Read in తెలుగు / ಕನ್ನಡ / தமிழ் / देवनागरी / English (IAST)
śrīpārvatyuvāca –
dēvadēva mahādēva sarvaśāstraviśārada |
kr̥pāṁ kuru jagannātha dharmajñōsi mahāmatē || 1 ||
bhairavī yā purā prōktā vidyā tripurapūrvikā |
tasyāstu kavacaṁ divyaṁ mahyaṁ kathaya tattvataḥ || 2 ||
tasyāstu vacanaṁ śrutvā jagāda jagadīśvaraḥ |
adbhutaṁ kavacaṁ dēvyā bhairavyā divyarūpi vai || 3 ||
īśvara uvāca –
kathayāmi mahāvidyākavacaṁ sarvadurlabham |
śr̥ṇuṣva tvaṁ ca vidhinā śrutvā gōpyaṁ tavāpi tat || 4 ||
yasyāḥ prasādātsakalaṁ bibharmi bhuvanatrayam |
yasyāḥ sarvaṁ samutpannaṁ yasyāmadyāpi tiṣṭhati || 5 ||
mātā pitā jagaddhanyā jagadbrahmasvarūpiṇī |
siddhidātrī ca siddhāssyādasiddhā duṣṭajantuṣu || 6 ||
sarvabhūtapriyaṅkarī sarvabhūtasvarūpiṇī |
kakārī pātu māṁ dēvī kāminī kāmadāyinī || 7 ||
ēkārī pātu māṁ dēvī mūlādhārasvarūpiṇī |
īkārī pātu māṁ dēvī bhūrisarvasukhapradā || 8 ||
lakārī pātu māṁ dēvī indrāṇīvaravallabhā |
hrīṅkārī pātu māṁ dēvī sarvadā śambhusundarī || 9 ||
ētairvarṇairmahāmāyā śāmbhavī pātu mastakam |
kakārī pātu māṁ dēvī śarvāṇī haragēhinī || 10 ||
makārī pātu māṁ dēvī sarvapāpapraṇāśinī |
kakārī pātu māṁ dēvī kāmarūpadharā sadā || 11 ||
kākārī pātu māṁ dēvī śambarāripriyā sadā |
pakārī pātu māṁ dēvī dharādharaṇirūpadhr̥k || 12 ||
hrīṅkārī pātu māṁ dēvī ākārārdhaśarīriṇī |
ētairvarṇairmahāmāyā kāmarāhupriyā:’vatu || 13 ||
makāraḥ pātu māṁ dēvī sāvitrī sarvadāyinī |
kakāraḥ pātu sarvatra kalāmbā sarvarūpiṇī || 14 ||
lakāraḥ pātu māṁ dēvī lakṣmīḥ sarvasulakṣaṇā |
ōṁ hrīṁ māṁ pātu sarvatra dēvī tribhuvanēśvarī || 15 ||
ētairvarṇairmahāmāyā pātu śaktisvarūpiṇī |
vāgbhavā mastakaṁ pātu vadanaṁ kāmarājitā || 16 ||
śaktisvarūpiṇī pātu hr̥dayaṁ yantrasiddhidā |
sundarī sarvadā pātu sundarī parirakṣatu || 17 ||
raktavarṇā sadā pātu sundarī sarvadāyinī |
nānālaṅkārasamyuktā sundarī pātu sarvadā || 18 ||
sarvāṅgasundarī pātu sarvatra śivadāyinī |
jagadāhlādajananī śambhurūpā ca māṁ sadā || 19 ||
sarvamantramayī pātu sarvasaubhāgyadāyinī |
sarvalakṣmīmayī dēvī paramānandadāyinī || 20 ||
pātu māṁ sarvadā dēvī nānāśaṅkhanidhiḥ śivā |
pātu padmanidhirdēvī sarvadā śivadāyinī || 21 ||
pātu māṁ dakṣiṇāmūrti r̥ṣiḥ sarvatra mastakē |
paṅktiśchandaḥ svarūpā tu mukhē pātu surēśvarī || 22 ||
gandhāṣṭakātmikā pātu hr̥dayaṁ śaṅkarī sadā |
sarvasaṁmōhinī pātu pātu saṅkṣōbhiṇī sadā || 23 ||
sarvasiddhipradā pātu sarvākarṣaṇakāriṇī |
kṣōbhiṇī sarvadā pātu vaśinī sarvadāvatu || 24 ||
ākarṣiṇī sadā pātu sadā saṁmōhinī tathā |
ratidēvī sadā pātu bhagāṅgā sarvadāvatu || 25 ||
māhēśvarī sadā pātu kaumārī sarvadāvatu |
sarvāhlādanakārī māṁ pātu sarvavaśaṅkarī || 26 ||
kṣēmaṅkarī sadā pātu sarvāṅgaṁ sundarī tathā |
sarvāṅgaṁ yuvatī sarvaṁ sarvasaubhāgyadāyinī || 27 ||
vāgdēvī sarvadā pātu vāṇī māṁ sarvadāvatu |
vaśinī sarvadā pātu mahāsiddhipradāvatu || 28 ||
sarvavidrāviṇī pātu gaṇanāthā sadāvatu |
durgādēvī sadā pātu vaṭukaḥ sarvadāvatu || 29 ||
kṣētrapālaḥ sadā pātu pātu cāśāntidā |
anantaḥ sarvadā pātu varāhaḥ sarvadāvatu || 30 ||
pr̥thivī sarvadā pātu svarṇasiṁhāsanastathā |
raktāmr̥taśca satataṁ pātu māṁ sarvakālataḥ || 31 ||
sudhārṇavaḥ sadā pātu kalpavr̥kṣaḥ sadāvatu |
śvētacchatraṁ sadā pātu ratnadīpaḥ sadāvatu || 32 ||
satataṁ nandanōdyānaṁ pātu māṁ sarvasiddhayē |
dikpālāḥ sarvadā pāntu dvandvaughāḥ sakalāstathā || 33 ||
vāhanāni sadā pāntu sarvadā:’strāṇi pāntu māṁ |
śastrāṇi sarvadā pāntu yōginyaḥ pāntu sarvadā || 34 ||
siddhāḥ pāntu sadā dēvī sarvasiddhipradāvatu |
sarvāṅgasundarī dēvī sarvadāvatu māṁ tathā || 35 ||
ānandarūpiṇī dēvī citsvarūpā cidātmikā |
sarvadā sundarī pātu sundarī bhavasundarī || 36 ||
pr̥thagdēvālayē ghōrē saṅkaṭē durgamē girau |
araṇyē prāntarē vā:’pi pātu māṁ sundarī sadā || 37 ||
idaṁ kavacamityuktaṁ mantrōddhāraśca pārvati |
yaḥ paṭhētprayatō bhūtvā trisandhyaṁ niyataḥ śuciḥ || 38 ||
tasya sarvārthasiddhiḥ syādyadyanmanasi vartatē |
gōrōcanākuṅkumēna raktacandanakēna vā || 39 ||
svayambhūkusumaiśśuklaiḥ bhūmiputrē śanau surē |
śmaśānē prāntarē vāpi śūnyāgārē śivālayē || 40 ||
svaśaktyā guruṇā yantraṁ pūjayitvā kumārikāṁ |
tanmanuṁ pūjayitvā ca gurupaṅktiṁ tathaiva ca || 41 ||
dēvyai baliṁ nivēdyātha naramārjārasūkaraiḥ |
nakulairmahiṣairmēṣaiḥ pūjayitvā vidhānataḥ || 42 ||
dhr̥tvā suvarṇamadhyasthaṁ kaṇṭhē vā dakṣiṇē bhujē |
sutithau śubhanakṣatrē sūryasyōdayanē tathā || 43 ||
dhārayitvā ca kavacaṁ sarvasiddhiṁ labhēnnaraḥ |
kavacasya ca māhātmyaṁ nāhaṁ varṣaśatairapi || 44 ||
śaknōmi tu mahēśāni vaktuṁ tasya phalaṁ tu yat |
na durbhikṣaphalaṁ tatra na śatrōḥ pīḍanaṁ tathā || 45 ||
sarvavighnapraśamanaṁ sarvavyādhivināśanam |
sarvarakṣākaraṁ jantōścaturvargaphalapradam || 46 ||
yatra kutra na vaktavyaṁ na dātavyaṁ kadācana |
mantraprāpya vidhānēna pūjayētsatataṁ sudhīḥ || 47 ||
tatrāpi durlabhaṁ manyē kavacaṁ dēvarūpiṇam |
gurōḥ prasādamāsādya vidyāṁ prāpya sugōpitām || 48 ||
tatrāpi kavacaṁ divyaṁ durlabhaṁ bhuvanatrayē |
ślōkaṁ vā stavamēkaṁ vā yaḥ paṭhētprayataḥ śuciḥ || 49 ||
tasya sarvārthasiddhiḥ syācchaṅkarēṇa prabhāṣitam |
gururdēvō haraḥ sākṣātpatnī tasya ca pārvatī || 50 ||
abhēdēna yajēdyastu tasya siddhiradūrataḥ || 51 ||
iti śrīrudrayāmalē bhairavabhairavīsaṁvādē śrī tripurabhairavī kavacam ||
See more daśamahāvidyā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
