Sri Datta Navaratna Malika – śrī datta navaratnamālikā


vittatarṣarahitairmanujānāṁ
sattamairaniśasēvyapadābjam |
cittaśuddhimabhilipsurahaṁ drāk
dattadēvamaniśaṁ kalayāmi || 1 ||

kārtavīryagurumatritanūjaṁ
pādanamraśira āhitahastam |
śrīdamukhyaharidīśvarapūjyaṁ
dattadēvamaniśaṁ kalayāmi || 2 ||

nākanāyakasamarcitapādaṁ
pākacandradhara maulyavatāram |
kōkabandhusamavēkṣyamahaskaṁ
dattadēvamaniśaṁ kalayāmi || 3 ||

mūkapaṅgu badhirādimalōkān
lōkatastaditarānvidadhānam |
ēkavastuparibōdhayitāraṁ
dattadēvamaniśaṁ kalayāmi || 4 ||

yōgadānata ihaiva harantaṁ
rōgamāśu namatāṁ bhavasañjñam |
rāgamōhamukha vairinivr̥ttyai
dattadēvamaniśaṁ kalayāmi || 5 ||

jāmadagnyamunayē tripurāyāḥ
jñānakhaṇḍamavabōdhitavantam |
jāmitāvidalanaṁ natapaṅktēḥ
dattadēvamaniśaṁ kalayāmi || 6 ||

tārakaṁ bhavamahājalarāśēḥ
pūrakaṁ padanatēpsitarāśēḥ |
vārakaṁ kalimukhōtthabhayānāṁ
dattadēvamaniśaṁ kalayāmi || 7 ||

satyavitsukhanirantarasaktaṁ
svāntamānatajanaṁ vidadhānam |
śrāntalōkatatitōṣaṇacandraṁ
dattadēvamaniśaṁ kalayāmi || 8 ||

rakṣaṇāya jagatō dhr̥tadēhaṁ
śikṣaṇāya ca duradhvagatānām |
r̥kṣarājaparibhāviniṭālaṁ
dattadēvamaniśaṁ kalayāmi || 9 ||

navaratnamālikēyaṁ
grathitā bhaktēna kēnacidyatinā |
guruvaracaraṇābjayugē
tanmōdāyārpitā ciraṁ jīyāt || 10 ||

iti śrījagadguru śrīcandraśēkharabhāratīsvāmipādaiḥ viracitā śrī datta navaratnamālikā |


See more śrī dattātrēya stōtrāṇi for chanting.


గమనిక : "శ్రీ గాయత్రీ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed