Read in తెలుగు / ಕನ್ನಡ / தமிழ் / देवनागरी / English (IAST)
|| భూమండలభ్రమణకథనమ్ ||
గతేషు వానరేంద్రేషు రామః సుగ్రీవమబ్రవీత్ |
కథం భవాన్ విజానీతే సర్వం వై మండలం భువః || ౧ ||
సుగ్రీవస్తు తతో రామమువాచ ప్రణతాత్మవాన్ |
శ్రూయతాం సర్వమాఖ్యాస్యే విస్తరేణ నరర్షభ || ౨ ||
యదా తు దుందుభిం నామ దానవం మహిషాకృతిమ్ |
పరికాలయతే వాలీ మలయం ప్రతి పర్వతమ్ || ౩ ||
తదా వివేశ మహిషో మలయస్య గుహాం ప్రతి |
వివేశ వాలీ తత్రాపి మలయం తజ్జిఘాంసయా || ౪ ||
తతోఽహం తత్ర నిక్షిప్తో గుహాద్వారి వినీతవత్ |
న చ నిష్క్రమతే వాలీ తదా సంవత్సరే గతే || ౫ ||
తతః క్షతజవేగేన ఆపుపూరే తదా బిలమ్ |
తదహం విస్మితో దృష్ట్వా భ్రాతృశోకవిషార్దితః || ౬ ||
అథాహం కృతబుద్ధిస్తు సువ్యక్తం నిహతో గురుః |
శిలా పర్వతసంకాశా బిలద్వారి మయావృతా || ౭ ||
అశక్నువన్నిష్క్రమితుం మహిషో వినిశోదితి |
తతోఽహమాగాం కిష్కింధాం నిరాశస్తస్య జీవితే || ౮ ||
రాజ్యం చ సుమహత్ప్రాప్తం తారయా రుమయా సహ |
మిత్రైశ్చ సహితస్తత్ర వసామి విగతజ్వరః || ౯ ||
ఆజగామ తతో వాలీ హత్వా తం దానవర్షభమ్ |
తతోఽహమదదాం రాజ్యం గౌరవాద్భయయంత్రితః || ౧౦ ||
స మాం జిఘాంసుర్దుష్టాత్మా వాలీ ప్రవ్యథితేంద్రియః |
పరికాలయతే క్రోధాద్ధావంతం సచివైః సహ || ౧౧ ||
తతోఽహం వాలినా తేన సానుబంధః ప్రధావితః |
నదీశ్చ వివిధాః పశ్యన్ వనాని నగరాణి చ || ౧౨ ||
ఆదర్శతలసంకాశా తతో వై పృథివీ మయా |
అలాతచక్రప్రతిమా దృష్టా గోష్పదవత్తదా || ౧౩ ||
పూర్వాం దిశం తతో గత్వా పశ్యామి వివిధాన్ ద్రుమాన్ |
పర్వతాంశ్చ నదీ రమ్యాః సరాంసి వివిధాని చ || ౧౪ ||
ఉదయం తత్ర పశ్యామి పర్వతం ధాతుమండితమ్ |
క్షీరోదం సాగరం చైవ నిత్యమప్సరసాలయమ్ || ౧౫ ||
పరికాలయమానస్తు వాలినాఽభిద్రుతస్తదా |
పునరావృత్య సహసా ప్రస్థితోఽహం తదా విభో || ౧౬ ||
పునరావర్తమానస్తు వాలినాఽభిద్రుతో ద్రుతమ్ |
దిశస్తస్యాస్తతో భూయః ప్రస్థితో దక్షిణాం దిశమ్ || ౧౭ ||
వింధ్యపాదపసంకీర్ణాం చందనద్రుమశోభితామ్ |
ద్రుమశైలాంస్తతః పశ్యన్ భూయో దక్షిణతోఽపరాన్ || ౧౮ ||
పశ్చిమాం తు దిశం ప్రాప్తో వాలినా సమభిద్రుతః |
సంపశ్యన్ వివిధాన్ దేశానస్తం చ గిరిసత్తమమ్ || ౧౯ ||
ప్రాప్య చాస్తం గిరిశ్రేష్ఠముత్తరాం సంప్రధావితః |
హిమవంతం చ మేరుం చ సముద్రం చ తథోత్తరమ్ || ౨౦ ||
యదా న విందం శరణం వాలినా సమభిద్రుతః |
తదా మాం బుద్ధిసంపన్నో హనుమాన్ వాక్యమబ్రవీత్ || ౨౧ ||
ఇదానీం మే స్మృతం రాజన్ యథా వాలీ హరీశ్వరః |
మతంగేన తదా శప్తో హ్యస్మిన్నాశ్రమమండలే || ౨౨ ||
ప్రవిశేద్యది వై వాలీ మూర్ధాఽస్య శతధా భవేత్ |
తత్ర వాసః సుఖోఽస్మాకం నిరుద్విగ్నో భవిష్యతి || ౨౩ ||
తతః పర్వతమాసాద్య ఋశ్యమూకం నృపాత్మజ |
న వివేశ తదా వాలీ మతంగస్య భయాత్తదా || ౨౪ ||
ఏవం మయా తదా రాజన్ ప్రత్యక్షముపలక్షితమ్ |
పృథివీమండలం కృత్స్నం గుహామస్యాగతస్తః || ౨౫ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే షట్చత్వారింశః సర్గః || ౪౬ ||
సంపూర్ణ వాల్మీకి రామాయణే కిష్కింధాకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
