Sri Narasimha Dwadasa Nama Stotram – śrī nr̥siṁha dvādaśanāma stōtram

 

asya śrīnr̥siṁha dvādaśanāmastōtra mahāmantrasya vēdavyāsō bhagavān r̥ṣiḥ anuṣṭupchandaḥ lakṣmīnr̥siṁhō dēvatā śrīnr̥siṁha prītyarthē viniyōgaḥ |

dhyānam |
svabhakta pakṣapātēna tadvipakṣa vidāraṇam |
nr̥siṁhamadbhutaṁ vandē paramānanda vigraham ||

stōtram |
prathamaṁ tu mahājvālō dvitīyaṁ tūgrakēsarī |
tr̥tīyaṁ vajradaṁṣṭraśca caturthaṁ tu viśāradaḥ || 1 ||

pañcamaṁ nārasiṁhaśca ṣaṣṭhaḥ kaśyapamardanaḥ |
saptamō yātuhantā ca aṣṭamō dēvavallabhaḥ || 2 ||

nava prahlādavaradō daśamō:’nantahastakaḥ |
ēkādaśō mahārudrō dvādaśō dāruṇastathā || 3 ||

dvādaśaitāni nāmāni nr̥siṁhasya mahātmanaḥ |
mantrarājēti vikhyātaṁ sarvapāpavināśanam || 4 ||

kṣayāpasmārakuṣṭhādi tāpajvaranivāraṇam |
rājadvārē mahāghōrē saṅgrāmē ca jalāntarē || 5 ||

girigahvāra āraṇyē vyāghracōrāmayādiṣu |
raṇē ca maraṇē caiva śamadaṁ paramaṁ śubham || 6 ||

śatamāvartayēdyastu mucyatē vyādhibandhanāt |
āvartayētsahasraṁ tu labhatē vāñchitaṁ phalam || 7 ||

iti śrī nr̥siṁha dvādaśanāma stōtram |


 

See more śrī nr̥siṁha stōtrāṇi for chanting.

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: