Read in తెలుగు / ಕನ್ನಡ / தமிழ் / देवनागरी / English (IAST)
(Note: This stotra is printed in prabhāta stōtranidhi (IAST) book. Click here to buy.)
śrīpūrṇabōdhagurutīrthapayōbdhipārā
kāmārimākṣaviṣamākṣaśiraḥ spr̥śantī |
pūrvōttarāmitataraṅgacaratsuhaṁsā
dēvālisēvitaparāṅghripayōjalagnā || 1 ||
jīvēśabhēdaguṇapūrtijagatsusattva-
-nīcōccabhāvamukhanakragaṇaiḥ samētā |
durvādyajāpatigilairgururāghavēndra-
-vāgdēvatāsaridamuṁ vimalī karōtu || 2 ||
śrīrāghavēndraḥ sakalapradātā
svapādakañjadvayabhaktimadbhyaḥ |
aghādrisambhēdanadr̥ṣṭivajraḥ
kṣamāsurēndrō:’vatu māṁ sadā:’yam || 3 ||
śrīrāghavēndrō haripādakañja-
-niṣēvaṇāllabdhasamastasampat |
dēvasvabhāvō divijadrumō:’ya-
-miṣṭapradō mē satataṁ sa bhūyāt || 4 ||
bhavyasvarūpō bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigrahēśō
duratyayōpaplavasindhusētuḥ || 5 ||
nirastadōṣō niravadyavēṣaḥ
pratyarthimūkattvanidānabhāṣaḥ |
vidvatparijñēyamahāviśēṣō
vāgvaikharīnirjitabhavyaśēṣaḥ || 6 ||
santānasampatpariśuddhabhakti-
-vijñānavāgdēhasupāṭavādīn |
datvā śarīrōtthasamastadōṣān
hattvā sa nō:’vyādgururāghavēndraḥ || 7 ||
yatpādōdakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśanō bhuvi mahāvandhyāsuputrapradō
vyaṅgasvaṅgasamr̥ddhidō grahamahāpāpāpahastaṁ śrayē || 8 ||
yatpādakañjarajasā paribhūṣitāṅgā
yatpādapadmamadhupāyitamānasā yē |
yatpādapadmaparikīrtanajīrṇavāca
-staddarśanaṁ duritakānanadāvabhūtam || 9 ||
sarvatantrasvatantrō:’sau śrīmadhvamatavardhanaḥ
vijayīndrakarābjōtthasudhīndravaraputrakaḥ || 10 ||
śrīrāghavēndrō yatirāṭ gururmē syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhēdacihnādarō guruḥ |
sarvavidyāpravīṇō:’nyō rāghavēndrānna vidyatē || 12 ||
aparōkṣīkr̥taśrīśaḥ samupēkṣitabhāvajaḥ |
apēkṣitapradātā:’nyō rāghavēndrānna vidyatē || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśaktō:’nyō rāghavēndrānna vidyatē || 14 ||
ajñānavismr̥tibhrāntisaṁśayā:’pasmr̥tikṣayāḥ |
tandrākampavacaḥkauṇṭhyamukhā yē cēndriyōdbhavāḥ |
dōṣāstē nāśamāyānti rāghavēndraprasādataḥ || 15 ||
ōṁ śrīrāghavēndrāya namaḥ itya:’ṣṭākṣaramantrataḥ |
japitādbhāvitānnityaṁ iṣṭārthāḥ syurna saṁśayaḥ || 16 ||
hantu naḥ kāyajān dōṣān ātmātmīyasamudbhavān |
sarvānapi pumarthāṁśca dadātu gururātmavit || 17 ||
iti kālatrayē nityaṁ prārthanāṁ yaḥ karōti saḥ |
ihāmutrāptasarvēṣṭō mōdatē nātra saṁśayaḥ || 18 ||
agamyamahimā lōkē rāghavēndrō mahāyaśāḥ |
śrīmadhvamatadugdhābdhicandrō:’vatu sadā:’naghaḥ || 19 ||
sarvayātrāphalāvāptyai yathāśaktipradakṣiṇam |
karōmi tava siddhasya br̥ndāvanagataṁ jalam || 20 ||
śirasā dhārayāmyadya sarvatīrthaphalāptayē |
sarvābhīṣṭārthasiddhyarthaṁ namaskāraṁ karōmyaham |
tava saṅkīrtanaṁ vēdaśāstrārthajñānasiddhayē || 21 ||
saṁsārē:’kṣayasāgarē prakr̥titō:’gādhē sadā dustarē
sarvāvadyajalagrahairanupamaiḥ kāmādibhaṅgākulē |
nānāvibhramadurbhramē:’mitabhayastōmādiphēnōtkaṭē
duḥkhōtkr̥ṣṭaviṣē samuddhara gurō mā magnarūpaṁ sadā || 22 ||
rāghavēndragurustōtraṁ yaḥ paṭhēdbhaktipūrvakam |
tasya kuṣṭhādirōgāṇāṁ nivr̥ttistvarayā bhavēt || 23 ||
andhō:’pi divyadr̥ṣṭiḥ syādēḍamūkō:’pi vākpatiḥ |
pūrṇāyuḥ pūrṇasampattiḥ stōtrasyā:’sya japādbhavēt || 24 ||
yaḥ pibējjalamētēna stōtrēṇaivābhimantritam |
tasya kukṣigatā dōṣāḥ sarvē naśyanti tat kṣaṇāt || 25 ||
yadvr̥ndāvanamāsādya paṅguḥ khañjō:’pi vā janaḥ |
stōtrēṇānēna yaḥ kuryāt pradakṣiṇanamaskr̥tī || 26 ||
sa jaṅghālō bhavēdēva gururājaprasādataḥ |
sōmasūryōparāgē ca puṣyārkādisamāgamē || 27 ||
yō:’nuttamamidaṁ stōtramaṣṭōttaraśataṁ japēt |
bhūtaprētapiśācādi pīḍā tasya na jāyatē || 28 ||
ētat stōtraṁ samuccārya gurōrvr̥ndāvanāntikē |
dīpasamyōjanājjñānaṁ putralābhō bhavēddhruvam || 29 ||
paravādijayō divyajñānabhaktyādivardhanam |
sarvābhīṣṭapravr̥ddhiḥ syānnātra kāryā vicāraṇā || 30 ||
rājacōramahāvyāghrasarpanakrādipīḍanam |
na jāyatē:’sya stōtrasya prabhāvānnātra saṁśayaḥ || 31 ||
yō bhaktyā gururāghavēndracaraṇadvandvaṁ smaran yaḥ paṭhēt
stōtraṁ divyamidaṁ sadā na hi bhavēttasyāsukhaṁ kiñcana |
kiṁ tviṣṭārthasamr̥ddhirēva kamalānāthaprasādōdayāt
kīrtirdigviditā vibhūtiratulā sākṣī hayāsyō:’tra hi || 32 ||
[* adhikāślōkāḥ –
iti śrī rāghavēndrārya gururājaprasādataḥ |
kr̥taṁ stōtramidaṁ puṇyaṁ śrīmadbhirhyappaṇābhidaiḥ ||
pūjyāya rāghavēndrāya satyadharmaratāya ca |
bhajatāṁ kalpavr̥kṣāya namatāṁ kāmadhēnavē ||
āpādamauliparyantaṁ gurūṇāmākr̥tiṁ smarēt |
tēna vighnaḥ praṇaśyanti siddhyanti ca manōrathāḥ ||
durvādidhvāntaravayē vaiṣṇavēndīvarēndavē |
śrīrāghavēndra guravē namō:’tyantadayālavē ||
mūkō:’pi yatprasādēna mukundaśayanāya tē |
rājarājāyatē riktō rāghavēndraṁ tamāśrayē |
*]
iti śrī appaṇṇācāryaviracitaṁ śrīrāghavēndra stōtraṁ sampūrṇam ||
Note: The stotra given above is printed in this book.
prabhāta stōtranidhi
( shloka book )
See more śrī rāghavēndra stōtrāṇi for chanting. See more śrī guru stōtrāṇi for chanting.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
