Panchayudha Stotram – పంచాయుధ స్తోత్రం


[గమనిక: ఈ స్తోత్రము “శ్రీ వేంకటేశ్వర స్తోత్రనిధి” పారాయణ గ్రంథములో లో కూడా ఉన్నది. Click here to buy.]

స్ఫురత్సహస్రారశిఖాతితీవ్రం
సుదర్శనం భాస్కరకోటితుల్యమ్ |
సురద్విషాం ప్రాణవినాశి విష్ణోః
చక్రం సదాఽహం శరణం ప్రపద్యే || ౧ ||

విష్ణోర్ముఖోత్థానిలపూరితస్య
యస్య ధ్వనిర్దానవదర్పహంతా |
తం పాంచజన్యం శశికోటిశుభ్రం
శంఖం సదాఽహం శరణం ప్రపద్యే || ౨ ||

హిరణ్మయీం మేరుసమానసారాం
కౌమోదకీం దైత్యకులైకహంత్రీమ్ |
వైకుంఠవామాగ్రకరాభిమృష్టాం
గదాం సదాఽహం శరణం ప్రపద్యే || ౩ ||

రక్షోఽసురాణాం కఠినోగ్రకంఠ-
-చ్ఛేదక్షరచ్ఛోణితదిగ్ధధారమ్ |
తం నందకం నామ హరేః ప్రదీప్తం
ఖడ్గం సదాఽహం శరణం ప్రపద్యే || ౪ ||

యజ్జ్యానినాదశ్రవణాత్ సురాణాం
చేతాంసి నిర్ముక్తభయాని సద్యః |
భవంతి దైత్యాశనిబాణవర్షి
శార్ఙ్గం సదాఽహం శరణం ప్రపద్యే || ౫ ||

ఇమం హరేః పంచమహాయుధానాం
స్తవం పఠేద్యోఽనుదినం ప్రభాతే |
సమస్త దుఃఖాని భయాని సద్యః
పాపాని నశ్యంతి సుఖాని సంతి || ౬ ||

వనే రణే శత్రు జలాగ్నిమధ్యే
యదృచ్ఛయాపత్సు మహాభయేషు |
ఇదం పఠన్ స్తోత్రమనాకులాత్మా
సుఖీభవేత్ తత్కృత సర్వరక్షః || ౭ ||

[* అధిక శ్లోకాః –
యచ్చక్రశంఖం గదఖడ్గశార్ఙ్గిణం
పీతాంబరం కౌస్తుభవత్సలాంఛితమ్ |
శ్రియాసమేతోజ్జ్వలశోభితాంగం
విష్ణుం సదాఽహం శరణం ప్రపద్యే ||

జలే రక్షతు వారాహః స్థలే రక్షతు వామనః |
అటవ్యాం నారసింహశ్చ సర్వతః పాతు కేశవః ||
*]

ఇతి పంచాయుధ స్తోత్రమ్ ||


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ వేంకటేశ్వర స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ విష్ణు స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

3 thoughts on “Panchayudha Stotram – పంచాయుధ స్తోత్రం

స్పందించండి

error: Not allowed