhavē |
dvādaśāyudhadhārāya dvādaśātmannamō:’stu tē || 9 ||
caturbhujāya śāntāya śaktikukkuṭadhāriṇē |
varadāya vihastāya namō:’suravidāriṇē || 10 ||
gajāvallīkucāliptakuṅkumāṅkitavakṣasē |
namō gajānanānandamahimānanditātmanē || 11 ||
brahmādidēvamunikinnaragīyamāna-
-gāthāviśēṣaśucicintitakīrtidhāmnē |
br̥ndārakāmalakirīṭavibhūṣaṇasra-
-kpūjyābhirāmapadapaṅkaja tē namō:’stu || 12 ||
iti skandastavaṁ divyaṁ vāmadēvēna bhāṣitam |
yaḥ paṭhēcchr̥ṇuyādvāpi sa yāti paramāṁ gatim || 13 ||
mahāprajñākaraṁ hyētacchivabhaktivivardhanam |
āyurārōgyadhanakr̥tsarvakāmapradaṁ sadā || 14 ||
iti śrīśivamahāpurāṇē kailāsasaṁhitāyāṁ ēkādaśō:’dhyāyē vāmadēvakr̥ta skandastavam |
See more śrī subrahmaṇya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
