Read in తెలుగు / ಕನ್ನಡ / தமிழ் / देवनागरी / English (IAST)
nārada uvāca |
bhagavan dēvadēvēśa bhūtabhavyajagatprabhō |
kavacaṁ ca śrutaṁ divyaṁ gāyatrīmantravigraham || 1 ||
adhunā śrōtumicchāmi gāyatrīhr̥dayaṁ param |
yaddhāraṇādbhavētpuṇyaṁ gāyatrījapatō:’khilam || 2 ||
śrīnārāyaṇa uvāca |
dēvyāśca hr̥dayaṁ prōktaṁ nāradātharvaṇē sphuṭam |
tadēvāhaṁ pravakṣyāmi rahasyātirahasyakam || 3 ||
virāḍrūpāṁ mahādēvīṁ gāyatrīṁ vēdamātaram |
dhyātvā tasyāstvathāṅgēṣu dhyāyēdētāśca dēvatāḥ || 4 ||
piṇḍabrahmaṇḍayōraikyādbhāvayētsvatanau tathā |
dēvīrūpē nijē dēhē tanmayatvāya sādhakaḥ || 5 ||
nādēvō:’bhyarcayēddēvamiti vēdavidō viduḥ |
tatō:’bhēdāya kāyē svē bhāvayēddēvatā imāḥ || 6 ||
atha tatsampravakṣyāmi tanmayatvamathō bhavēt |
gāyatrīhr̥dayasyā:’syā:’pyahamēva r̥ṣiḥ smr̥taḥ || 7 ||
gāyatrīchanda uddiṣṭaṁ dēvatā paramēśvarī |
pūrvōktēna prakārēṇa kuryādaṅgāni ṣaṭkramāt |
āsanē vijanē dēśē dhyāyēdēkāgramānasaḥ || 8 ||
athārthanyāsaḥ | dyaumūrdhni daivatam | dantapaṅktāvaśvinau | ubhē sandhyē cauṣṭhau | mukhamagniḥ | jihvā sarasvatī | grīvāyāṁ tu br̥haspatiḥ | stanayōrvasavō:’ṣṭau | bāhvōrmarutaḥ | hr̥dayē parjanyaḥ | ākāśamudaram | nābhāvantarikṣam | kaṭyōrindrāgnī | jaghanē vijñānaghanaḥ prajāpatiḥ | kailāsamalayē ūrū | viśvēdēvā jānvōḥ | jaṅghāyāṁ kauśikaḥ | guhyamayanē | ūrū pitaraḥ | pādau pr̥thivī | vanaspatayō:’ṅgulīṣu | r̥ṣayō rōmāṇi | nakhāni muhūrtāni | asthiṣu grahāḥ | asr̥ṅmāṁsamr̥tavaḥ || saṁvatsarā vai nimiṣam | ahōrātrāvādityaścandramāḥ | pravarāṁ divyāṁ gāyatrīṁ sahasranētrāṁ śaraṇamahaṁ prapadyē ||
ōṁ tatsaviturvarēṇyāya namaḥ | ōṁ tatpūrvājayāya namaḥ | tatprātarādityāya namaḥ | tatprātarādityapratiṣṭhāyai namaḥ ||
prātaradhīyānō rātrikr̥taṁ pāpaṁ nāśayati | sāyamadhīyānō divasakr̥taṁ pāpaṁ nāśayati | sāyaṁ prātaradhīyānō apāpō bhavati | sarvatīrthēṣu snātō bhavati | sarvairdēvairjñātō bhavati | avācyavacanātpūtō bhavati | abhakṣyabhakṣaṇātpūtō bhavati | abhōjyabhōjanātpūtō bhavati | acōṣyacōṣaṇātpūtō bhavati | asādhyasādhanātpūtō bhavati | duṣpratigrahaśatasahasrātpūtō bhavati | sarvapratigrahātpūtō bhavati | paṅktidūṣaṇātpūtō bhavati | anr̥tavacanātpūtō bhavati | athā:’brahmacārī brahmacārī bhavatī | anēna hr̥dayēnādhītēna kratusahasrēṇēṣṭaṁ bhavati | ṣaṣṭiśatasahasragāyatryā japyāni phalāni bhavanti | aṣṭau brāhmaṇān samyaggrāhayēt | tasya siddhirbhavati | ya idaṁ nityamadhīyānō brāhmaṇaḥ prātaḥ śuciḥ sarvapāpaiḥ pramucyata iti | brahmalōkē mahīyatē ||
ityāha bhagavān śrīnārāyaṇaḥ ||
iti śrīdēvībhāgavatē mahāpurāṇē dvādaśaskandhē śrī gāyatrī hr̥dayaṁ nāma caturthō:’dhyāyaḥ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
