Read in తెలుగు / ಕನ್ನಡ / தமிழ் / देवनागरी / English (IAST)
yaddhitaṁ tava bhaktānāmasmākaṁ nr̥harē harē |
tadāśu kāryaṁ kāryajña pralayārkāyutaprabha || 1 ||
raṭatsaṭōgra bhrukuṭīkaṭhōrakuṭilēkṣaṇa |
nr̥pañcāsya jvalajjvālōjjvalāsyārīn harē hara || 2 ||
unnaddhakarṇavinyāsa vivr̥tānana bhīṣaṇa |
gatadūṣaṇa mē śatrūn harē naraharē hara || 3 ||
harē śikhiśikhōdbhāsvaduraḥ krūranakhōtkara |
arīn saṁhara daṁṣṭrōgrasphurajjihva nr̥siṁha mē || 4 ||
jaṭharastha jagajjāla karakōṭyudyatāyudha |
kaṭikalpataṭitkalpavasanārīn harē hara || 5 ||
rakṣōdhyakṣabr̥hadvakṣōrūkṣakukṣividāraṇa |
naraharyakṣa mē śatrupakṣakakṣaṁ harē daha || 6 ||
vidhimārutaśarvēndrapūrvagīrvāṇapuṅgavaiḥ |
sadā natāṅghridvandvārīn narasiṁha harē hara || 7 ||
bhayaṅkarōrvalaṅkāra varahuṅkāragarjita |
harē naraharē śatrūn mama saṁhara saṁhara || 8 ||
vādirājayatiprōktaṁ naraharyaṣṭakaṁ navam |
paṭhannr̥siṁhakr̥payā ripūn saṁharati kṣaṇāt || 9 ||
iti śrīmadvādirāja pūjyacaraṇa viracitaṁ śrī naraharyaṣṭakam |
See more śrī nr̥siṁha stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
