Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కాళికా స్తోత్రనిధి” పారాయణ గ్రంథములో కూడా ఉన్నది. Click here to buy.]
ప్రాగ్దేహస్థోయ దాహం తవ చరణ యుగాన్నాశ్రితో నార్చితోఽహం
తేనాద్యా కీర్తివర్గేర్జఠరజదహనైర్బాద్ధ్యమానో బలిష్ఠైః |
క్షిప్త్వా జన్మాంతరాన్నః పునరిహభవితా క్వాశ్రయః క్వాపి సేవా
క్షంతవ్యో మేఽపరాధః ప్రకటిత వదనే కామరూపే కరాళే || ౧ ||
బాల్యేవాలాభిలాయైర్జడిత జడమతిర్బాలలీలా ప్రసక్తో
న త్వాం జానామి మాతః కలికలుషహరా భోగమోక్ష ప్రదాత్రీమ్ |
నాచారో నైవ పూజా న చ యజన కథా న స్మృతిర్నైవ సేవా
క్షంతవ్యో మేఽపరాధః ప్రకటిత వదనే కామరూపే కరాళే || ౨ ||
ప్రాప్తోఽహం యౌవనం చేద్విషధర సదృశైరింద్రియైర్దృష్ట గాత్రో
నష్ట ప్రజ్ఞః పరస్త్రీ పరధన హరణే సర్వదా సాభిలాషః |
త్వత్పాదాంభోజయుగ్మం క్షణమపి మనసా న స్మృతోఽహం కదాపి
క్షంతవ్యో మేఽపరాధః ప్రకటిత వదనే కామరూపే కరాళే || ౩ ||
ప్రౌఢో భిక్షాభిలాషీ సుత దుహితృ కలత్రార్థమన్నాది చేష్ట
క్వ ప్రాప్స్యే కుత్రయామీ త్వనుదినమనిశం చింతయామగ్న దేహః |
నోతేధ్యానంత చాస్థా న చ భజన విధిన్నామ సంకీర్తనం వా
క్షంతవ్యోమేఽపరాధః ప్రకటిత వదనే కామరూపే కరాళే || ౪ ||
వృద్ధత్వే బుద్ధిహీనః కృశ వివశతనుః శ్వాసకాసాతిసారైః
కర్ణనిహోఽక్షిహీనః ప్రగళిత దశనః క్షుత్పిపాసాభిభూతః |
పశ్చాత్తాపేనదగ్ధో మరణమనుదినం ధ్యేయ మాత్రన్నచాన్యత్
క్షంతవ్యో మేఽపరాధః ప్రకటిత వదనే కామరూపే కరాళే || ౫ ||
కృత్వాస్నానం దినాదౌ క్వచిదపి సలిలం నోకృతం నైవ పుష్పం
తే నైవేద్యాదికం చ క్వచిదపి న కృతం నాపిభావో న భక్తిః |
న న్యాసో నైవ పూజాం న చ గుణ కథనం నాపి చార్చాకృతా తే
క్షంతవ్యో మేఽపరాధః ప్రకటిత వదనే కామరూపే కరాళే || ౬ ||
జానామి త్వాం న చాహం భవభయహరణీం సర్వసిద్ధిప్రదాత్రీం
నిత్యానందోదయాఢ్యాం త్రితయ గుణమయీ నిత్యశుద్ధోదయాఢ్యామ్ |
మిథ్యాకర్మాభిలాషైరనుదినమభితః పీడితో దుఃఖ సంఘైః
క్షంతవ్యో మేఽపరాధః ప్రకటిత వదనే కామరూపే కరాళే || ౭ ||
కాలాభ్రాం శ్యామాలాంగీం విగళిత చికురా ఖడ్గముండాభిరామాం
త్రాస త్రాణేష్టదాత్రీం కుణపగణశిరో మాలినీం దీర్ఘనేత్రామ్ |
సంసారస్యైకసారాం భవజన న హరాంభావితోభావనాభిః
క్షంతవ్యో మేఽపరాధః ప్రకటిత వదనే కామరూపే కరాళే || ౮ ||
బ్రహ్మా విష్ణుస్తథేశః పరిణమతి సదా త్వత్పదాంభోజ యుక్తం
భాగ్యాభావాన్న చాహం భవజనని భవత్పాదయుగ్మం భజామి |
నిత్యం లోభ ప్రలోభైః కృతవిశమతిః కాముకస్త్వాం ప్రయాషే
క్షంతవ్యో మేఽపరాధః ప్రకటిత వదనే కామరూపే కరాళే || ౯ ||
రాగద్వేషైః ప్రమత్తః కలుషయుతతనుః కామనాభోగలుబ్ధః
కార్యాకార్యా విచారీ కులమతి రహితః కౌలసంఘైర్విహీనః |
క్వ ధ్యానం తే క్వ చార్చా క్వ మనుజపనన్నైవ కించిత్ కృతోఽహం
క్షంతవ్యో మేఽపరాధః ప్రకటిత వదనే కామరూపే కరాళే || ౧౦ ||
రోగీ దుఃఖీ దరిద్రః పరవశకృపణః పాంశులః పాప చేతా
నిద్రాలస్య ప్రసక్తాః సుజఠరభరణే వ్యాకులః కల్పితాత్మా |
కిం తే పూజా విధానం త్వయి క్వచనుమతిః క్వానురాగః క్వచాస్థా
క్షంతవ్యో మేఽపరాధః ప్రకటిత వదనే కామరూపే కరాళే || ౧౧ ||
మిథ్యా వ్యామోహ రాగైః పరివృతమనసః క్లేశసంఘాన్వితస్య
క్షున్నిద్రౌఘాన్వితస్య స్మరణ విరహిణః పాపకర్మ ప్రవృత్తేః |
దారిద్ర్యస్య క్వ ధర్మః క్వ చ జననిరుచిః క్వ స్థితిః సాధుసంఘైః
క్షంతవ్యో మేఽపరాధః ప్రకటిత వదనే కామరూపే కరాళే || ౧౨ ||
మాతస్తాతస్యదేహాజ్జనని జఠరగః సంస్థితస్త్వద్వశేహన్
త్వం హర్తా కారయిత్రీ కరణ గుణమయీ కర్మహేతు స్వరూపా |
త్వం బుద్ధిశ్చిత్త సంస్థాప్యహమతిభవతీ సర్వమేతత్ క్షమస్వ
క్షంతవ్యో మేఽపరాధః ప్రకటిత వదనే కామరూపే కరాళే || ౧౩ ||
త్వం భూమిస్త్వం జలం చ త్వమసి హుతవహస్త్వం జగద్వాయురూపా
త్వం చాకాశం మనశ్చ ప్రకృతిరసి మహత్పూర్వికా పూర్వపూర్వా |
ఆత్మా త్వం చాఽసి మాతః పరమసి భవతీ త్వత్పరన్నైవ కించిత్
క్షంతవ్యో మేఽపరాధః ప్రకటిత వదనే కామరూపే కరాళే || ౧౪ ||
త్వం కాళీ త్వం చ తారా త్వమసి గిరిసుతా సుందరీ భైరవీ త్వం
త్వం దుర్గా ఛిన్నమస్తా త్వమసి చ భువనా త్వం హి లక్ష్మీః శివా త్వమ్ |
ధూమా మాతంగినీ త్వం త్వమసి చ బగలా మంగళాదిస్తవాఖ్యా
క్షంతవ్యో మేఽపరాధః ప్రకటిత వదనే కామరూపే కరాళే || ౧౫ ||
స్తోత్రేణానేన దేవీం పరిణమతి జనో యః సదాభక్తియుక్తో
దుష్కృత్యాదుర్గ సంఘం పరితరతి శతం విఘ్నతాం నాశమేతి |
నాధిర్వ్యాధి కదాచిద్భవతి యది పునః సర్వదా సాఽపరాధః
సర్వం తత్ కామరూపే త్రిభువనజనని క్షామయే పుత్ర బుద్ధ్యా || ౧౬ ||
జ్ఞాతా వక్తా కవీశో భవతి ధనపతిర్దానశీలో దయాత్మా
నిష్పాపీ నిష్కలంకీ కులపతి కుశలః సత్యవాగ్ధార్మికశ్చ |
నిత్యానందో దయాఢ్యః పశుగణవిముఖః సత్పథా చారుశీలః
సంసారాబ్ధిం సుకేన ప్రతరతి గిరిజా పాదయుగ్మావలంబాత్ || ౧౭ ||
ఇతి శ్రీ కాళీ అపరాధక్షమాపణ స్తోత్రమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ కాళికా స్తోత్రనిధి
(నిత్య పారాయణ గ్రంథము)
మరిన్ని శ్రీ కాళికా స్తోత్రాలు చూడండి. మరిన్ని దశమహావిద్యా స్తోత్రాలు చూడండి.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
