Read in తెలుగు / ಕನ್ನಡ / தமிழ் / देवनागरी / English (IAST)
నారాయణాయ సురమండనమండనాయ
నారాయణాయ సకలస్థితికారణాయ |
నారాయణాయ భవభీతినివారణాయ
నారాయణాయ ప్రభవాయ నమో నమస్తే || ౧ ||
నారాయణాయ శతచంద్రనిభాననాయ
నారాయణాయ మణికుండలధారణాయ |
నారాయణాయ నిజభక్తపరాయణాయ
నారాయణాయ సుభగాయ నమో నమస్తే || ౨ ||
నారాయణాయ సురలోకప్రపోషకాయ
నారాయణాయ ఖలదుష్టవినాశకాయ |
నారాయణాయ దితిపుత్రవిమర్దనాయ
నారాయణాయ సులభాయ నమో నమస్తే || ౩ ||
నారాయణాయ రవిమండలసంస్థితాయ
నారాయణాయ పరమార్థప్రదర్శనాయ |
నారాయణాయ అతులాయ అతీంద్రియాయ
నారాయణాయ విరజాయ నమో నమస్తే || ౪ ||
నారాయణాయ రమణాయ రమావరాయ
నారాయణాయ రసికాయ రసోత్సుకాయ |
నారాయణాయ రజోవర్జితనిర్మలాయ
నారాయణాయ వరదాయ నమో నమస్తే || ౫ ||
నారాయణాయ వరదాయ మురోత్తమాయ
నారాయణాయ అఖిలాంతరసంస్థితాయ |
నారాయణాయ భయశోకవివర్జితాయ
నారాయణాయ ప్రబలాయ నమో నమస్తే || ౬ ||
నారాయణాయ నిగమాయ నిరంజనాయ
నారాయణాయ చ హరాయ నరోత్తమాయ |
నారాయణాయ కటిసూత్రవిభూషణాయ
నారాయణాయ హరయే మహతే నమస్తే || ౭ ||
నారాయణాయ కటకాంగదభూషణాయ
నారాయణాయ మణికౌస్తుభశోభనాయ |
నారాయణాయ తులమౌక్తికభూషణాయ
నారాయణాయ చ యమాయ నమో నమస్తే || ౮ ||
నారాయణాయ రవికోటిప్రతాపనాయ
నారాయణాయ శశికోటిసుశీతలాయ |
నారాయణాయ యమకోటిదురాసదాయ
నారాయణాయ కరుణాయ నమో నమస్తే || ౯ ||
నారాయణాయ ముకుటోజ్జ్వలసోజ్జ్వలాయ
నారాయణాయ మణినూపురభూషణాయ |
నారాయణాయ జ్వలితాగ్నిశిఖప్రభాయ
నారాయణాయ హరయే గురవే నమస్తే || ౧౦ ||
నారాయణాయ దశకంఠవిమర్దనాయ
నారాయణాయ వినతాత్మజవాహనాయ |
నారాయణాయ మణికౌస్తుభభూషణాయ
నారాయణాయ పరమాయ నమో నమస్తే || ౧౧ ||
నారాయణాయ విదురాయ చ మాధవాయ
నారాయణాయ కమఠాయ మహీధరాయ |
నారాయణాయ ఉరగాధిపమంచకాయ
నారాయణాయ విరజాపతయే నమస్తే || ౧౨ ||
నారాయణాయ రవికోటిసమాంబరాయ
నారాయణాయ చ హరాయ మనోహరాయ |
నారాయణాయ నిజధర్మప్రతిష్ఠితాయ
నారాయణాయ చ మఖాయ నమో నమస్తే || ౧౩ ||
నారాయణాయ భవరోగరసాయనాయ
నారాయణాయ శివచాపప్రతోటనాయ |
నారాయణాయ నిజవానరజీవనాయ
నారాయణాయ సుభుజాయ నమో నమస్తే || ౧౪ ||
నారాయణాయ సురథాయ సుహృచ్ఛ్రితాయ
నారాయణాయ కుశలాయ ధురంధరాయ |
నారాయణాయ గజపాశవిమోక్షణాయ
నారాయణాయ జనకాయ నమో నమస్తే || ౧౫ ||
నారాయణాయ నిజభృత్యప్రపోషకాయ
నారాయణాయ శరణాగతపంజరాయ |
నారాయణాయ పురుషాయ పురాతనాయ
నారాయణాయ సుపథాయ నమో నమస్తే || ౧౬ ||
నారాయణాయ మణిస్వాసనసంస్థితాయ
నారాయణాయ శతవీర్యశతాననాయ |
నారాయణాయ పవనాయ చ కేశవాయ
నారాయణాయ రవిభాయ నమో నమస్తే || ౧౭ ||
శ్రియఃపతిర్యజ్ఞపతిః ప్రజాపతి-
-ర్ధియాంపతిర్లోకపతిర్ధరాపతిః |
పతిర్గతిశ్చాంధకవృష్ణిసాత్త్వతాం
ప్రసీదతాం మే భగవాన్ సతాంపతిః || ౧౮ ||
త్రిభువనకమనం తమాలవర్ణం
రవికరగౌరవరాంబరం దధానే |
వపురలకకులావృతాననాబ్జం
విజయసఖే రతిరస్తు మేఽనవద్యా || ౧౯ ||
అష్టోత్తరాధికశతాని సుకోమలాని
నామాని యే సుకృతినః సతతం స్మరంతి |
తేఽనేకజన్మకృతపాపచయాద్విముక్తా
నారాయణేఽవ్యవహితాం గతిమాప్నువంతి || ౨౦ ||
ఇతి నారాయణాష్టోత్తరశతనామస్తోత్రమ్ |
మరిన్ని శ్రీ విష్ణు స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
