Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ శ్యామలా స్తోత్రనిధి” పారాయణ గ్రంథములో కూడా ఉన్నది. Click here to buy.]
ఓంకారపంజరశుకీం ఉపనిషదుద్యానకేలికలకంఠీమ్ |
ఆగమవిపినమయూరీం ఆర్యామంతర్విభావయే గౌరీమ్ || ౧ ||
దయమానదీర్ఘనయనాం దేశికరూపేణ దర్శితాభ్యుదయామ్ |
వామకుచనిహితవీణాం వరదాం సంగీతమాతృకాం వందే || ౨ ||
శ్యామతనుసౌకుమార్యాం సౌందర్యానందసంపదున్మేషామ్ |
తరుణిమకరుణాపూరాం మదజలకల్లోలలోచనాం వందే || ౩ ||
నఖముఖముఖరితవీణానాదరసాస్వాదనవనవోల్లాసమ్ |
ముఖమంబ మోదయతు మాం ముక్తాతాటంకముగ్ధహసితం తే || ౪ ||
సరిగమపధనిరతాం తాం వీణాసంక్రాంతకాంతహస్తాం తామ్ |
శాంతాం మృదులస్వాంతాం కుచభరతాంతాం నమామి శివకాంతామ్ || ౫ ||
అవటుతటఘటితచూలీతాడితతాలీపలాశతాటంకామ్ |
వీణావాదనవేలాకంపితశిరసం నమామి మాతంగీమ్ || ౬ ||
వీణారవానుషంగం వికచముఖాంభోజమాధురీభృంగమ్ |
కరుణాపూరతరంగం కలయే మాతంగకన్యకాపాంగమ్ || ౭ ||
మణిభంగమేచకాంగీం మాతంగీం నౌమి సిద్ధమాతంగీమ్ |
యౌవనవనసారంగీం సంగీతాంభోరుహానుభవభృంగీమ్ || ౮ ||
మేచకమాసేచనకం మిథ్యాదృష్టాంతమధ్యభాగం తే |
మాతస్తవ స్వరూపం మంగళసంగీతసౌరభం మన్యే || ౯ ||
నవరత్నమాల్యమేతద్రచితం మాతంగకన్యకాభరణమ్ |
యః పఠతి భక్తియుక్తః సః భవేద్వాగీశ్వరః సాక్షాత్ || ౧౦ ||
ఇతి కాళిదాస కృత శ్రీ శ్యామలా నవరత్నమాలికా స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ శ్యామలా స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ శ్యామలా స్తోత్రాలు చూడండి. మరిన్ని దశమహావిద్యా స్తోత్రాలు చూడండి.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
