Riddhi Stava – ருத்³தி⁴ ஸ்தவ꞉

ஶ்ரீமந்வ்ருஷப⁴ஶைலேஶ வர்த⁴தாம் விஜயீ ப⁴வான் ।
தி³வ்யம் த்வதீ³யமைஶ்வர்யம் நிர்மர்யாத³ம் விஜ்ரும்ப⁴தாம் ॥ 1 ॥

தே³வீபூ⁴ஷாயுதை⁴ர்நித்யைர்முக்தைர்மோக்ஷைகலக்ஷணை꞉ ।
ஸத்த்வோத்தரைஸ்த்வதீ³யைஶ்ச ஸங்க³꞉ ஸ்தாத்ஸரஸஸ்தவ ॥ 2 ॥

ப்ராகாரகோ³புரவரப்ராஸாத³மணிமண்டபா꞉ ।
ஶாலிமுத்³க³திலாதீ³நாம் ஶாலா꞉ ஶைலகுலோஜ்ஜ்வலா꞉ ॥ 3 ॥

ரத்நகாஞ்சநகௌஶேயக்ஷௌமக்ரமுகஶாலிகா꞉ ।
ஶய்யாக்³ருஹாணி பர்யங்கவர்யா꞉ ஸ்தூ²லாஸநாநி ச ॥ 4 ॥

கநத்கநகப்⁴ருங்கா³ரபதத்³க்³ரஹகலாசிகா꞉ ।
ச²த்ரசாமரமுக்²யாஶ்ச ஸந்து நித்யா꞉ பரிச்ச²தா³꞉ ॥ 5 ॥

அஸ்து நிஸ்துலமவ்யக்³ரம் நித்யமப்⁴யர்சநம் தவ ।
பக்ஷேபக்ஷே விவர்த⁴ந்தாம் மாஸிமாஸி மஹோத்ஸவா꞉ ॥ 6 ॥

மணிகாஞ்சநசித்ராணி பூ⁴ஷணாந்யம்ப³ராணி ச ।
காஶ்மீரஸாரகஸ்தூரீகர்பூராத்³யநுலேபநம் ॥ 7 ॥

கோமளாநி ச தா³மாநி குஸுமை꞉ ஸௌரபோ⁴த்கரை꞉ ।
தூ⁴பா꞉ கர்பூரதீ³பாஶ்ச ஸந்து ஸந்ததமேவ தே ॥ 8 ॥

ந்ருத்தகீ³தயுதம் வாத்³யம் நித்யமத்ர விவர்த⁴தாம் ।
ஶ்ரோத்ரேஷு ஸுதா⁴தா⁴ரா꞉ கல்பந்தாம் காஹலீஸ்வநா꞉ ॥ 9 ॥

கந்த³மூலப²லோத³க்³ரம் காலேகாலே சதுர்வித⁴ம் ।
ஸூபாபூபக்⁴ருதக்ஷீரஶர்கராஸஹிதம் ஹவி꞉ ॥ 10 ॥

க⁴நஸாரஶிலோத³க்³ரை꞉ க்ரமுகாஷ்டத³ளை꞉ ஸஹ ।
விமலாநி ச தாம்பூ³லீத³ளாநி ஸ்வீகுரு ப்ரபோ⁴ ॥ 11 ॥

ப்ரீதிபீ⁴தியுதோ பூ⁴யாத்³பூ⁴யான் பரிஜநஸ்தவ ।
ப⁴க்திமந்தோ ப⁴ஜந்து த்வாம் பௌரா ஜாநபதா³ஸ்ததா² ॥ 12 ॥

த⁴ரணீத⁴நரத்நாநி விதரந்து சிரம் தவ ।
கைங்கர்யமகி²லம் ஸர்வே குர்வந்து க்ஷோணிபாலகா꞉ ॥ 13 ॥

ப்ரேமதி³க்³த⁴த்³ருஶ꞉ ஸ்வைரம் ப்ரேக்ஷமாணாஸ்த்வதா³நநம் ।
மஹாந்த꞉ ஸந்ததம் ஸந்தோ மங்க³ளாநி ப்ரயுஞ்ஜதாம் ॥ 14 ॥

ஏவமேவ ப⁴வேந்நித்யம் பாலயன் குஶலீ ப⁴வான் ।
மாமஹீரமண ஶ்ரீமான் வர்த⁴தாமபி⁴வர்த⁴தாம் ॥ 15 ॥

பத்யு꞉ ப்ரத்யஹமித்த²ம் ய꞉ ப்ரார்த²யேத ஸமுச்ச்²ரயம் ।
ப்ரஸாத³ஸுமுக²꞉ ஶ்ரீமான் பஶ்யத்யேநம் பர꞉ புமான் ॥ 16 ॥

இதி ருத்³தி⁴ஸ்தவ꞉ ।

Did you see any mistake/variation in the content above? Click here to report mistakes and corrections in Stotranidhi content.