Riddhi Stava – ఋద్ధి స్తవః

[గమనిక: ఈ స్తోత్రము “శ్రీ వేంకటేశ్వర స్తోత్రనిధి” పారాయణ గ్రంథములో లో కూడా ఉన్నది. Click here to buy.]

శ్రీమన్వృషభశైలేశ వర్ధతాం విజయీ భవాన్ |
దివ్యం త్వదీయమైశ్వర్యం నిర్మర్యాదం విజృంభతామ్ || ౧ ||

దేవీభూషాయుధైర్నిత్యైర్ముక్తైర్మోక్షైకలక్షణైః |
సత్త్వోత్తరైస్త్వదీయైశ్చ సంగః స్తాత్సరసస్తవ || ౨ ||

ప్రాకారగోపురవరప్రాసాదమణిమంటపాః |
శాలిముద్గతిలాదీనాం శాలాః శైలకులోజ్జ్వలాః || ౩ ||

రత్నకాంచనకౌశేయక్షౌమక్రముకశాలికాః |
శయ్యాగృహాణి పర్యంకవర్యాః స్థూలాసనాని చ || ౪ ||

కనత్కనకభృంగారపతద్గ్రహకలాచికాః |
ఛత్రచామరముఖ్యాశ్చ సంతు నిత్యాః పరిచ్ఛదాః || ౫ ||

అస్తు నిస్తులమవ్యగ్రం నిత్యమభ్యర్చనం తవ |
పక్షేపక్షే వివర్ధంతాం మాసిమాసి మహోత్సవాః || ౬ ||

మణికాంచనచిత్రాణి భూషణాన్యంబరాణి చ |
కాశ్మీరసారకస్తూరీకర్పూరాద్యనులేపనమ్ || ౭ ||

కోమలాని చ దామాని కుసుమైః సౌరభోత్కరైః |
ధూపాః కర్పూరదీపాశ్చ సంతు సంతతమేవ తే || ౮ ||

నృత్తగీతయుతం వాద్యం నిత్యమత్ర వివర్ధతామ్ |
శ్రోత్రేషు సుధాధారాః కల్పంతాం కాహలీస్వనాః || ౯ ||

కందమూలఫలోదగ్రం కాలేకాలే చతుర్విధమ్ |
సూపాపూపఘృతక్షీరశర్కరాసహితం హవిః || ౧౦ ||

ఘనసారశిలోదగ్రైః క్రముకాష్టదళైః సహ |
విమలాని చ తాంబూలీదళాని స్వీకురు ప్రభో || ౧౧ ||

ప్రీతిభీతియుతో భూయాద్భూయాన్ పరిజనస్తవ |
భక్తిమంతో భజంతు త్వాం పౌరా జానపదాస్తథా || ౧౨ ||

ధరణీధనరత్నాని వితరంతు చిరం తవ |
కైంకర్యమఖిలం సర్వే కుర్వంతు క్షోణిపాలకాః || ౧౩ ||

ప్రేమదిగ్ధదృశః స్వైరం ప్రేక్షమాణాస్త్వదాననమ్ |
మహాంతః సంతతం సంతో మంగళాని ప్రయుంజతామ్ || ౧౪ ||

ఏవమేవ భవేన్నిత్యం పాలయన్ కుశలీ భవాన్ |
మామహీరమణ శ్రీమాన్ వర్ధతామభివర్ధతామ్ || ౧౫ ||

పత్యుః ప్రత్యహమిత్థం యః ప్రార్థయేత సముచ్ఛ్రయమ్ |
ప్రసాదసుముఖః శ్రీమాన్ పశ్యత్యేనం పరః పుమాన్ || ౧౬ ||

ఇతి ఋద్ధిస్తవః |

---

గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ వేంకటేశ్వర స్తోత్రనిధి

(నిత్య పారాయణ గ్రంథము)

Click here to buy

---

మరిన్ని శ్రీ వేంకటేశ్వర స్తోత్రాలు  చూడండి.

Did you see any mistake/variation in the content above? Click here to report mistakes and corrections in Stotranidhi content.