Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రం “శ్రీ నరసింహ స్తోత్రనిధి” పారాయణ గ్రంథములో కూడా ఉన్నది. Click here to buy.]
బ్రహ్మోవాచ |
భవానక్షరమవ్యక్తమచింత్యం గుహ్యముత్తమమ్ |
కూటస్థమకృతం కర్తృ సనాతనమనామయమ్ || ౧ ||
సాంఖ్యయోగే చ యా బుద్ధిస్తత్త్వార్థపరినిష్ఠితా |
తాం భవాన్ వేదవిద్యాత్మా పురుషః శాశ్వతో ధ్రువః || ౨ ||
త్వం వ్యక్తశ్చ తథాఽవ్యక్తస్త్వత్తః సర్వమిదం జగత్ |
భవన్మయా వయం దేవ భవానాత్మా భవాన్ ప్రభుః || ౩ ||
చతుర్విభక్తమూర్తిస్త్వం సర్వలోకవిభుర్గురుః |
చతుర్యుగసహస్రేణ సర్వలోకాంతకాంతకః || ౪ ||
ప్రతిష్ఠా సర్వభూతానామనంతబలపౌరుషః |
కపిలప్రభృతీనాం చ యతీనాం పరమా గతిః || ౫ ||
అనాదిమధ్యనిధనః సర్వాత్మా పురుషోత్తమః |
స్రష్టా త్వం త్వం చ సంహర్తా త్వమేకో లోకభావనః || ౬ ||
భవాన్ బ్రహ్మా చ రుద్రశ్చ మహేంద్రో వరుణో యమః |
భవాన్ కర్తా వికర్తా చ లోకానాం ప్రభురవ్యయః || ౭ ||
పరాం చ సిద్ధిం పరమం చ దేవం
పరం చ మంత్రం పరమం మనశ్చ |
పరం చ ధర్మం పరమం యశశ్చ
త్వామాహురగ్ర్యం పురుషం పురాణమ్ || ౮ ||
పరం చ సత్యం పరమం హవిశ్చ
పరం పవిత్రం పరమం చ మార్గమ్ |
పరం చ హోత్రం పరమం చ యజ్ఞం
త్వామాహురగ్ర్యం పురుషం పురాణమ్ || ౯ ||
పరం శరీరం పరమం చ ధామ
పరం చ యోగం పరమాం చ వాణీమ్ |
పరం రహస్యం పరమాం గతిం చ
త్వామాహురగ్ర్యం పురుషం పురాణమ్ || ౧౦ ||
పరం పరస్యాపి పరం చ యత్పరం
పరం పరస్యాపి పరం చ దేవమ్ |
పరం పరస్యాపి పరం ప్రభుం చ
త్వామాహురగ్ర్యం పురుషం పురాణమ్ || ౧౧ ||
పరం పరస్యాపి పరం ప్రధానం
పరం పరస్యాపి పరం చ తత్త్వమ్ |
పరం పరస్యాపి పరం చ ధాతా
త్వామాహురగ్ర్యం పురుషం పురాణమ్ || ౧౨ ||
పరం పరస్యాపి పరం రహస్యం
పరం పరస్యాపి పరం పరం యత్ |
పరం పరస్యాపి పరం తపో యత్
త్వామాహురగ్ర్యం పురుషం పురాణమ్ || ౧౩ ||
పరం పరస్యాపి పరం పరాయణం
పరం చ గుహ్యం చ పరం చ ధామ |
పరం చ యోగం పరమం ప్రభుత్వం
త్వామాహురగ్ర్యం పురుషం పురాణమ్ || ౧౪ ||
ఇతి శ్రీహరివంశే భవిష్యపర్వణి సప్తచత్వారింశోఽధ్యాయే బ్రహ్మ కృత శ్రీ నరసింహ స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ నరసింహ స్తోత్రనిధి
(నిత్య పారాయణ గ్రంథము)
మరిన్ని శ్రీ నృసింహ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
