Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ బాలా స్తోత్రనిధి” పారాయణ గ్రంథములో కూడా ఉన్నది. Click here to buy.]
వందే సిందూరవదనాం తరుణారుణసన్నిభామ్ |
అక్షస్రక్పుస్తకాభీతివరదానలసత్కరామ్ ||
ఫుల్లపంకజమధ్యస్థాం మందస్మితమనోహరామ్ |
దశభిర్వయసా హారియౌవనాచార రంజితామ్ |
కాశ్మీరకర్దమాలిప్తతనుచ్ఛాయా విరాజితామ్ ||
వాగ్భవః పాతు శిరసి కామరాజస్తథా హృది |
శక్తిబీజం సదా పాతు నాభౌ గుహ్యే చ పాదయోః || ౧ ||
బ్రహ్మాణీ పాతు మాం పూర్వే దక్షిణే పాతు వైష్ణవీ |
పశ్చిమే పాతు వారాహీ ఉత్తరే తు మహేశ్వరీ || ౨ ||
ఆగ్నేయ్యాం పాతు కౌమారీ మహాలక్ష్మీశ్చ నిరృతౌ |
వాయవ్యాం పాతు చాముండీ ఇంద్రాణీ పాతు చైశ్వరే || ౩ ||
అధశ్చోర్ధ్వం చ ప్రసృతా పృథివ్యాం సర్వమంగళా |
ఐం‍కారిణీ శిరః పాతు క్లీం‍కారీ హృదయం మమ || ౪ ||
సౌః పాతు పాదయుగ్మం మే సర్వాంగం సకలాఽవతు |
ఓం వాగ్భవీ శిరః పాతు పాతు ఫాలం కుమారికా || ౫ ||
భ్రూయుగ్మం శంకరీ పాతు శ్రుతియుగ్మం గిరీశ్వరీ |
నేత్రే త్రిణేత్రవరదా నాసికాం మే మహేశ్వరీ || ౬ ||
ఓష్ఠౌ పూగస్తనీ పాతు చిబుకం దశవర్షికీ |
కపోలౌ కమనీయాంగీ కంఠం కామార్చితావతు || ౭ ||
బాహూ పాతు వరాభీతిధారిణీ పరమేశ్వరీ |
వక్షః ప్రదేశం పద్మాక్షీ కుచౌ కాంచీనివాసినీ || ౮ ||
ఉదరం సుందరీ పాతు నాభిం నాగేంద్రవందితా |
పార్శ్వే పశుత్వహారిణీ పృష్ఠం పాపవినాశినీ || ౯ ||
కటిం కర్పూరవిద్యేశీ జఘనం లలితాంబికా |
మేఢ్రం మహేశరమణీ పాతూరూ ఫాలలోచనా || ౧౦ ||
జానునీ జయదా పాతు గుల్ఫౌ విద్యాప్రదాయినీ |
పాదౌ శివార్చితా పాతు ప్రపదౌ త్రిపదేశ్వరీ || ౧౧ ||
సర్వాంగం సర్వదా పాతు మమ త్రిపురసుందరీ |
విత్తం విత్తేశ్వరీ పాతు పశూన్పశుపతిప్రియా |
పుత్రాన్పుత్రప్రదా పాతు ధర్మాన్ధర్మప్రదాయినీ || ౧౨ ||
క్షేత్రం క్షేత్రేశవనితా గృహం గంభీరనాదినీ |
ధాతూన్ధాతుమయీ పాతు సర్వం సర్వేశ్వరీ మమ || ౧౩ ||
రక్షాహీనం తు యత్స్థానం వర్జితం కవచేన తు |
తత్సర్వం రక్ష మే దేవి బాలే త్వం పాపనాశినీ || ౧౪ ||
ఇతి శ్రీ బాలా కవచమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ బాలా స్తోత్రనిధి
(నిత్య పారాయణ గ్రంథము)
See Details – Click here to buy
మరిన్ని శ్రీ బాలా స్తోత్రాలు చూడండి. మరిన్ని దేవీ స్తోత్రాలు చూడండి.
గమనిక: "శ్రీ అయ్యప్ప స్తోత్రనిధి" విడుదల చేశాము. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
