Read in తెలుగు / ಕನ್ನಡ / தமிழ் / देवनागरी / English (IAST)
ఐల ఉవాచ |
బాహ్యపూజాం వద విభో గృత్సమదప్రకీర్తితామ్ |
తేన మార్గేణ విఘ్నేశం భజిష్యసి నిరంతరమ్ || ౧ ||
గార్గ్య ఉవాచ |
ఆదౌ చ మానసీం పూజాం కృత్వా గృత్సమదో మునిః |
బాహ్యాం చకార విధివత్తాం శృణుష్వ సుఖప్రదామ్ || ౨ ||
హృది ధ్యాత్వా గణేశానం పరివారాదిసంయుతమ్ |
నాసికారంధ్రమార్గేణ తం బాహ్యాంగం చకార హ || ౩ ||
ఆదౌ వైదికమంత్రం స గణానాం త్వేతి సంపఠన్ |
పశ్చాచ్ఛ్లోకం సముచ్చార్య పూజయామాస విఘ్నపమ్ || ౪ ||
గృత్సమద ఉవాచ |
చతుర్బాహుం త్రినేత్రం చ గజాస్యం రక్తవర్ణకమ్ |
పాశాంకుశాదిసంయుక్తం మాయాయుక్తం ప్రచింతయేత్ || ౫ ||
ఆగచ్ఛ బ్రహ్మణాం నాథ సురాఽసురవరార్చిత |
సిద్ధిబుద్ధ్యాదిసంయుక్త భక్తిగ్రహణలాలస || ౬ ||
కృతార్థోఽహం కృతార్థోఽహం తవాగమనతః ప్రభో |
విఘ్నేశానుగృహీతోఽహం సఫలో మే భవోఽభవత్ || ౭ ||
రత్నసింహాసనం స్వామిన్ గృహాణ గణనాయక |
తత్రోపవిశ్య విఘ్నేశ రక్ష భక్తాన్విశేషతః || ౮ ||
సువాసితాభిరద్భిశ్చ పాదప్రక్షాలనం ప్రభో |
శీతోష్ణాంభః కరోమి తే గృహాణ పాద్యముత్తమమ్ || ౯ ||
సర్వతీర్థాహృతం తోయం సువాసితం సువస్తుభిః |
ఆచమనం చ తేనైవ కురుష్వ గణనాయక || ౧౦ ||
రత్నప్రవాలముక్తాద్యైరనర్ఘ్యైః సంస్కృతం ప్రభో |
అర్ఘ్యం గృహాణ హేరంబ ద్విరదానన తోషకమ్ || ౧౧ ||
దధిమధుఘృతైర్యుక్తం మధుపర్కం గజానన |
గృహాణ భావసంయుక్తం మయా దత్తం నమోఽస్తు తే || ౧౨ ||
పాద్యే చ మధుపర్కే చ స్నానే వస్త్రోపధారణే |
ఉపవీతే భోజనాంతే పునరాచమనం కురు || ౧౩ ||
చంపకాద్యైర్గణాధ్యక్ష వాసితం తైలముత్తమమ్ |
అభ్యంగం కురు సర్వేశ లంబోదర నమోఽస్తు తే || ౧౪ ||
యక్షకర్దమకాద్యైశ్చ విఘ్నేశ భక్తవత్సల |
ఉద్వర్తనం కురుష్వ త్వం మయా దత్తైర్మహాప్రభో || ౧౫ ||
నానాతీర్థజలైర్ఢుంఢే సుఖోష్ణభావరూపకైః |
కమండలూద్భవైః స్నానం మయా కురు సమర్పితైః || ౧౬ ||
కామధేనుసమద్భూతం పయః పరమపావనమ్ |
తేన స్నానం కురుష్వ త్వం హేరంబ పరమార్థవిత్ || ౧౭ ||
పంచామృతానాం మధ్యే తు జలైః స్నానం పునః పునః |
కురు త్వం సర్వతీర్థేభ్యో గంగాదిభ్యః సమాహృతైః || ౧౮ ||
దధి ధేనుపయోద్భూతం మలాపహరణం పరమ్ |
గృహాణ స్నానకార్యార్థం వినాయక దయానిధే || ౧౯ ||
ధేనోః సముద్భవం ఢుంఢే ఘృతం సంతోషకారకమ్ |
మహామలాపఘాతార్థం తేన స్నానం కురు ప్రభో || ౨౦ ||
సారఘం సంస్కృతం పూర్ణం మధు మధురసోద్భవమ్ |
గృహాణ స్నానకార్యార్థం వినాయక నమోఽస్తు తే || ౨౧ ||
ఇక్షుదండసముద్భూతాం శర్కరాం మలనాశినీమ్ |
గృహాణ గణనాథ త్వం తయా స్నానం సమాచర || ౨౨ ||
యక్షకర్దమకాద్యైశ్చ స్నానం కురు గణేశ్వర |
ఆంత్యం మలహరం శుద్ధం సర్వసౌగంధ్యకారకమ్ || ౨౩ ||
తతో గంధాక్షతాదీంశ్చ దూర్వాంకూరాన్గజానన |
సమర్పయామి స్వల్పాంస్త్వం గృహాణ పరమేశ్వర || ౨౪ ||
బ్రహ్మణస్పత్యసూక్తైశ్చ హ్యేకవింశతివారకైః |
అభిషేకం కరోమి తే గృహాణ ద్విరదానన || ౨౫ ||
తత ఆచమనం దేవ సువాసితజలేన చ |
కురుష్వ గణనాథం త్వం సర్వతీర్థభవేన వై || ౨౬ ||
వస్త్రయుగ్మం గృహాణ త్వమనర్ఘం రక్తవర్ణకమ్ |
లోకలజ్జాహరం చైవ విఘ్ననాథ నమోఽస్తు తే || ౨౭ ||
ఉత్తరీయం సుచిత్రం వై నభస్తారాంకితం యథా |
గృహాణ సర్వసిద్ధీశ మయా దత్తం సుభక్తితః || ౨౮ ||
ఉపవీతం గణాధ్యక్ష గృహాణ చ తతః పరమ్ |
త్రైగుణ్యమయరూపం తు ప్రణవగ్రంథిబంధనమ్ || ౨౯ ||
తతః సిందూరకం దేవ గృహాణ గణనాయక |
అంగలేపనభావార్థం సదానందవివర్ధనమ్ || ౩౦ ||
నానాభూషణకాని త్వమంగేషు వివిధేషు చ |
భాసురస్వర్ణరత్నైశ్చ నిర్మితాని గృహాణ భో || ౩౧ ||
అష్టగంధసమాయుక్తం గంధం రక్తం గజానన |
ద్వాదశాంగేషు తే ఢుంఢే లేపయామి సుచిత్రవత్ || ౩౨ ||
రక్తచందనసంయుక్తానథవా కుంకుమైర్యుతాన్ |
అక్షతాన్విఘ్నరాజ త్వం గృహాణ ఫాలమండలే || ౩౩ ||
చంపకాదిసువృక్షేభ్యః సంభూతాని గజానన |
పుష్పాణి శమీమందారదూర్వాదీని గృహాణ చ || ౩౪ ||
దశాంగం గుగ్గులుం ధూపం సర్వసౌరభకారకమ్ |
గృహాణ త్వం మయా దత్తం వినాయక మహోదర || ౩౫ ||
నానాజాతిభవం దీపం గృహాణ గణనాయక |
అజ్ఞానమలజం దీపం హరంతం జ్యోతిరూపకమ్ || ౩౬ ||
చతుర్విధాన్నసంపన్నం మధురం లడ్డుకాదికమ్ |
నైవేద్యం తే మయా దత్తం భోజనం కురు విఘ్నప || ౩౭ ||
సువాసితం గృహాణేదం జలం తీర్థసమాహృతమ్ |
భుక్తిమధ్యే చ పానార్థం దేవదేవేశ తే నమః || ౩౮ ||
భోజనాంతే కరోద్వర్తం యక్షకర్దమకేన చ |
కురుష్వ త్వం గణాధ్యక్ష పిబ తోయం సువాసితమ్ || ౩౯ ||
దాడిమం ఖర్జురం ద్రాక్షాం రంభాదీని ఫలాని వై |
గృహాణ దేవదేవేశ నానామధురకాణి తు || ౪౦ ||
అష్టాంగం దేవ తాంబూలం గృహాణ ముఖవాసనమ్ |
అసకృద్విఘ్నరాజ త్వం మయా దత్తం విశేషతః || ౪౧ ||
దక్షిణాం కాంచనాద్యాం తు నానాధాతుసముద్భవామ్ |
రత్నాద్యైః సంయుతాం ఢుంఢే గృహాణ సకలప్రియ || ౪౨ ||
రాజోపచారకాద్యాని గృహాణ గణనాయక |
దానాని తు విచిత్రాణి మయా దత్తాని విఘ్నప || ౪౩ ||
తత ఆభరణం తేఽహమర్పయామి విధానతః |
ఉపచారైశ్చ వివిధైః తేన తుష్టో భవ ప్రభో || ౪౪ ||
తతో దూర్వాంకురాన్ఢుంఢే ఏకవింశతిసంఖ్యకాన్ |
గృహాణ న్యూనసిద్ధ్యర్థం భక్తవాత్సల్యకారణాత్ || ౪౫ ||
నానాదీపసమాయుక్తం నీరాజనం గజానన |
గృహాణ భావసంయుక్తం సర్వాజ్ఞానవినాశన || ౪౬ ||
గణానాం త్వేతి మంత్రస్య జపం సాహస్రకం పరమ్ |
గృహాణ గణనాథ త్వం సర్వసిద్ధిప్రదో భవ || ౪౭ ||
ఆర్తిక్యం చ సుకర్పూరం నానాదీపమయం ప్రభో |
గృహాణ జ్యోతిషాం నాథ తథా నీరాజయామ్యహమ్ || ౪౮ ||
పాదయోస్తే తు చత్వారి నాభౌ ద్వే వదనే ప్రభో |
ఏకం తు సప్తవారం వై సర్వాంగేషు నిరంజనమ్ || ౪౯ ||
చతుర్వేదభవైర్మంత్రైర్గాణపత్యైర్గజానన |
మంత్రితాని గృహాణ త్వం పుష్పపత్రాణి విఘ్నప || ౫౦ ||
పంచప్రకారకైః స్తోత్రైర్గాణపత్యైర్గణాధిప |
స్తౌమి త్వాం తేన సంతుష్టో భవ భక్తిప్రదాయక || ౫౧ ||
ఏకవింశతిసంఖ్యం వా త్రిసంఖ్యం వా గజానన |
ప్రాదక్షిణ్యం గృహాణ త్వం బ్రహ్మన్ బ్రహ్మేశభావన || ౫౨ ||
సాష్టాంగాం ప్రణతిం నాథ ఏకవింశతిసమ్మితామ్ |
హేరంబ సర్వపూజ్య త్వం గృహాణ తు మయా కృతమ్ || ౫౩ ||
న్యూనాతిరిక్తభావార్థం కించిద్దుర్వాంకురాన్ ప్రభో |
సమర్పయామి తేన త్వం సాంగాం పూజాం కురుష్వ తామ్ || ౫౪ ||
త్వయా దత్తం స్వహస్తేన నిర్మాల్యం చింతయామ్యహమ్ |
శిఖాయాం ధారయామ్యేవ సదా సర్వప్రదం చ తత్ || ౫౫ ||
అపరాధానసంఖ్యాతాన్ క్షమస్వ గణనాయక |
భక్తం కురు చ మాం ఢుంఢే తవ పాదప్రియం సదా || ౫౬ ||
త్వం మాతా త్వం పితా మే వై సుహృత్సంబంధికాదయః |
త్వమేవ కులదేవశ్చ సర్వం త్వం మే న సంశయః || ౫౭ ||
జాగ్రత్స్వప్నసుషుప్తిభిర్దేహవాఙ్మనసైః కృతమ్ |
సాంసర్గికేణ యత్కర్మ గణేశాయ సమర్పయే || ౫౮ ||
బాహ్యం నానావిధం పాపం మహోగ్రం తల్లయం వ్రజేత్ |
గణేశపాదతీర్థస్య మస్తకే ధారణాత్కిల || ౫౯ ||
పాదోదకం గణేశస్య పీతం మర్త్యేన తత్క్షణాత్ |
సర్వాంతర్గతజం పాపం నశ్యతి గణనాతిగమ్ || ౬౦ ||
గణేశోచ్ఛిష్టగంధం వై ద్వాదశాంగేషు చర్చయేత్ |
గణేశతుల్యరూపః స దర్శనాత్సర్వపాపహా || ౬౧ ||
యది గణేశపూజాదౌ గంధభస్మాదికం చరేత్ |
అథవోచ్ఛిష్టగంధం తు నో చేత్తత్ర విధిం చరేత్ || ౬౨ ||
ద్వాదశాంగేషు విఘ్నేశం నామమంత్రేణ చార్చయేత్ |
తేన సోఽపి గణేశేన సమో భవతి భూతలే || ౬౩ ||
మూర్ధ్ని గణేశ్వరం చాదౌ లలాటే విఘ్ననాయకమ్ |
దక్షిణే కర్ణమూలే తు వక్రతుండం సమర్చయేత్ || ౬౪ ||
వామే కర్ణస్య మూలే వై చైకదంతం సమర్చయేత్ |
కంఠే లంబోదరం దేవం హృది చింతామణిం తథా || ౬౫ ||
బాహౌ దక్షిణకే చైవ హేరంబం వామబాహుకే |
వికటం నాభిదేశే తు వినాయకం సమర్చయేత్ || ౬౬ ||
కుక్షౌ దక్షిణగాయాం తు మయూరేశం సమర్చయేత్ |
వామకుక్షౌ గజాస్యం వై పృష్ఠే స్వానందవాసినమ్ || ౬౭ ||
సర్వాంగలేపనం శస్తం చిత్రితమష్టగంధకైః |
గాణేశానాం విశేషేణ సర్వభద్రస్య కారణాత్ || ౬౮ ||
తతోచ్ఛిష్టం తు నైవేద్యం గణేశస్య భునజ్మ్యహమ్ |
భుక్తిముక్తిప్రదం పూర్ణం నానాపాపనికృంతనమ్ || ౬౯ ||
గణేశ స్మరణేనైవ కరోమి కాలఖండనమ్ |
గాణపత్యైశ్చ సంవాసః సదా మేఽస్తు గజానన || ౭౦ ||
గార్గ్య ఉవాచ |
ఏవం గృత్సమదశ్చైవ చకార బాహ్యపూజనమ్ |
త్రికాలేషు మహాయోగీ సదా భక్తిసమన్వితః || ౭౧ ||
తథా కురు మహీపాల గాణపత్యో భవిష్యసి |
యథా గృత్సమదః సాక్షాత్తథా త్వమపి నిశ్చితమ్ || ౭౨ ||
ఇతి శ్రీమదాంత్యే మౌద్గల్యే గణేశ బాహ్య పూజా |
మరిన్ని శ్రీ గణేశ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
