Sri Ganesha Aksharamalika Stotram – శ్రీ గణేశాక్షరమాలికా స్తోత్రం


(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)

అగజాప్రియసుత వారణపతిముఖ షణ్ముఖసోదర భువనపతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఆగమశతనుత మారితదితిసుత మారారిప్రియ మందగతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఇజ్యాధ్యయన ముఖాఖిలసత్కృతి పరిశుద్ధాంతఃకరణగతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఈర్ష్యారోషకషాయితమానస దుర్జనదూర పదాంబురుహ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఉత్తమతర సత్ఫలదానోద్యత బలరిపుపూజిత శూలిసుత శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఊహాపోహ విశారద సంయమివర్గకృతాభయ ఢుండివిభో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఋద్ధిసుఖాభయ విశ్రాణనజనితాతులకీర్తిచయైకనిధే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ౠక్షాక్షరతతిభర్త్సిత దుర్గతవిత్తవినాశన విఘ్నపతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఌప్తజగద్భయ దివ్యగదాయుధ పోషితదీనజనామిత భో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ౡతాతంతు సరూపజగచ్చయనిర్మితదక్షదృగంత విభో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఏణాంకార్ధవిభూషితమస్తక లంబోదర గజదైత్యరిపో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఐశ్వర్యాష్టకనియతనికేతన పుండ్రేక్షూజ్జ్వల దివ్యకర శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఓతం ప్రోతమిదం హి జగత్త్వయి సృజ్యహివత్పరిపూర్ణసుఖే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఔదాస్యం మయి విఘ్నతమః కులమార్తాండ ప్రభ మా రచయ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

అంఘ్రియుగే తవ సంతతసద్రతిమాశు విధత్స్వ గణేశ మమ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

అశ్వస్తనగృహదార సుహృద్భవ బంధం విగళయ మే త్వరయా శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

కమనీయామితశోణిమదీధితి సంధ్యా భీకృతదిగ్వలయ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఖండితభండ సహోదరనిర్మిత విఘ్నశిలామలశీల గురో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

గంధర్వామరకిన్నరనరగణ పూజితసజ్జన దివ్యనిధే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఘుమఘుమితాఖిలవిష్టపదివ్య మదస్రుతిరాజితగండయుగ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఙరతత్వాత్మిక వేదదళాంబుజ మధ్యగతారుణశోభతనో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

చంచలఘోణసముద్ధృత పీతోజ్ఝిత జలపూరితవారినిధే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఛాయాసహచర కోటిసుభాస్వర నిఖిలగుణాకర సన్మతిద శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

జంభారిప్రముఖామర పుష్కర దివసకరాంకుశకర వరద శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఝంఝానిలమదదూరీకృతిచణ కర్ణానిలధూతాభ్రచయ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

జ్ఞప్తిసదానందాత్మక నిజ వరరదభాన్యక్కృతశీతకర శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

టంకాయుధవర మస్తకఖండన యత్నవిచిత్రితభీతసుర శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఠాంతాబ్జాలయవదనాలోకావిస్తరకామేశ్యా దయిత శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

డోలాయితరవి శశధరమండలతాలాతోషిత సాంధ్యనట శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఢక్కావాదనతుష్టామరగణ బృంహిత శిక్షితలోకతతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ణాంతతదర్థ పదార్థ మహార్థద పాలయ మాం కరుణాలయ భో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

తూలోపమవిభ్రామితభూధర నిశ్వాసానిల లోకపతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

థార్ణవజలతతి ఫూత్కృతి విశదితమణివర భాస్వరితాండచయ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

దరవర్ణాత్మమనూత్తమశీలివితీర్ణ దురాపపుమర్థతతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ధర్మైకప్రియ ధార్మికతారక మోదకభక్షణ నిత్యరత శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

నానాలోకనివాసి మనోరథలతికామాధవదృక్ప్రసర శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

పరమాశ్చర్యానుపమ మనోహరవిహరణ పోషితలోకతతే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఫాలవిలోచన ఫణివరభూషణ ఫలతతి తర్పితకామచయ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

బాలేందూజ్జ్వల ఫాలలసచ్ఛవి తిర్యక్పుండ్రావలిలలిత శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

భగణాభామిత మణివర భూషిత భస్మోద్ధూళితచారుతనో శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

మూషికవాహన మునిజనపోషణ మూర్తామూర్తోపాధ్యగత శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

యామునవారివిహారిసమర్చిత యాతాయాతక్లేశహర శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

రతిపతిపూజిత లావణ్యాకర రాకేందూజ్జ్వల నఖరాళే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

లవణరసానంతర జలనిధివర సుమణిద్వీపాంతరసదన శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

వారాణస్యావాసకుతూహల చింతామణిసాక్ష్యాద్యభిధ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

శంకరతోషిత దమయంత్యర్చిత రాఘవపూజిత రతివరద శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

షడ్గుణరత్నాకర లంబోదర బీజాపూర ప్రియ సుముఖ శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

సర్వకృతి ప్రథమార్చిత గౌతమపత్నీసేవిత యమికులప శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

హేరంబాశ్రితపాలన చామరకర్ణ సుజంబూఫలభక్ష శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

లక్ష్మీపతిమహితాతుల విక్రమ రోహితతాతాఖిల వరద శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

క్షేమం కురు జగతామఖిలార్థద వేంకటసుబ్రహ్మణ్యనుత శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఇత్థమియం పణవర్ణమణిస్రక్ సిద్ధిగణాధిప పదకమలే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

నిహితా యే హ్యనయా స్తోష్యంత్యాప్స్యంత్యఖిలార్థాంస్త్వరయా తే శుభ |
సిద్ధివినాయక సిద్ధివినాయక సిద్ధివినాయక పాలయ మాం శుభ ||

ఇతి శ్రీగణేశాక్షరమాలికాస్తోత్రం సంపూర్ణమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ గణేశ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ గణేశ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed