Simhachala Varaha Narasimha Mangalam – śrī siṁhācala varāhanr̥siṁha maṅgalam

stōtranidhi → śrī nr̥siṁha stōtrāṇi → śrī siṁhācala varāhanr̥siṁha maṅgalam

siṁhaśailanivāsāya siṁhasūkararūpiṇē |
śrīvarāhanr̥siṁhāya siṁhādrīśāya maṅgalam || 1 ||

yajñēśāya mahēśāya surēśāya mahātmanē |
śrīvarāhanr̥siṁhāya siṁhādrīśāya maṅgalam || 2 ||

akṣayāyā:’pramēyāya nidhayē akṣarāya ca |
śrīvarāhanr̥siṁhāya siṁhādrīśāya maṅgalam || 3 ||

candanāṅkitagātrāya pōtriṇē paramātmanē |
śrīvarāhanr̥siṁhāya siṁhādrīśāya maṅgalam || 4 ||

śrīakṣayatr̥tīyāyāṁ nijarūpadharāya ca |
śrīvarāhanr̥siṁhāya siṁhādrīśāya maṅgalam || 5 ||

yatīśvarēṇārcitāya gatayē sarvasākṣiṇē |
śrīvarāhanr̥siṁhāya siṁhādrīśāya maṅgalam || 6 ||

saptōttaraśatēyajñē svasvarūpadharāya ca |
śrīvarāhanr̥siṁhāya siṁhādrīśāya maṅgalam || 7 ||

viśākhāya suśākhāya sāgarāyācalāya ca |
śrīvarāhanr̥siṁhāya siṁhādrīśāya maṅgalam || 8 ||

śrībhūnīlāsamētāya bhaktānāṁ kāmadhēnavē |
śrīvarāhanr̥siṁhāya siṁhādrīśāya maṅgalam || 9 ||

yajñāya yajñarūpāya yajñinē yajñasākṣiṇē |
śrīvarāhanr̥siṁhāya siṁhādrīśāya maṅgalam || 10 ||

padmanābhāya dēvāya padmagarbhāya padminē |
śrīvarāhanr̥siṁhāya siṁhādrīśāya maṅgalam || 11 ||

mukkūr nr̥siṁhadāsēna siṁhādrīśasya maṅgalam |
śrīraṅgayōgikr̥payā prōktaṁ sarvārthadāyakam || 12 ||

iti śrīmukkūr lakṣmīnr̥siṁhasvāminā anugr̥hītaṁ śrī siṁhācala varāhanr̥siṁha maṅgalam ||

---

See more śrī nr̥siṁha stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.