Read in తెలుగు / ಕನ್ನಡ / தமிழ் / देवनागरी / English (IAST)
శ్రీమత్కాఞ్చీమునిం వన్దే కమలాపతినన్దనమ్ |
వరదాఙ్ఘ్రిసదాసఙ్గరసాయనపరాయణమ్
దేవరాజదయాపాత్రం శ్రీకాఞ్చీపూర్ణముత్తమమ్ |
రామానుజమునేర్మాన్యం వన్దేఽహం సజ్జనాశ్రయమ్
నమస్తే హస్తిశైలేశ శ్రీమన్నమ్బుజలోచనః |
శరణం త్వాం ప్రపన్నోఽస్మి ప్రణతార్తిహరాచ్యుత || ౧ ||
సమస్తప్రాణిసన్త్రాణప్రవీణ కరుణోల్బణ |
విలసన్తు కటాక్షస్తే మయ్యస్మిన్ జగతాంపతే || ౨ ||
నిన్దితాచారకరణం నివృత్తం కృత్యకర్మణః |
పాపీయాంస మమర్యాదం పాహి మాం వరదప్రభో || ౩ ||
సంసారమరుకాన్తారే దుర్వ్యాధివ్యాఘ్రభీషణే |
విషయక్షుద్రగుల్మాఢ్యే తృషాపాదపశాలిని || ౪ ||
పుత్రదారగృహక్షేత్రమృగతృష్ణామ్బుపుష్కలే |
కృత్యాకృత్యవివేకాన్ధం పరిభ్రాన్తమితస్తతః || ౫ ||
అజస్రం జాతతృష్ణార్తమవసన్నాఙ్గమక్షమమ్ |
క్షీణశక్తిబలారోగ్యం కేవలం క్లేశసంశ్రయమ్ || ౬ ||
సన్తప్తం వివిధైర్దుఃఖైర్దుర్వచై రేవమాదిభిః |
దేవరాజ దయాసిన్ధో దేవదేవ జగత్పతే || ౭ ||
త్వదీక్షణసుధాసిన్ధువీచివిక్షేపశీకరైః |
కారుణ్యమారుతానీతైః శీతలైరభిషిఞ్చ మామ్ || ౮ ||
మరిన్ని శ్రీ విష్ణు స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
