Sri Narasimha Mantra Raja Pada Stotram – శ్రీ నృసింహ మంత్రరాజపద స్తోత్రం


[గమనిక: ఈ స్తోత్రం “శ్రీ నరసింహ స్తోత్రనిధి” పారాయణ గ్రంథములో కూడా ఉన్నది. Click here to buy.]

పార్వత్యువాచ |
మంత్రాణాం పరమం మంత్రం గుహ్యానాం గుహ్యమేవ చ |
బ్రూహి మే నారసింహస్య తత్త్వం మంత్రస్య దుర్లభమ్ ||

శంకర ఉవాచ |
వృత్తోత్ఫుల్లవిశాలాక్షం విపక్షక్షయదీక్షితమ్ |
నినాదత్రస్తవిశ్వాండం విష్ణుముగ్రం నమామ్యహమ్ || ౧ ||

సర్వైరవధ్యతాం ప్రాప్తం సబలౌఘం దితేః సుతమ్ |
నఖాగ్రైః శకలీచక్రే యస్తం వీరం నమామ్యహమ్ || ౨ ||

పదావష్టబ్ధపాతాళం మూర్ధాఽఽవిష్టత్రివిష్టపమ్ |
భుజప్రవిష్టాష్టదిశం మహావిష్ణుం నమామ్యహమ్ || ౩ ||

జ్యోతీంష్యర్కేందునక్షత్రజ్వలనాదీన్యనుక్రమాత్ |
జ్వలంతి తేజసా యస్య తం జ్వలంతం నమామ్యహమ్ || ౪ ||

సర్వేంద్రియైరపి వినా సర్వం సర్వత్ర సర్వదా |
యో జానాతి నమామ్యాద్యం తమహం సర్వతోముఖమ్ || ౫ ||

నరవత్ సింహవచ్చైవ యస్య రూపం మహాత్మనః |
మహాసటం మహాదంష్ట్రం తం నృసింహం నమామ్యహమ్ || ౬ ||

యన్నామస్మరణాద్భీతాః భూతవేతాళరాక్షసాః |
రోగాద్యాశ్చ ప్రణశ్యంతి భీషణం తం నమామ్యహమ్ || ౭ ||

సర్వేఽపి యం సమాశ్రిత్య సకలం భద్రమశ్నుతే |
శ్రియా చ భద్రయా జుష్టో యస్తం భద్రం నమామ్యహమ్ || ౮ ||

సాక్షాత్ స్వకాలే సంప్రాప్తం మృత్యుం శత్రుగణాన్వితమ్ |
భక్తానాం నాశయేద్యస్తు మృత్యుమృత్యుం నమామ్యహమ్ || ౯ ||

నమస్కారాత్మకం యస్మై విధాయాత్మనివేదనమ్ |
త్యక్తదుఃఖోఽఖిలాన్ కామానశ్నంతం తం నమామ్యహమ్ || ౧౦ ||

దాసభూతాః స్వతః సర్వే హ్యాత్మానః పరమాత్మనః |
అతోఽహమపి తే దాసః ఇతి మత్వా నమామ్యహమ్ || ౧౧ ||

శంకరేణాదరాత్ ప్రోక్తం పదానాం తత్త్వముత్తమమ్ |
త్రిసంధ్యం యః పఠేత్తస్య శ్రీవిద్యాఽఽయుశ్చ వర్ధతే || ౧౨ ||

ఇతి శ్రీశంకరకృత శ్రీ నృసింహ మంత్రరాజపద స్తోత్రమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ నరసింహ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ నృసింహ స్తోత్రాలు చూడండి.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

One thought on “Sri Narasimha Mantra Raja Pada Stotram – శ్రీ నృసింహ మంత్రరాజపద స్తోత్రం

స్పందించండి

error: Not allowed