Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సుబ్రహ్మణ్య స్తోత్రనిధి” పారాయణ గ్రంథములో కూడా ఉన్నది. Click here to buy.]
గిరితనయాసుత గాంగపయోదిత గంధసువాసిత బాలతనో
గుణగణభూషణ కోమలభాషణ క్రౌంచవిదారణ కుందతనో |
గజముఖసోదర దుర్జయదానవసంఘవినాశక దివ్యతనో
జయ జయ హే గుహ షణ్ముఖ సుందర దేహి రతిం తవ పాదయుగే || ౧ ||
ప్రతిగిరిసంస్థిత భక్తహృదిస్థిత పుత్రధనప్రద రమ్యతనో
భవభయమోచక భాగ్యవిధాయక భూసుతవార సుపూజ్యతనో |
బహుభుజశోభిత బంధవిమోచక బోధఫలప్రద బోధతనో
జయ జయ హే గుహ షణ్ముఖ సుందర దేహి రతిం తవ పాదయుగే || ౨ ||
శమధనమానిత మౌనిహృదాలయ మోక్షకృదాలయ ముగ్ధతనో
శతమఖపాలక శంకరతోషక శంఖసువాదక శక్తితనో |
దశశతమన్మథ సన్నిభసుందర కుండలమండిత కర్ణవిభో
జయ జయ హే గుహ షణ్ముఖ సుందర దేహి రతిం తవ పాదయుగే || ౩ ||
గుహ తరుణారుణచేలపరిష్కృత తారకమారక మారతనో
జలనిధితీరసుశోభివరాలయ శంకరసన్నుత దేవగురో |
విహితమహాధ్వరసామనిమంత్రిత సౌమ్యహృదంతర సోమతనో
జయ జయ హే గుహ షణ్ముఖ సుందర దేహి రతిం తవ పాదయుగే || ౪ ||
లవలికయా సహ కేలికలాపర దేవసుతార్పిత మాల్యతనో
గురుపదసంస్థిత శంకరదర్శిత తత్త్వమయప్రణవార్థవిభో |
విధిహరిపూజిత బ్రహ్మసుతార్పిత భాగ్యసుపూరక యోగితనో
జయ జయ హే గుహ షణ్ముఖ సుందర దేహి రతిం తవ పాదయుగే || ౫ ||
కలిజనపాలన కంజసులోచన కుక్కుటకేతన కేలితనో
కృతబలిపాలన బర్హిణవాహన ఫాలవిలోచనశంభుతనో |
శరవణసంభవ శత్రునిబర్హణ చంద్రసమానన శర్మతనో
జయ జయ హే గుహ షణ్ముఖ సుందర దేహి రతిం తవ పాదయుగే || ౬ ||
సుఖదమనంతపదాన్విత రామసుదీక్షిత సత్కవిపద్యమిదం
శరవణ సంభవ తోషదమిష్టదమష్టసుసిద్ధిదమార్తిహరమ్ |
పఠతి శృణోతి చ భక్తియుతో యది భాగ్యసమృద్ధిమథో లభతే
జయ జయ హే గుహ షణ్ముఖ సుందర దేహి రతిం తవ పాదయుగే || ౭ ||
ఇతి శ్రీఅనంతరామదీక్షిత కృతం షణ్ముఖ షట్కమ్ ||
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సుబ్రహ్మణ్య స్తోత్రనిధి
(నిత్య పారాయణ గ్రంథము)
See Details – Click here to buy
మరిన్ని శ్రీ సుబ్రహ్మణ్య స్తోత్రాలు చూడండి.
గమనిక: :"శ్రీ నరసింహ స్తోత్రనిధి" పుస్తకము అందుబాటులో ఉంది. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
