Read in తెలుగు / ಕನ್ನಡ / தமிழ் / देवनागरी / English (IAST)
pūrvāṅgaṃ paśyatu ||
haridrā gaṇapati pūjā paśyatu ||
punaḥ saṅkalpam –
pūrvokta evaṃ guṇa viśeṣaṇa viśiṣṭāyāṃ śubha tithau śrī śyāmalā devatā anugraha prasāda siddhidvārā vāk stambhanādi doṣa nivāraṇārthaṃ, mama medhāśakti vṛddhyarthaṃ, śrī śyāmalā devatā prītyarthaṃ śrīsūkta vidhānena dhyāna āvāhanādi ṣoḍaśopacāra pūjāṃ kariṣye ||
prāṇapratiṣṭha –
oṃ asu̍nīte̱ puna̍ra̱smāsu̱ cakṣu̱:
puna̍: prā̱ṇami̱ha no̎ dhehi̱ bhoga̎m |
jyokpa̍śyema̱ sūrya̍mu̱ccara̎nta̱
manu̍mate mṛ̱ḍayā̎ naḥ sva̱sti ||
a̱mṛta̱ṃ vai prā̱ṇā a̱mṛta̱māpa̍:
prā̱ṇāne̱va ya̍thāsthā̱namupa̍hvayate ||
āvāhitā bhava sthāpitā bhava |
suprasannā bhava varadā bhava |
sthirāsanaṃ kuru prasīda prasīda ||
asmin bimbe śrīśyāmalā devatāmāvāhayāmi sthāpayāmi pūjayāmi |
dhyānam –
dhyāyeyaṃ ratnapīṭhe śukakalapaṭhitaṃ śṛṇvatīṃ śyāmalāṅgīṃ
nyastaikāṅghriṃ saroje śaśiśakaladharāṃ vallakīṃ vādayantīm |
kahlārābaddhamālāṃ niyamitavilasaccolikāṃ raktavastrāṃ
mātaṅgīṃ śaṅkhapātrāṃ madhuramadhumadāṃ citrakodbhāsibhālām ||
oṃ śrīśyāmalādevyai namaḥ dhyāyāmi |
āvāhanam –
hira̍ṇyavarṇā̱ṃ hari̍ṇīṃ su̱varṇa̍raja̱tasra̍jām |
ca̱ndrāṃ hi̱raṇma̍yīṃ la̱kṣmīṃ jāta̍vedo ma̱ āva̍ha ||
sahasradalapadmasthāṃ svasthāṃ ca sumanoharām |
haribrahmendranamitāṃ tāṃ bhaje jagatāṃ prasūm ||
oṃ śrīśyāmalādevyai namaḥ āvāhayāmi |
āsanam –
tāṃ ma̱ āva̍ha̱ jāta̍vedo la̱kṣmīmana̍pagā̱minī̎m |
yasyā̱ṃ hira̍ṇyaṃ vi̱ndeya̱ṃ gāmaśva̱ṃ puru̍ṣāna̱ham ||
amūlya ratnasāraṃ ca nirmitaṃ viśvakarmaṇā |
āsanaṃ ca prasannaṃ ca mahādevi pragṛhyatām ||
oṃ śrīśyāmalādevyai namaḥ navaratna khacita suvarṇasiṃhāsanaṃ samarpayāmi |
pādyam –
a̱śva̱pū̱rvāṃ ra̍thama̱dhyāṃ ha̱stinā̍dapra̱bodhi̍nīm |
śriya̍ṃ de̱vīmupa̍hvaye̱ śrīrmā̍de̱vīrju̍ṣatām ||
śuddhagaṅgodakamidaṃ sarvavanditamīpsitam |
pāpedhmavahnirūpaṃ ca gṛhyatāṃ parameśvari ||
oṃ śrīśyāmalādevyai namaḥ pādayoḥ pādyaṃ samarpayāmi |
arghyam –
kā̱ṃ so̎smi̱tāṃ hira̍ṇyaprā̱kārā̍mā̱rdrāṃ
jvala̍ntīṃ tṛ̱ptāṃ ta̱rpaya̍ntīm |
pa̱dme̱ sthi̱tāṃ pa̱dmava̍rṇā̱ṃ tāmi̱hopa̍hvaye̱ śriyam ||
puṣpacandanadūrvādisamyutaṃ jāhnavījalam |
śaṅkhagarbhasthitaṃ śuddhaṃ gṛhyatāṃ padmavāsini ||
oṃ śrīśyāmalādevyai namaḥ hastayoḥ arghyaṃ samarpayāmi |
ācamanīyam –
ca̱ndrāṃ pra̍bhā̱sāṃ ya̱śasā̱ jvala̍ntī̱ṃ
śriya̍ṃ lo̱ke de̱vaju̍ṣṭāmudā̱rām |
tāṃ pa̱dminī̍mī̱ṃ śara̍ṇama̱haṃ prapa̍dye-
-‘la̱kṣmīrme̍ naśyatā̱ṃ tvāṃ vṛ̍ṇe ||
puṇyatīrthādikaṃ caiva viśuddhaṃ śuddhidaṃ sadā |
gṛhyatāṃ śivakānte ca ramyamācamanīyakam ||
oṃ śrīśyāmalādevyai namaḥ mukhe ācamanīyaṃ samarpayāmi |
madhuparkam –
kāpilaṃ dadhi kundendudhavalaṃ madhusamyutam |
svarṇapātrasthitaṃ devi madhuparkaṃ gṛhāṇa bhoḥ ||
oṃ śrīśyāmalādevyai namaḥ madhuparkaṃ samarpayāmi |
pañcāmṛta snānam –
pañcāmṛtaṃ mayānītaṃ payo dadhi ghṛtaṃ madhu |
śarkarādi samāyuktaṃ snānārthaṃ pratigṛhyatām ||
oṃ śrīśyāmalādevyai namaḥ pañcāmṛtasnānaṃ samarpayāmi |
snānam –
ā̱di̱tyava̍rṇe̱ tapa̱so’dhi̍jā̱to
vana̱spati̱stava̍ vṛ̱kṣo’tha bi̱lvaḥ |
tasya̱ phalā̍ni̱ tapa̱sā nu̍dantu
mā̱yānta̍rā̱yāśca̍ bā̱hyā a̍la̱kṣmīḥ ||
sugandhi viṣṇutailaṃ ca sugandhāmalakījalam |
dehasaundaryabījaṃ ca gṛhyatāṃ śrīharapriye ||
oṃ śrīśyāmalādevyai namaḥ śuddhodakasnānaṃ samarpayāmi |
snānānantaraṃ śuddhācamanīyaṃ samarpayāmi |
vastram –
upai̍tu̱ māṃ de̍vasa̱khaḥ kī̱rtiśca̱ maṇi̍nā sa̱ha |
prā̱du̱rbhū̱to’smi̍ rāṣṭre̱’smin kī̱rtimṛ̍ddhiṃ da̱dātu̍ me ||
saundaryamukhyālaṅkāraṃ sadā śobhāvivardhanam |
kārpāsajaṃ ca krimijaṃ vasanaṃ devi gṛhyatām ||
oṃ śrīśyāmalādevyai namaḥ vastrayugmaṃ samarpayāmi |
ābharaṇam –
kṣutpi̍pā̱sāma̍lāṃ jye̱ṣṭhāma̍la̱kṣmīṃ nā̍śayā̱myaham |
abhū̍ti̱masa̍mṛddhi̱ṃ ca sarvā̱ṃ nirṇu̍da me̱ gṛhā̍t ||
ratnasvarṇavikāraṃ ca dehālaṅkāravardhanam |
śobhādānaṃ śrīkaraṃ ca bhūṣaṇaṃ pratigṛhyatām ||
oṃ śrīśyāmalādevyai namaḥ ābharaṇāni samarpayāmi |
gandham –
ga̱ndha̱dvā̱rāṃ du̍rādha̱rṣā̱ṃ ni̱tyapu̍ṣṭāṃ karī̱ṣiṇī̎m |
ī̱śvarī̍gṃ sarva̍bhūtā̱nā̱ṃ tāmi̱hopa̍hvaye̱ śriyam ||
malayācalasambhūtaṃ vṛkṣasāraṃ manoharam |
sugandhayuktaṃ sukhadaṃ candanaṃ devi gṛhyatām ||
oṃ śrīśyāmalādevyai namaḥ gandhaṃ samarpayāmi |
puṣpāṇi –
mana̍sa̱: kāma̱mākū̍tiṃ vā̱caḥ sa̱tyama̍śīmahi |
pa̱śū̱nāṃ rū̱pamanna̍sya̱ mayi̱ śrīḥ śra̍yatā̱ṃ yaśa̍: ||
nānākusumanirmitaṃ bahuśobhāpradaṃ param |
sarvabhūtapriyaṃ śuddhaṃ mālyaṃ devi pragṛhyatām ||
oṃ śrīśyāmalādevyai namaḥ puṣpāṇi samarpayāmi |
atha aṣṭottaraśatanāma pūjā –
śrī śyāmalā aṣṭottaraśatanāmāvalī paśyatu |
oṃ śrīśyāmalādevyai namaḥ aṣṭottaraśatanāmapūjāṃ samarpayāmi |
dhūpam –
ka̱rdame̍na pra̍jābhū̱tā̱ ma̱yi̱ sambha̍va ka̱rdama |
śriya̍ṃ vā̱saya̍ me ku̱le mā̱tara̍ṃ padma̱māli̍nīm ||
vṛkṣaniryāsarūpaṃ ca gandhadravyādisamyutam |
dhūpaṃ dāsyāmi kalyāṇi pavitraṃ pratigṛhyatām ||
oṃ śrīśyāmalādevyai namaḥ dhūpamāghrāpayāmi |
dīpam –
āpa̍: sṛ̱jantu̍ sni̱gdhā̱ni̱ ci̱klī̱ta va̍sa me̱ gṛhe |
ni ca̍ de̱vīṃ mā̱tara̱ṃ śriya̍ṃ vā̱saya̍ me ku̱le ||
jagaccakṣuḥ svarūpaṃ ca prāṇarakṣaṇakāraṇam |
pradīpaṃ śuddharūpaṃ ca gṛhyatāṃ parameśvari ||
oṃ śrīśyāmalādevyai namaḥ dīpaṃ darśayāmi |
naivedyam –
ā̱rdrāṃ pu̱ṣkari̍ṇīṃ pu̱ṣṭi̱ṃ pi̱ṅga̱lāṃ pa̍dmamā̱linīm|
ca̱ndrāṃ hi̱raṇma̍yīṃ la̱kṣmīṃ jāta̍vedo ma̱ āva̍ha ||
nānopahārarūpaṃ ca nānārasasamanvitam |
nānāsvādukaraṃ caiva naivedyaṃ pratigṛhyatām ||
oṃ śrīśyāmalādevyai namaḥ naivedyaṃ samarpayāmi |
oṃ bhūrbhuva̱ssuva̍: | tatsa̍vi̱turvare̎ṇya̱ṃ bhargo̍ de̱vasya̍ dhīmahi |
dhiyo̱ yo na̍: praco̱dayā̎t ||
satyaṃ tvā ṛtena pariṣiñcāmi |
(sāyaṅkāle – ṛtaṃ tvā satyena pariṣiñcāmi)
amṛtamastu | a̱mṛ̱to̱pa̱stara̍ṇamasi |
oṃ prā̱ṇāya̱ svāhā̎ | oṃ a̱pā̱nāya̱ svāhā̎ |
oṃ vyā̱nāya̱ svāhā̎ | oṃ u̱dā̱nāya̱ svāhā̎ |
oṃ sa̱mā̱nāya̱ svāhā̎ |
madhye madhye pānīyaṃ samarpayāmi |
a̱mṛ̱tā̱pi̱dhā̱nama̍si | uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi |
tāmbūlam –
ā̱rdrāṃ ya̱: kari̍ṇīṃ ya̱ṣṭi̱ṃ su̱va̱rṇāṃ he̍mamā̱linīm |
sū̱ryāṃ hi̱raṇma̍yīṃ la̱kṣmī̱ṃ jāta̍vedo ma̱ āvaha ||
tāmbūlaṃ ca varaṃ ramyaṃ karpūrādisuvāsitam |
jihvājāḍyacchedakaraṃ tāmbūlaṃ devi gṛhyatām ||
oṃ śrīśyāmalādevyai namaḥ tāmbūlaṃ samarpayāmi |
nīrājanam –
tāṃ ma̱ āva̍ha̱ jāta̍vedo la̱kṣmīmana̍pagā̱minī̎m |
yasyā̱ṃ hi̍raṇya̱ṃ prabhū̍ta̱ṃ gāvo̍ dā̱syo’śvā̎-
-nvi̱ndeya̱ṃ puru̍ṣāna̱ham ||
karpūradīpatejastvaṃ ajñānatimirāpahā |
devīprītikaraṃ caiva mama saukhyaṃ vivardhaya ||
oṃ śrīśyāmalādevyai namaḥ nīrājanaṃ samarpayāmi |
mantrapuṣpam –
oṃ śukapriyāyai vidmahe śrīkāmeśvaryai dhīmahi tannaḥ śyāmā pracodayāt ||
sadbhāvapuṣpāṇyādāya sahajapremarūpiṇe |
lokamātre dadāmyadya prītyā saṅgṛhyatāṃ sadā ||
oṃ śrīśyāmalādevyai namaḥ mantrapuṣpaṃ samarpayāmi |
pradakṣiṇa –
yāni kāni ca pāpāni janmāntarakṛtāni ca |
tāni tāni praṇaśyanti pradakṣiṇa pade pade |
pāpo’haṃ pāpakarmā’haṃ pāpātmā pāpasambhava |
trāhi māṃ kṛpayā devī śaraṇāgatavatsale |
anyathā śaraṇaṃ nāsti tvameva śaraṇaṃ mama |
tasmātkāruṇya bhāvena rakṣa rakṣa maheśvari |
oṃ śrīśyāmalādevyai namaḥ ātmapradakṣiṇa namaskārān samarpayāmi |
sāṣṭāṅga namaskāram –
urasā śirasā dṛṣṭyā manasā vacasā tathā |
padbhyāṃ karābhyāṃ karṇābhyāṃ praṇāmo’ṣṭāṅgamucyate ||
oṃ śrīśyāmalādevyai namaḥ sāṣṭāṅga namaskārān samarpayāmi |
prārthanā –
māṇikyavīṇāmupalālayantīṃ
madālasāṃ mañjulavāgvilāsām |
māhendranīladyutikomalāṅgīṃ
mātaṅgakanyāṃ manasā smarāmi ||
caturbhuje candrakalāvataṃse
kuconnate kuṅkumarāga śoṇe |
puṇḍrekṣupāśāṅkuśapuṣpabāṇa-
-haste namaste jagadekamātaḥ ||
mātā marakataśyāmā mātaṅgī madaśālinī |
kuryātkaṭākṣaṃ kalyāṇī kadambavanavāsinī ||
jaya mātaṅgatanaye jaya nīlotpaladyute |
jaya saṅgītarasike jaya līlāśukapriye ||
oṃ śrīśyāmalādevyai namaḥ prārthanā namaskārān samarpayāmi |
sarvopacārāḥ –
oṃ śrīśyāmalādevyai namaḥ chatraṃ ācchādayāmi |
oṃ śrīśyāmalādevyai namaḥ cāmarairvījayāmi |
oṃ śrīśyāmalādevyai namaḥ nṛtyaṃ darśayāmi |
oṃ śrīśyāmalādevyai namaḥ gītaṃ śrāvayāmi |
oṃ śrīśyāmalādevyai namaḥ āndolikānārohayāmi |
oṃ śrīśyāmalādevyai namaḥ aśvānārohayāmi |
oṃ śrīśyāmalādevyai namaḥ gajānārohayāmi |
yadyaddravyamapūrvaṃ ca pṛthivyāmatidurlabham |
devabhūpārha bhogyaṃ ca taddravyaṃ devi gṛhyatām ||
oṃ śrīśyāmalādevyai namaḥ samasta rājñīyopacārān devyopacārān samarpayāmi |
kṣamā prārthanā –
aparādha sahasrāṇi kriyante’harniśaṃ mayā |
dāso’yamiti māṃ matvā kṣamasva parameśvari ||
āvāhanaṃ na jānāmi na jānāmi visarjanam |
pūjāvidhiṃ na jānāmi kṣamasva parameśvari ||
mantrahīnaṃ kriyāhīnaṃ bhaktihīnaṃ maheśvari |
yatpūjitaṃ mayā devi paripūrṇaṃ tadastu te ||
anayā mayā kṛtena śrīsūkta vidhāna pūrvaka dhyāna āvāhanādi ṣoḍaśopacāra pūjayā bhagavatī sarvātmikā śrīśyāmalādevī suprītā suprasannā varadā bhavantu ||
tīrthaprasāda grahaṇam –
akālamṛtyaharaṇaṃ sarvavyādhinivāraṇam |
samastapāpakṣayakaraṃ mātṛpādodakaṃ śubham ||
oṃ śrīśyāmalādevyai namaḥ prasādaṃ śirasā gṛhṇāmi |
visarjanam –
idaṃ pūjā mayā devi yathāśaktyupapāditām |
rakṣārthaṃ tvaṃ samadāya vrajasthānamanuttamam ||
oṃ śrīśyāmalādevyai namaḥ yathāsthānamudvāsayāmi |
oṃ śāntiḥ śāntiḥ śāntiḥ |
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
